१ पत्रुस 5:2 - थुलुङ राई

² माम्‍चु़नीका गानीलाई रेम्‍बेबेट्‌निमिम उनी थो़र लु़पामिमलाई रेप्‍नी। न मेबिसिक्‍साका मेएँ लावो माम्‍चु़नीका न बोमिमिम होङङा त्‍वाकु नकाङा बेनी। रारी बेसाका मेएँ लावो चापे-डुपे छो़म बेबेद्‌वाक्‍पा नका रेपा मु़चु़ दु़म्‍नी।

१ पत्रुस 5:2 Referans Kwoze

तीतस 1:7

हेङालोने एल्‍डर ने माम्‍चु़नीकाम खारी बेपामिमका मुमा बेन्‍ला मेसो़सिक्‍पा दु़म्‍मु बासी। उ त्‍वाकु न होङङा बेपा, दाला छोक्‍चो बक्‍पा, डु़का सेट्‌पा, क्‍वाल्‍बा बेपा, खउलुङ ल्‍वामु लागि हाम लोवो बेपा दु़म्‍सिमेनु़।

१ तिमोथी 3:8

मेम्‍साकाङा डिकनमिम वो खोत्‍लेका जो़पा मिम्‍मु घ्रेट्‌पा दु़म्‍मु बासी। नले ल्‍वा मेबेपा, डु़का मेसेट्‌पा, मा खाप्‍चीकु रारी मेबेपा दु़म्‍मु बासी।

तीतस 3:1

आरे बोमु थो़रलु़पामिमलाई मिम्‍बेडामी: साखामचो़ नुङ सरकारी डोक्‍पु मु़चु़मिमकु ल्‍वाडा बुमु, मेर्मिमका र्‍वामिमिम थो़मु, मा हाम लोवो जो़पा खारी बोमु लागि झो़म्‍जो़ल्‍सिमु।

१ तिमोथी 3:3

डु़का मेसेट्‌पा, छोक्‍चो मेबेपा, याक्‍के दु़म्‍पा, क्‍वाल्‍बा मेबेपा, मा खाप्‍चीकु रारी मेबेपा,

१ कोरिन्थी 9:7

त्‍वाकाम पेसाका सु़का सिपाहीकु खारी बु़ मा? अङ्‍गूर ख्‍लिपाका सु़का अङ्‍गूर मेपु़ मा? पितु-मेसु़ डु़लु़मा सु़का मेरामकु दु़दु़ मेडुङु़ मा?

२ पत्रुस 2:3

रारी बेपा दु़म्‍साका मेर्मिम सीपाका लिमा ल्‍वा बनेबेसाका गानीलाम खउलुङ रमी। मेर्मिमका देन्‍दे ल्‍वामी र्‍वाक्‍साका ङादोङा मुलु़ दु़स्‍ताम बु मा मेर्मिम पुयु़लुमी र्‍वाक्‍पा ल्‍वा बुहोङङा बु।

हिब्रू 12:15

कोलेका कोले रेम्‍बेनी, मेम्‍साका सु़ वो माम्‍चु़नीकु दिदाम ल्‍वामुडाम वाङ मेदु़म्‍नु़। न-गो खेम्‍ल्‍यामुकु सक्‍फार बर्साका दु़खा ग्‍वाक्‍पा होप्‍माम मेदु़म्‍नी, मेएँ माला ने ओरामका हापा मु़चु़मिमलाई मेसेपा दु़म्‍बेडु़मी।

तीतस 1:11

मेर्मिमलाई भोम्‍मुमि बासी, हेङालोने सीसि मेनु़पा लिमा ल्‍वा सीसाका मेर्मिमका हापा मु़चु़मिमलाई थो़रलु़सीलामका ताङताहेरथो़ ख्‍लोम्‍डिम बु। मेर्मिमका खउलुङकाम लागि कोङङा मेम बोमी।

लूका 12:32

“ए कति सेर्पा सीसिपानी, मेङिनी, हेङालोने माम्‍चु़नीका उनी किब्‍दी गानीलाई ग्‍वामु लागि छो़म गेर्सिद्‌वाक्‍पा बुमी।

फिलेमोन 1:14

लावो गाना मेबिसिक्‍थु़म ने गो हाम वो मेबेउवा। वाङमिमका क्‍र्‍वाक्‍नामिमका मेएँ, गाना इमा नका ख्‍लो़या-बाया बे र्‍वाक्‍पा आमा न बु।

तीतस 2:14

खोत्‍ले मेजो़पा ल्‍वाडाम फ्‍वामु नुङ सेपा दु़म्‍साका जो़पा खारी बोमु छो़म माल्‍पा उनी त्‍वाकु मु़चु़मिम दु़म्‍बेन्‍मु लागि येशू ख्रीष्‍ट सेन्‍ला सो़म्‍सिम्‍डी।

रोमी 1:15

मेम्‍मिमका गानी रोमडा बाट्‍पामिमलाई वो जो़पा-सेला थो़बेन्‍मु छो़म आमा न बु।

थु़र्मा 21:13

लावो पावलका र्‍वाक्‍ता, “गानी हेङा आरेसाका ख्राम्‍नीमा आमा न चनिमिम? गो ङाचो़ येशूकाम लागि यरूशलेमडा बन्‍ला सो़म्‍सिमु कोङङा मेएँ, सिमु ङा वो हाम होङ्‍ङा मेलु़ङु।”

थु़र्मा 20:29

हेङालोने गो डिन्‍जो़ल्‍निनिमा लङुमिम चङडा ङिमलु़पा बडि होप्‍माम मु़चु़मिम गानीगोडा रोमी, मा मेर्मिमका खोत्‍ले थो़रलु़पामिमलाई पुयु़लुमु माल्‍मी होङ्‍ङा गो लु़ङडोम बु।