9 सु़म्बुर्मा मेकिसाका कोलेका कोलेकाम चापे-डुपे बेबेनी।
इनीमाडा रोक्पा वाङथो़म मु़चु़मिमकु चापे-डुपे बोमु मेप्ल्वानी, हेङालोने मेम बेसाकाङा याङ मु़चु़मिमका मेचक्साका पाह्रीचो़मिमकु चापे-डुपे बेम्डी।
ङाचो़ येशू ख्रीष्टकु सेपा मु़चु़मिमकु खेरेलाडा ख्लो़नी, नेमडा रोक्पा बोच्चो़मिमकु चापे-डुपे बेनी।
सु़म्बुर्मा मेकिसाका नुङ कुमेबेसाका खोत्ले खारी बेनी।
वाङमिमलाई जो़होम बोमु नुङ इनी त्वाकु चाप्सी ख्लो़मु मेप्ल्वानी। हेङालोने आरेप्माम ग्वा-ग्वाका माम्चु़नी गेर्सी द्वामी।
लावो बोच्चो़कु चापे-डुपे बेपा, जो़पा खारी बोमु द्वाक्पा, मिम्साका खारी बेपा, सु़डला वो चोमिक्सी मेबेसाका निया बेपा, न-गो सेपा मा त्वाका त्वापलाई जो़होमका जु़ल्मु चापा दु़म्मु बासी।
मेम्मिमका बिशप दु़म्मु माल्पा ने सु़का वो मुमा बेन्मु मेचापा, कोलेङा नाइमे बाट्पा, इम्सिक्पा, मा त्वापलाई जो़होमका जु़ल्पा, खोत्लेका जो़पा मिम्मिमिम, बोच्चो़कु चापे-डुपे बेपा मा जो़होमका सीमु चापा दु़म्मिनु़।
वा-ल्वाकनी, कोलेका वाङमिमकु दुथाम सु़म्बुर्मा किट्नी माला गानी मुमा बेन्ला सो़न्सिनी। रेप्नी, निया बेपा ङाचो़ येशू ख्रीष्ट लाम्चोकोडा रोम्फाम्डिम होङङा गुमी ने योमुङा खाप्मिमिम बु सो़।
खोत्ले मु़चु़का उ नडा हाङको ग्वाक्पु र्वाक्ताम बु मेकोतिङा ग्वाक्नु़। ग्वा-ग्वा मेद्वाक्साका मेएँ मा ग्वामुङा बासी र्वाक्साका वो मेएँ। हेङालोने गेर्सिक्तो ग्वाक्पा मु़चु़लाई माम्चु़नीका रिखाम बोमी।
लावो गाना मेबिसिक्थु़म ने गो हाम वो मेबेउवा। वाङमिमका क्र्वाक्नामिमका मेएँ, गाना इमा नका ख्लो़या-बाया बे र्वाक्पा आमा न बु।
आमा चापेडुपे बेपा मा खोत्ले मण्डलीलाई हुनाखाना बेपा गायसका गानीलाई सेव र्वाक्ताम बु। गायसकु नेमडा खोम्सिक्पामिम खोत्लेकाम सेव बु। ओराम शहरडाम कोषाध्यक्ष इरास्तस नुङ क्वार्टस ल्वाकचिपका वो गानीलाई सेव र्वाक्चिम बु।
