१ पत्रुस 3:9 - थुलुङ राई

⁹ मेजो़पा बेपालाई मेजो़पा मेबेनी मा डक्‍साका जेपालाई डक्‍साका मेजेनी, लावो मेर्मिमलाई जि-वा ग्‍वाक्‍नी। हेङालोने माम्‍चु़नीका गानीलाई जि-वा ग्‍वामु लागिङा येट्‌निम सो़, मेम्‍साका गानी जि-वा ल्‍वानी।

१ पत्रुस 3:9 Referans Kwoze

रोमी 12:17

कोङनिमका गानीलाई मेजो़पा बेन्‍नी र्‍वाक्‍साका मेरामलाई वो मेजो़पा मेबेनी। खोत्‍ले मु़चु़मिमका डोक्‍पु मिम्‍मिडिम ल्‍वाडा कोङङा न सोक्‍नी।

रोमी 12:14

गानीलाई दु़खा ग्‍वाक्‍पामिमलाई जि ग्‍वाक्‍नी, लावो वाइतो मेबेट्‍नी।

१ थेसलोनिकी 5:15

रेप्‍नी, सु़का वो मेजो़पा बेपालाई मेजो़पा मेबु़नु़, लावो त्‍वाप-त्‍वापडा नुङ खोत्‍ले मु़चु़लाई हेल्‍लो लोवो जो़पा बोमु माल्‍पा दु़म्‍नी र्‍वाक्‍साका ओराम ल्‍वा इनीमा नडा जु़ल्‍नी।

मत्ती 5:44

लावो गो गानीलाई र्‍वाङु, इनी स्‍वाक्‍चिमोलाई रिखाम बेनी, मा इनी थो़मतेर्साक्‍पामिमकाम लागि सो़म्‍दी बेनी,

एफिसी 4:32

लावो न-थो़मनुङमा दु़म्‍नी मा कोलेका कोङमीलाई रिखाम बेबेनी। माम्‍चु़नीका गानीलाई ख्रीष्‍टलामका पाचो ग्‍वानिमिम होम्‍साका इनी त्‍वापगोडा पाचो ग्‍वाबेनी।

मत्ती 5:39

लावो गो गानीलाई र्‍वाङु, गानीलाई मेजो़पा बेपा मु़चु़डला छोक्‍चो मेहाट्‌नी। कोङनिमका इनी जो़पलाममिम फोसु़डा याल्‍नी माला कोङमीलाममिम फोसु़डा वो देन्‍साट्‌नी।

१ पत्रुस 5:10

खोत्‍ले दिदाम ग्‍वाक्‍पा माम्‍चु़नीका गानीलाई ख्रीष्‍टनुङ कोले दु़म्‍सीडा हेल्‍लो लोवो दु़म्‍पाम बाट्‌पा उनी यु़म-झ्‍वाक्‍सीकु दो़दो़वा ल्‍वामु येट्‌निम बु। घरिकोङ गानी दु़खा ल्‍वानिमिम चङडा गुमीका गानीलाई आथावो लाले दु़म्‍बेनी, थो़रलु़पाम बाट्‌पा दु़म्‍बेनी मा सोनुङमा दु़म्‍बेनी।

रोमी 8:28

माम्‍चु़नीलाई रिखाम बेपा मा गुमीका उनीमा त्‍वाकु न होम्‍साका छेट्‌मिडिम मु़चु़मिमकाम लागि खोत्‍ले ल्‍वाडा माम्‍चु़नीका जो़पा दु़म्‍बेन्‍मी र्‍वाक्‍साका गुइ चडिम बु।

मत्ती 25:34

“मेकोतिमा हपका उ जो़पलाममिम मु़चु़मिमलाई र्‍वा, ‘आमा पापका जिनुङमा दु़म्‍बेट्‌निम मु़चु़नी, बिक्‍नी, सु़म्‍दिमोलोमङा इनीमा लागि दु़म्‍जो़ल्‍पा किब्‍दी रनी।

हिब्रू 6:14

गुमीका आरे र्‍वाम्‍डी, “गो गानालाई आच्‍छाङा जि ग्‍वानी मा इमा चो़-चु़सु़मिम छो़म हापा छाबेट्‌पुमी।”

लूका 18:18

कोले यहूदी ङाउका येशूलाई आरे र्‍वाक्‍तामा हिलाबु़डु़, “ए जो़पा ङाचो़, हेल्‍लो वो मेसिपा त्‍वारो़म ल्‍वामु गो हाम बोमु बासी?”

लूका 10:25

कोले मोशाकु डु़म्‍ला छो़म थेट्‌पा मु़चु़का येशूकु न छाम्‍मु लागि गुमीनुङ आरे र्‍वाक्‍ता, “ङाचो़, हेल्‍लो वो मेसिपा त्‍वारो़म ल्‍वामु लागि गो हाम बोमु बासी?”

मत्ती 19:29

मेम्‍मा उहेमका आमा लागि उ त्‍वाकु नेम, वा-ल्‍वाक लोवो, रिचो़ लोवो, माम-पाप लावो, चो़च्‍चो़मिम लोवो, ये-द लोवो डिड्‌डु़म बु, मेरामका को सङङा (१००) हापा ल्‍वासु़। मेम्‍मा हेल्‍लो वो मेसिपा त्‍वारो़म ल्‍वापा दु़म।

रोमी 8:30

गुमीका ङादोङा छेट्‌मिडिम मु़चु़मिमलाई वो येट्‌मिडी मा मेर्मिमलाई उनीमा ङादोडा जो़पा नगोकाम दु़म्‍बेट्‌मिडी। मेम्‍मा जो़पा न-गोकाम दु़म्‍पामिमलाई गुमीका यु़म-झ्‍वाक्‍सी ल्‍वापा वो दु़म्‍बेट्‌मिडी।

मर्कूस 10:17

येशू मेलामका लक्‍तो बेम्‍डिलो, कोले मु़चु़ ओन्‍तोङा रोक्‍तामा उनी ङादोडा क्रचु़खुम बु़डु़मा र्‍वाक्‍ता, “जो़पा सीपा! हेल्‍लो वो मेसिपा त्‍वारो़म ल्‍वामु गो हाम बोमु बासी?”

गलाती 3:14

अब्राहामलाई ग्‍वाक्‍मिडिम जि येशू ख्रीष्‍टलाम वाङसामामिमका ल्‍वामिनु़ र्‍वाक्‍साका गुमीका थि सोक्‍साका गुइलाई सेल्‍साड्‌डामी। मेम्‍साका इकीमा थो़रलु़सीलामका गुमीका याचे जेम्‍डिम माम्‍चु़नी-पेल गुइ ल्‍वामु चाप्‍सी।

हिब्रू 12:17

गानी चनी, मेराम जि-वा ल्‍वामु गुका न बु़डु़ लोवो मेल्‍वासु़वा। गुका उ प्‍ल आल्‍तो मेराम माल्‍लु़ लोवो गुका बु़ल्‍याड्‌डु़म ल्‍वा ख्‍लोमु थारी मेल्‍वासु़वा।