१ पत्रुस 3:20 - थुलुङ राई

²⁰ मेर्मिमका माके माम्‍चु़नीका र्‍वाम्‍डिम होम्‍साका मेबेमिवा। नोआका कुबी-बोक्‍सा बनेबु़डु़लोसम्‍म माम्‍चु़नीका इम्‍साका लम्‍थाट्‌मिडिम बाइडा। मेराम कुबी-बोक्‍सागोनो खोत्‍ले लेत्‍ले मु़चु़मिम कोङङा कुड्‌डा प्‍लु़म्‍सिमुडाम सेल्‍सिम्‍डिम बाइडा।

१ पत्रुस 3:20 Referans Kwoze

२ पत्रुस 2:5

माम्‍चु़नीका माकेम सु़म्‍दिसेरलाई मेडिट्‌मिवा, लावो माम्‍चु़नीकु लाम्‍दीडा मेलाम्दिपा सु़म्‍दिसेरडाम मु़चु़मिमडला होङकोर्मा थो़ट्‌मिडी। मेकोतिलो माम्‍चु़नीकु न होम्‍साका बुमु मु़चु़मिमलाई जो़पा-सेला थो़बेट्‌पा नोआ नुङ उमा नेमडाम येतले मु़चु़मिमलाई कोङङा गुमीका गेट्‌मिडी।

हिब्रू 11:7

थो़रकाङा नोआका उमा नेमडाममिमलाई होङकोर्माडाम सेल्‍मु कोले डोक्‍पु कुबी-बोक्‍सा बनेबु़डु़। मेरामडाम ङादो हेल्‍लो वो मेदु़म्‍थेङा बाट्‌पा ल्‍वाकु दुथाम गुलाई चङचङया बाबेट्‌पा माम्‍चु़नीका र्‍वाम्‍डिम होङङा गुका बु़डु़। थो़रकाङा गुका सु़म्‍दिसेरलाई मुमा बेड्‌डु़ मा थो़रकाङा गुलाई माम्‍चु़नीका जो़पा र्‍वाम्‍डी।

मत्ती 7:14

लावो त्‍वारो़म ल्‍वामु लाम्‍दिपा लाम्‍दी लाम्‍दिमु मेझापा बु, मा मेगोनो हुखोप लाम्‍चोको कतिभापा बु। ओराम लाम्‍दी डार्पा मु़चु़मिम ने किकि कोङङा बुमी।

२ पत्रुस 3:15

गानी ओराम मिम्‍नी, ङाचो़कु इम्‍सीका मु़चु़मिमलाई सेल्‍सिबेट्‌पा थारी ग्‍वाकु़। छो़म इकी द्‌वादीबुङ पावलका वो माम्‍चु़नीका गुलाई ग्‍वाम्‍डिम नेप्‍चीका गानीलाई ओरामङा र्‍याक्‍तु़म बाइडा।

रोमी 9:22

मेम्‍साकाङा माम्‍चु़नीनुङ वो उनीमा छोक्‍चो हाट्‍पा नुङ निया बेपा साखाम गुमी नुङ बु। लावो उनी छोक्‍चो हान्‍मु नुङ पुयु़लुबेन्मु घ्रेट्‍पा मु़चु़मिमलाई वो हापा इम्‍सिसाका लथाट्‌मिडी।

लूका 12:32

“ए कति सेर्पा सीसिपानी, मेङिनी, हेङालोने माम्‍चु़नीका उनी किब्‍दी गानीलाई ग्‍वामु लागि छो़म गेर्सिद्‌वाक्‍पा बुमी।

एफिसी 5:26

गुमीका थो़रलु़पामिमलाई कुका सो़ल्‍साका नुङ सिजेमका छेको छेको बेसाका सेपा दु़म्‍बेन्‍मु,

थु़र्मा 2:41

उहेम-उहेमका पत्रुसकु सिजेम उनी नडा रम्‍डी, मेर्मिमका कु-रु़दु़म रम्‍डी, मा मेनेम सु धु़मसङ (३,०००) कोति मु़चु़मिम मेर्मिमनुङ काम्‍सिम्‍डी।

१ पत्रुस 1:9

हेङालोने गुमीडा बोनिमिम थो़रकु पुरस्‍कार गानी सेल्‍सिनिमिम सो़।

१ पत्रुस 1:22

आच्‍छाङाकाम ल्‍वा होङङा बेसाका गानी इनी त्‍वापलाई छेको-छेको दु़म्‍बेट्‌निम बु। मेम्‍मिमका थो़र लु़पा इनीमा वा-ल्‍वाकलाई आच्‍छाङाका रिखाम बेनी, मा इनी त्‍वाप-त्‍वापडा न-गोलामकाङा छो़म रिखाम बेबेनी।

१ पत्रुस 2:25

ताङताहेरथो़ लक्‍पा भेन्‍दा होप्‍माम गानी बान्‍नी। लावो ओम्‍लो गानीलाई बोपा-थार्पा नुङ इनी रेपा-क्रिपाथो़ गानी ख्‍लोन्‍सिट्‌निम बु।

१ पत्रुस 3:19

ओराम पेलडाङा गुमी बन्‍थाट्‌मा पेलमिमकायु़ लम्‍डिमा गुमी घ्‍वाम्‍डिमकु दुथाम र्‍वाम्‍डी।

१ पत्रुस 4:19

मेम्‍मिमका माम्‍चु़नीकु न होम्‍साका दु़खा ल्‍वापामिमका थो़रलु़इमिम प्रङपा माम्‍चु़नीकाडा उनी त्‍वापलाई ग्‍वामिनु़ मा जो़पा खारी बोमिनु़म बुमिनु़।