१ पत्रुस 2:7 - थुलुङ राई

⁷ मेम्‍मिमका गानी उहेमका थो़रलु़नी, इनीमा लागि गुमी ने इनी डोक्‍पु दु़म्‍सी सो़, लावो थो़रमेलु़पामिमकाम लागि ने, “उहेम लुङ नेम चिर्पामिमका पार्मिडी, मेरामङा नेमकु फारगोयु़म डोक्‍पु लुङ दु़स्‍ता।”

१ पत्रुस 2:7 Referans Kwoze

मत्ती 21:42

येशूका मेर्मिमलाई र्‍वाम्‍डी, “माम्‍चु़नीकु सिजेमडा ओराम ल्‍वा हाम गानी हेल्‍लो वो डाट्‌निम मिबु? ‘नेम चिर्पा मु़चु़मिमका पार्मिडिम लुङङा नेमकु फारगोयु़म डोक्‍पु सुरलुङ दु़स्‍ता, मिप्रङमाका आरे बेम्‍डी, इकीमा मिक्‍सीलामडा ओराम ङाङाया दु़म्‍सीमिम बु।’

१ पत्रुस 2:8

मेम्‍मा, “मु़चु़मिमलाई दुबेट्‌पा कोले लुङ नुङ मेर्मिमलाई चार्पा भ्‍र्‍वा।” मेर्मिमका माम्‍चु़नीकु सिजेम होम्‍साका मेबोमी मा दुम्‍सिमी। मेर्मिमडला आरे दु़म्‍मुङा माम्‍चु़नीका मुलु़ बेम्‍डिम बाइडा।

१ पत्रुस 1:8

गुमीलाई गानी ल्‍वान्‍निम मिबु लोवो गुमीलाई रिखाम बोनी। ओम्‍लो गुमीलाई गानी मेल्‍वानी लावो गुमीडा थो़रलु़नी, मा सो़मु मेझापा छो़म डोक्‍पु न-भ्रसी ल्‍वानी।

हिब्रू 11:31

थो़रकाङा छो़लो़मा राहाबका चो़पाचो़चिपलाई जो़होमका रङडु़चिमका माम्‍चु़नीका र्‍वाम्‍डिम मेथो़पामिमनुङ गु मेसेन्‍सावा।

हिब्रू 4:11

मेम्‍मिमका गुइ माम्‍चु़नीकु ङेसिक्‍पा खोमगोनो हुमु माली। माकेम मु़चु़मिम होम्‍साका थो़र मेलु़साका मे ङेसिक्‍पा खोमगोनो हुमु मेचापा मेदु़म्‍सी।

तीतस 3:3

कोबिलि गुइ वो नेप्‍ची मान्‍थिम नुङ र्‍वाकिमिम मेथो़पा बाइडी। लु-फेले बेला सो़सिक्‍पा, मेजो़पा नकाम नुङ नसीहोम बिइबाल्‍ली। नो़ मेनु़पा, नाचु़रनुङमा, मेद्‌वाला सो़सिक्‍पा, मा मेद्‌वाबेपा बाइडी।

कलस्‍सी 2:10

गुमीका गानीलाई ख्रीष्‍टडा नु़मु ग्‍वाक्‍निम बु, मा खोत्लेका लिट्‍पा बेम्‍डिमका आथा ने हाम वो मेबासी। खोत्‍ले साखाम नुङ यु़मडला साखाम थो़पा ख्रीष्‍टङा बुमी।

२ कोरिन्‍थी 2:16

पुयु़लुक्‍पामिमकाम लागि गुइ साम फ्‍याक्‍साक्‍पा घ्रामलु़पा मुर मा सेल्‍सिक्‍पामिमकाम लागि गुइ त्‍वारो़म ग्‍वाक्‍पा भ्रपा मुर सो़। आरेप्‍माम खारी बोमु चापा सु़ बु मा?

रोमी 15:31

यहूदियाडा बाट्‍पा थो़रमेलु़पा मु़चु़मिमडाम माम्‍चु़नीका गोलाई गेङिमिनु़ मा यरूशलेमडाम थो़रलु़पामिम लागि फक्‍मा खउलुङ मेर्मिमका रमिनु़ र्‍वाक्‍साका सो़म्‍दी बेङ्‍साङनी।

रोमी 10:21

इस्राएलकु दुथाम गुका आरे र्‍वाक्‍ताम बु, “आमा ल्‍वा मेथो़पा मा आमा कोर्थो़लाम बक्‍पा मु़चु़मिमलाई येन्‍मु लागि नेम्‍तोम गो आमा ल्‍वा हम्‍तो।”

थु़र्मा 26:19

“मेम्‍मिमका हप अग्रिपास, पाह्रीलाममिम मिक्‍सीलामडा ल्‍वाउतोम होङङा गो खारी बेउतो।

यूहन्‍ना 4:42

मेर्मिमका मे मेसेमलाई र्‍वाम्‍डी, “गाना र्‍वाक्‍नामका कोङङा गुकु थो़र बेत्तोकोम मेएँ, गुकु आकी त्‍वाकाङा थो़त्तोकोमका, मा गुमी आच्‍छाङा सु़म्‍दिसेरलाई सेल्‍पा मु़चु़ रेछा र्‍वाक्‍पा ल्‍वा चक्‍तोकोमका।”

लूका 20:17

मेकोतिमा येशूका मु़चु़मिमथो़ रेप्‍तो र्‍वाम्‍डी, “मेम माला माम्‍चु़नीकु ओराम सिजेमका हाम र्‍वामु मालु़मिम? ‘नेम बनेबेपा मु़चु़मिमका पार्मिडिम लुङङा नेमकु फारगोयु़म डोक्‍पु सुरलुङ दु़स्‍ता।’

लूका 2:32

वाङसामामिम सेल्‍सिक्‍पा लाम्‍दी रेम्‍बेट्‌पा ओल नुङ इनी त्‍वाकु सामा इस्राएलीमिमकु यु़म-झ्‍वाक्‍पा ओल मेराम दु़म्‍बेट्‌निम बु।”

लूका 2:34

शिमियोनका मेर्मिमलाई जि ग्‍वाक्‍तु़मी, मा येशूकु माम मरियमनुङ र्‍वाक्‍ता, “रेप्‍डा, इस्राएलडाम हापा मु़चु़मिमलाई सेल्‍मु मा याङलाई देन्‍दे ग्‍वामु माम्‍चु़नीका ओराम चो़च्‍चो़लाई छेट्‌मिडिम बु। माम्‍चु़नीका गुमीलाई छेखोप होप्‍मामङा थुट्‌मिडिम बु, लावो मु़चु़मिमका गुमीलाई मेद्‌वामी।

१ पत्रुस 2:4

ङाचो़ येशूडा रोक्‍नी, गुमी नु़बेट्‌पा लुङ सो़। गुमीलाई मु़चु़मिमका पार्मिडिम लुङ लावो माम्‍चु़नीका छेट्‌मिडिम मा छो़म डोक्‍पु मिम्‍मुका घ्रेट्‌पा बुमी।