१ पत्रुस 2:6 - थुलुङ राई

⁶ हेङालोने माम्‍चु़नीकु सिजेमका आरे र्‍वा, “डोक्‍पु दु़म्‍मुकाम लागि थुट्‌मा नेमकु फारगोयु़म कोले डोक्‍पु लुङ गो यरूशलेमडा जु़लु, मा उहेमका गुमीडला थो़र बु़ मेरामकु नो़-कल हेल्‍लो वो मेल।”

१ पत्रुस 2:6 Referans Kwoze

१ पत्रुस 2:4

ङाचो़ येशूडा रोक्‍नी, गुमी नु़बेट्‌पा लुङ सो़। गुमीलाई मु़चु़मिमका पार्मिडिम लुङ लावो माम्‍चु़नीका छेट्‌मिडिम मा छो़म डोक्‍पु मिम्‍मुका घ्रेट्‌पा बुमी।

एफिसी 2:20

गानी ने नेम होप्‍माम सो़ मा मेराम नेमकु जग ने थु़र्मामिमनुङ माम्‍चु़नीलाम जेपामिम ङा सो़, ख्रीष्‍ट येशू उनी त्‍वाप ने मेराम नेमकु जगडाम डोक्‍पु लुङ सो़।

मर्कूस 12:10

हाम गानी माम्‍चु़नीकु सिजेमडा हेल्‍लो वो डाट्‌निम मिबु? ‘उहेम लुङ नेम बनेबेपामिमका पार्मिडी मेराम ङा सुरलुङ दु़स्‍ता,

रोमी 10:11

माम्‍चु़नीकु सिजेमका र्‍वा, “गुमीडला थो़रलु़पा मु़चु़का हेल्‍लो वो उनी क्रो़म लुमु मेबासी।”

२ तिमोथी 3:16

माम्‍चु़नीकु खोत्‍ले सिजेम माम्‍चु़नीकु सामलामका रोक्‍ताम सो़, मा सीमु, लु़म्‍ला बेन्‍मु, जो़पा बनेबोमु, माम्‍चु़नीकु न होम्‍साका दोबेन्‍मुडा ओराम ख्‍लो़पा बु।

यूहन्‍ना 7:38

उहेम मु़चु़का गोडला थो़र बु़, माम्‍चु़नीकु सिजेमका र्‍वामिम होङङा मेसिपा त्‍वारो़म ग्‍वाक्‍पा कोर्कु मेरामकु गोलामका पु़डु़।”

लूका 23:35

मु़चु़मिम येम्‍सिम्‍डिमा येशूलाई रेम्‍थाट्‌मिडिम बाइडा। यहूदीकु ङाउमिमका येशूलाई सेम्‍ला बेत्तो र्‍वाम्‍डी, “ओरामका वाङमिम मु़चु़लाई सेल्‍लु़मी, माम्‍चु़नीका थुट्‌डिम ओराम ख्रीष्‍ट माला उ त्‍वापलाईङा सेल्‍नु़।”

मत्ती 12:18

“गो छेत्तोम आमा डु़ल्‍चो़ आसिन्‍डा बु, गुलाई गो द्‌वाक्‍पु, मा गुनुङ गो गेर्सिद्‌वाक्‍पा बुङु, गो आमा पेलका गुलाई लु़ट्‌पु, मा गुका खोत्ले सामाकाम मु़चु़मिमलाई मेर्मिम सेल्‍सिमिमिमकु दुथाम सो़यु़।

२ पत्रुस 3:16

उमा खोत्‍ले सेलाखाजेमडा गुका ओर्मिम ल्‍वाङा र्‍याक्‍तु़म बु। उमा सेलाखाजेम गोडा याङ ल्‍वा थेसिथेन्‍मु मेझापा बु। मेसीसिपा नुङ याक्‍के थो़रनुङमा मु़चु़मिमका मेरामलाई माम्‍चु़नीकु याङ सिजेम होङङा कोर्थो़ हेर्मिडिम बु। आरेसाका मेर्मिमका उनी त्‍वापलाई पुयु़लुबेन्‍मी।

२ पत्रुस 1:20

खोत्‍लेडाम ङादो ओराम ल्‍वा गानी थेसिथेन्‍मु बासी: माम्‍चु़नीकु सिजेमडाम माम्‍चु़नीलाम जेसी उहेम वो माम्‍चु़नीलाम-जेपामिम उनी त्‍वाका र्‍वाम्‍डिम मेएँ।

एफिसी 1:4

माम्‍चु़नीकु मिक्‍सीलामडा गुइ छु़ल मान्‍थिम नुङ हाम वो मेख्‍लो़ट्‌पा दु़म्‍सिनु़ र्‍वाक्‍साका सु़म्‍दिसेर प्रङमु ङादोङा गुमीका गुइलाई ख्रीष्‍टडा छेसाड्‌डामी। गुमीका गुइलाई रिखाम बेसाड्‍डामिमका,

थु़र्मा 1:16

“वा-ल्‍वाकनी, माम्‍चु़नीकु सिजेम रोम्‍थिमुङा बासिट्‌पा बाइडा, मेराम सिजेम येशू चु़म्‍पामिमलाई क्रिपा यहूदाकु दुथाम दाऊदकु सिलाम ङादो ङा माम्‍चु़नी-पेलका जेम्‍डिम बाइडा।

लूका 20:17

मेकोतिमा येशूका मु़चु़मिमथो़ रेप्‍तो र्‍वाम्‍डी, “मेम माला माम्‍चु़नीकु ओराम सिजेमका हाम र्‍वामु मालु़मिम? ‘नेम बनेबेपा मु़चु़मिमका पार्मिडिम लुङङा नेमकु फारगोयु़म डोक्‍पु सुरलुङ दु़स्‍ता।’

१ पत्रुस 2:8

मेम्‍मा, “मु़चु़मिमलाई दुबेट्‌पा कोले लुङ नुङ मेर्मिमलाई चार्पा भ्‍र्‍वा।” मेर्मिमका माम्‍चु़नीकु सिजेम होम्‍साका मेबोमी मा दुम्‍सिमी। मेर्मिमडला आरे दु़म्‍मुङा माम्‍चु़नीका मुलु़ बेम्‍डिम बाइडा।