१ पत्रुस 2:24 - थुलुङ राई

²⁴ गुमीका इकी छु़लमिम उनीमा मिरो़मडा क्रूसडला कुर्मिडी। उनीमा पारमिमका गानी सन्‍निम बु। मेम्‍साका छु़ल मेबिइनु़ मा माम्‍चु़नीकु न-गो होम्‍साका नु़इनु़।

१ पत्रुस 2:24 Referans Kwoze

मत्ती 8:17

माम्‍चु़नीलाम-जेपा यशैयाका आरे र्‍वाक्‍ताम होङङा रेन्‍थिमु लागि गुमीका आरे बेम्‍डिम बाइडा: “गुमीका इकी नो़सीमिम रम्‍डी, मा सोमोरीमिम हेप्‍मिडी।”

रोमी 6:11

आरेसाकाङा गानी इनी त्‍वाप वो छु़लकाम लागि सिन्‍नी, लावो माम्‍चु़नीकाम लागि ने ख्रीष्‍ट येशूनुङङा नु़पा बुनी र्‍वाक्‍पा मिम्‍सिट्‍नी।

रेम्‍बेट्‌मिडिम ल्‍वा 22:2

मे शहरकु डोक्‍पु लाम्‍दीकाम थेतेभाल ओन्‍पा बाइडा। ब्‍लोकुकु होनोलाममिम फार नुङ आथो़लाममिम फारडा त्‍वारो़म ग्‍वाक्‍पा धक्‍सामिम बाम्‍डी। मेर्मिमकाम को थका को-न खेप मा सिथाल्‍लु़, हेङालोने मुनाम-मुनामका को-न खालकाम मा सिथाल्‍लु़। मेम्‍मा मे धक्‍साकु ब्‍लाममिमका ने मु़चु़मिम सबेडु़मी।

१ यूहन्‍ना 2:29

ख्रीष्‍ट माम्‍चु़नीकु न होप्‍माम जो़पा खारी बेपा र्‍वाक्‍पा गानी चनी माला हाम जो़पा बु मेराम खारी बेपा खोत्‍ले मु़चु़ माम्‍चु़नीलाम गम्‍डिम र्‍वाक्‍पा चक्‍नी।

याकूब 5:16

मेम्‍मिमका गानी कोलेका कोलेनुङ इनी छु़ल न-गोलामका सो़बेनी। कोलेका कोलेनुङ त्‍वाका बेन्‍निम छु़लकु दुथाम सो़बेनिमा सो़म्‍दी बेनी, मेम्‍मा गानी सनी। माम्‍चु़नीकु न होम्‍साका दोपा मु़चु़कु सो़म्‍दीका छो़म डोक्‍पु खारी बु़।

हिब्रू 9:28

मेम्‍साका ङा येशू ख्रीष्‍टका हापा मु़चु़मिमकु छु़ल हेम्मु लागि कोखेप सासेन्‍ला सो़सिम्‍डी। गुमी आथावो योमी मेम्‍लो गुमी छु़ल हेप्‍डा मेएँ, लावो गुमीलाई लथाक्‍पा मु़चु़मिमलाई सेल्‍ला योमी।

गलाती 3:13

येशू ख्रीष्‍टका थि सोक्‍साका डु़म्‍लागोडाम वाइतोलामका गुइलाई फ्‍वाक्‍साड्‌डामी, मा इकीमा खोमडा गुमी वाइतो बेन्‍ला सो़सिम्‍डी। हेङालोने माम्‍चु़नीकु सिजेमडा र्‍याक्‍मा बु, “सु़ सङडा चेसी मेराम वाइतो बेन्‍ला सो़सिड्‌डाम दु़म।”

रोमी 6:2

मेम ने मेदु़म्‍नु़! गुइ छु़लकाम लागि सिइडिम बु, हाम आथावो गुइ छु़लङा बोमुम बुमु मा?

कलस्‍सी 3:3

हेङालोने ङादोम इनीमा बासी-दोसी हुक्‍ताम बु मा इनीमा आच्‍छाङाकु त्‍वारो़म माम्‍चु़नीडा ख्रीष्‍टनुङ थक्‍मा बु।

रोमी 6:13

त्‍वाकु मिरो़मडाम अंगमिमलाई मेजो़पा खारी बेबेसाका छु़लकु ल्‍वाड्‍डा मेग्‍वाक्‍नी। लावो सिमुलाम बक्‍साका त्‍वारो़म ल्‍वापा मु़चु़मिम होङङा इनीमा खोत्‍ले त्‍वारो़म माम्‍चु़नीडा जु़ल्‍नी मा त्‍वाकु अंगमिमलाई जो़पा खारी बोमु लागि गुमीलाई ग्‍वाक्‍नी।

यूहन्‍ना 1:29

उ दिकाम उ त्‍वापथो़ येशू बिक्‍तोङा लेट्‌मिडिम यूहन्‍नाका ल्‍वास्‍तु़मा र्‍वाक्‍ता, “रेप्‍नी, सु़म्‍दिसेरडाम मु़चु़मिमकु छु़ल हेपा भेन्‍दाकु चो़ होप्‍माम माम्‍चु़नीकु चो़।

रोमी 7:6

ओम्‍लो गुइ ख्रीष्‍टनुङङा सिइडिमका डु़म्‍लालाम वाङ दु़स्‍तिम बु। आथा ने गुइ माकेम र्‍याक्‍मा डु़म्‍लाका र्‍वामिम होम्‍साका मेएँ, लावो माम्‍चु़नी-पेललाम लाले त्‍वारो़म होम्‍साका लाले-पाङके बिइ।

१ यूहन्‍ना 3:7

द्‌वादीबुङ चो़च्‍चो़नी, सु़का वो गानीलाई ताङताहेरथो़ मेलनिमिनु़। उहेम मु़चु़का जो़पा जेसी-दोसी बु़ मेरामका माम्‍चु़नीकु न होप्‍माम जो़पा बेपा ख्रीष्‍ट होङङा जो़पा खारी बु़।

रोमी 6:7

हेङालोने उहेम सिडाम बु मेराम छु़ललामका सेल्‍सिड्‍डाम बु।

रोमी 6:16

गानी उहेमकु ल्‍वा थो़निमा मेराम होम्‍साका बोनी माला मेरामकु डु़ल्‍चो़ दु़म्‍नी। छु़लकु डु़ल्‍चो़ दु़म्‍निमा मेरामकु ल्‍वा थो़नी माला गानी सिनी, लावो माम्‍चु़नीका र्‍वामिमिम थो़नी माला गानी उनीमा ङादोडा जो़पा न-गोकाम दु़म्‍नी।

२ कोरिन्‍थी 6:17

मेम्‍मिमका मिप्रङमाका आरे र्‍वामी, “मेर्मिमलामका लुक्‍नीमा बिक्‍नी, मा मेर्मिमडाम वाङ बानी। मेसेपा हाम वो मेलु़प्‍नी, मा गो गानीलाई रनिनी।

थु़र्मा 5:30

गानी क्रूसडा चेट्‌निमा सेट्‌निम येशूलाई इकी ङाउ-खुउकु माम्‍चु़नीका सिमुलाम फम्‍डिम बु।

लूका 4:18

“‘मिप्रङमाकु पेलका गोलाई लु़ट्‌ङिडिमिम बु, मेम्‍साका उनी हाम वो मेबाट्‌पामिमलाई गो जो़पा-सेला थो़बेट्‌पुमी, मा शैतानका बथाडु़मिम मु़चु़मिम मेलामका वाङ दु़म्‍मी। मेम्‍मा मिक्‍सीका मेल्‍वापामिमकाम उनी मिक्‍सी ह्‌वासी, मा दु़खाडा बाट्‌पामिम मेलामका वाङ दु़म्‍मी,

मत्ती 5:20

हेङालोने गो गानीलाई र्‍वाङु, डु़म्‍लाका र्‍वामिम ल्वा डु़म्‍ला सीपा पातु़म्‍री नुङ फरिसीमिमडाम वो जो़होमका मेबेनिवा माला आछाङा गानी पाह्री-किब्‍दीडा हुमु मेल्‍वानी।

हिब्रू 12:13

खेल ब्‍लेट्‍पामिम समिनु़ मा मेतासाका लाम्‍दिमु चाम्‍मिनु़ र्‍वाक्‍साका गानी ङाचो़कु चङचङ लाम्‍दिमुडा जो़होमका लाम्‍दिनी।

थु़र्मा 13:29

माम्‍चु़नीकु सिजेमडा येशूकु दुथाम र्‍याक्‍मा होम्‍साका ङा मेर्मिमका खोत्‍ले खारी बेम्‍डी। मेकोतिमा गुमीलाई क्रूसलामका थाट्‌मिडी, मा सु़लु़मगोनो क्‍लु़म्‍मिडी।

थु़र्मा 10:35

मु़चु़ उहेम सामाडाम ङा लोवो माम्‍चु़नीकु ङिम जु़ल्‍पा, मा जो़पा खारी बेपा मु़चु़ ङा माम्‍चु़नीका द्‌वामी।

हिब्रू 7:26

मेम्‍मिमका गुइ चाहेबिइमिम डोक्‍पु डु़म्‍लाचो़ ने येशू ङा सो़। गुमी सेपा, हाम वो मेख्‍लो़ट्‌पा, छु़ल मान्‍थिम बुमी, मा गुमी छु़लचो़मिमडाम वाङ दु़म्‍साका खोत्‍लेडाम गेले पाह्रीला कोसिक्‍पा बुमी।

कलस्‍सी 2:20

गानी ख्रीष्‍टनुङ सिन्‍नी मा सु़म्‍दिसेरडाम मु़चु़मिमका बेम्‍खेम्‍डिम डु़म्‍लाडाम वाङ दु़म्‍निम बु। मेम माला हेङा ओ सु़म्‍दिसेरडाम मु़चु़ होङङा दु़म्‍साका मेर्मिम बोनिम बुनी?

रोमी 6:22

आथा ने गानी छु़लडाम वाङ दु़म्‍निम बु मा माम्‍चु़नीकु डु़ल्‍चो़ दु़म्‍निम बु। ओरामका गानीलाई सेपा दु़म्‍बेनी मेम्‍मा हेल्‍लो वो मेसिपा त्‍वारो़म ल्‍वानी।

थु़र्मा 10:39

“येशूका यहूदिया नुङ यरूशलेमडा बेम्‍डिम खोत्‍ले खारी गुकु ल्‍वात्तोकोम बु। यहूदीमिमका गुमीलाई क्रूसडा चेसाका सेट्‌मिडी।

मत्ती 27:26

मेकोतिमा पिलातसका बारब्‍बालाई डिसाड्‌डु़मी। लावो येशूलाई कोक्‍तेकु रिबाका याल्‍बेड्‌डु़मा क्रूसडा चेन्‍मु लागि सिपाहीमिमकु ल्‍वाड्‌डा ग्‍वाक्‍तु़मी।

एफिसी 5:9

हेङालोने ख्रीष्‍टकु ओलडा दु़म्‍पा मु़चु़ ने जो़पा बेपा, माम्‍चु़नीकु मिक्‍सीलामडा घ्रेट्‍पा मा थो़र लु़इमिम दु़म।

यूहन्‍ना 19:1

मेकोतिमा पिलातसका येशूलाई कोक्‍तेकु याल्‍खोपका याल्‍बेड्‌डु़मी।

फिलिप्‍पी 1:11

माम्‍चु़नीलाई डोक्‍पु बोमु नुङ उनीमा नङ कोमु लागि येशू ख्रीष्‍टका गानीलाई जो़पा बेसी-दोसी बेपा दु़म्‍बेनिमिनु़।

मर्कूस 15:15

मेकोतिमा पिलातसका मु़चु़मिमलाई गेर्सिबेन्‍मु नका बारब्‍बा डिड्‌डु़, मा येशूलाई कोक्‍तेकाम याल्‍खोपका याल्‍बेत्तो क्रूसडा चेन्‍मुलाई सिपाहीमिमकु ल्‍वाडा ग्‍वाक्‍तु़।

१ कोरिन्थी 15:3

हेङालोने गो हाम ल्‍वाउतो मेराम छो़म डोक्‍पु ल्‍वा गानीलाई ग्‍वानिनिम बु: मेराम ने माम्‍चु़नीकु सिजेमका र्‍वामिम होम्‍साका इकीमा छु़लकाम लागि ख्रीष्‍ट सिम्‍डी,

कलस्‍सी 2:14

गुइ छु़ल बिडिमका देन्‍दे ल्‍वामु बासी र्‍वाक्‍साका इकीमा कोर्थो़लाम र्‍याक्‍मा ल्‍वा ख्रीष्‍टकु क्रूसडा काँटीका चेसाका पार्साड्‌डामी।

हिब्रू 10:5

मेम्‍मिमका ख्रीष्‍ट सु़म्‍दिसेरडा योम्‍डिलो माम्‍चु़नीलाई आरे र्‍वाम्‍डिम बाइडा, “ग्‍वा-ग्‍वा नुङ सासेसी गानी न मेबेनिवा, लावो आमा लागि गानी कोले मिरो़म बनेबेन्‍निम बु।

हिब्रू 10:10

मेराम नका येशू ख्रीष्‍टकु मिरो़मकु सासेसीलामका आथा ने बोमु मेबासिक्‍पा बेसाका छु़ललाम गुइ सेपा दु़स्‍तिम बुइ।