१ यूहन्‍ना 5:19 - थुलुङ राई

¹⁹ गुइ माम्‍चु़नीकु चो़च्‍चो़मिम मा ओराम खोत्‍ले सु़म्‍दिसेर शैतानकु ल्‍वाडा बु र्‍वाक्‍पा च।

१ यूहन्‍ना 5:19 Referans Kwoze

२ कोरिन्‍थी 4:4

मेर्मिमकु दुथाम र्‍वाकी माला, माम्चु़नीकु ङाली बुमिम ख्रीष्‍टकु यु़म-झ्‍वासिक्‍पा जो़पा-सेलाकु ओल मेर्मिमका मेल्‍वामिनु़ र्‍वाक्‍साका ओराम सु़म्‍दिसेरडाम नो़पका थो़रमेलु़पा मु़चु़मिमकु न ब्‍लो़प्साड्‍डु़मिम बु।

एफिसी 2:2

मेराम थारीका गानी सु़म्‍दिसेरडाम छु़लचो़मिम होम्‍साका दोन्‍थाल्‍नी। गानी मुनाङ पेलमिमकु हपका र्‍वाक्‍ताम थो़न्‍थाल्‍नी। मेरामका ओम्‍लो माम्‍चु़नीका र्‍वामिमिम मेथो़पा मु़चु़मिमगोडा साखाम थो़त्तो बु़।

गलाती 1:4

छु़ल बेत्तोङा बेपा ओराम सु़म्‍दिसेरलामका सेल्‍मु लागि गुमी इकीमा माम्‍चु़नी पापकु न होम्‍साका उनी त्‍वापङा सासेन्‍सिम्‍डी।

यूहन्‍ना 12:31

ओराम सु़म्‍दिसेरकु निया दु़म्‍पा थारी रोक्‍फाड्‌डाम बु। ओराम सु़म्‍दिसेरकु साखामचो़ शैतान पाखानो घ्रोला सो़सी।

रेम्‍बेट्‌मिडिम ल्‍वा 12:9

मिखाएल नुङ गुनुङ बाट्‌पा पाह्रीचो़मिमका मे डोमिफु धाली छाघ्रोम्‍सोम्‍डी। मेराम ने माके आथाममिम ब्‍लो, सु़म्‍दिसेर खोत्‍लेलाई ताङताहेरथो़ लक्‍पा मुनाङमिमकु ङाउ, शैतान सो़। गुलाई सुबुडा घ्रोम्‍सोम्‍डी मा गुनुङ बाट्‌पा सेनामिम वो गुनुङङा घ्रोम्‍सोम्‍डी।

यूहन्‍ना 16:11

मेम्‍मा निया दु़म्‍पाकु दुथाम सु़म्‍दिसेरका ख्‍लो़ड्‌डु़म बु, हेङालोने ओराम सु़म्‍दिसेरकु साखामचो़लाई देन्‍दे ग्‍वाक्‍पा मुलु़ दु़स्‍ल्‍याड्‌डाम बु।

१ यूहन्‍ना 5:20

माम्‍चु़नीकु तारापाचो़ योम्‍डिम बुमी, मा आच्‍छाङाकाम माम्‍चु़नीलाई गुइ छेडिनु़ र्‍वाक्‍साका गुमीका गुइलाई न ग्‍वाक्‍साड्‌डामिम बु र्‍वाक्‍पा गुइ चडिम बु। गुइ माम्‍चु़नीडा बुइ हेङालोने उनीमा तारापाचो़ येशू ख्रीष्‍टडा गुइ बुइमिम बु। गुमी कोङङा आच्‍छाङाकाम माम्‍चु़नी मा हेल्‍लो वो मेसिपा त्‍वारो़म गुमीङा।

१ यूहन्‍ना 5:13

गानी हेल्‍लो वो मेसिपा त्‍वारो़म ल्‍वान्‍निम बु र्‍वाक्‍पा चक्‍नी र्‍वाक्‍साका माम्‍चु़नीकु तारापाचो़कु नङडा थो़र बेपा गानीलाई ओराम ल्‍वा र्‍याक्‍तोङा बेउ।

याकूब 4:4

नाम्‍सु़रु़ बेपानी, सु़म्‍दिसेरनुङ ङोप्‍सो़बुङ दु़म्‍मु माम्‍चु़नीलाई नाप्‍छु़न्‍मु सो़ र्‍वाक्‍पा ल्‍वा गानी मेचनी? उहेमका सु़म्‍दिसेरनुङ ङोप्‍सो़बुङ दु़म्‍मु न बु़, मेराम माम्‍चु़नीकु स्वाक्‍चिमो मु़चु़ दु़म।

यूहन्‍ना 14:30

गानीनुङ जेमु थारी हापा गोनुङ मिबु, हेङालोने ओराम सु़म्‍दिसेरडाम साखामचो़ रोक्‍तोङा लेडु़। मेरामका गोलाई हाम वो बोमु ने मेचाम्‍ङी।

१ यूहन्‍ना 5:10

उहेम मु़चु़का माम्‍चु़नीकु तारापाचो़डला थो़र बु़ मेरामका ओराम आच्‍छाङा र्‍वाक्‍पा च। उहेमका थो़र मेबु़ मेरामका माम्‍चु़नीलाई लिमाचो़ दु़म्‍बेडु़, हेङालोने माम्‍चु़नीका उनीमा तारापाचो़कु दुथाम सो़म्‍डिम ल्‍वा मेराम मु़चु़का थो़र मेबु़।

१ यूहन्‍ना 3:24

माम्‍चु़नीका र्‍वामिमिम थो़पा मु़चु़मिम गुमीडा दु़म्‍मी मा गुमी मेर्मिम मु़चु़काडा दु़म्‍मी। गुमीका ग्‍वाक्‍साड्‌डामिम माम्‍चु़नी-पेललामका गुइ च, माम्‍चु़नी गुइनुङ बुमी।

रेम्‍बेट्‌मिडिम ल्‍वा 20:3

को धु़म सङ थ मेहुक्‍थु़मसम्‍म मे डोमिफुका मु़चु़मिमलाई ताङताहेरथो़ मेलनु़मी र्‍वाक्‍साका मे पाह्रीचो़का मेरामलाई उ फार मेडार्सिमिम पोलु़म गोयु़ छाघ्रोक्‍तु़मा चक्‍तु़ मा मेरामडला छाप ओप्‍डु़। को धु़म सङ थ हुमा मेरामलाई घरिकोङकाम लागि डिडु़।

१ यूहन्‍ना 5:18

उहेम मु़चु़ माम्‍चु़नीलाम गस्‍ताम बु मेरामका हेल्‍लो लोवो छु़ल बु़होम मेबु। माम्‍चु़नीकु तारापाचो़का मेराम मु़चु़लाई बोमी-थार्मी मा शैतानका मेराम मु़चु़लाई लु़म्‍मु मेचाप्‍सु़ र्‍वाक्‍पा गुइ च।

२ कोरिन्‍थी 5:1

गुइ बुइमिम ओराम क्‍वाकु मिरो़म पुयु़लु लोवो पाह्रीला हेल्‍लो वो पुयु़ मेलुक्‍पा बाखोप माम्‍चु़नीका इकीमा लागि बनेबेम्‍डिम बु। गुइ ओराम च, मेराम ने मु़चु़कु ल्‍वाका बनेबेम्‍मा मेएँ।

रोमी 8:16

मेराम ने गुइ माम्‍चु़नीकु चो़-चु़सु़ र्‍वाक्‍साका माम्‍चु़नी-पेलका इकीमा पेलनुङ सो़म्‍डिम सो़।

१ यूहन्‍ना 3:14

येशूडा थो़रलु़पा इकीमा वा-ल्‍वाकमिमलाई गुइ रिखाम बिइडी माला सिमुलामका हेल्‍लो वो मेसिपा त्‍वारो़मडा रोक्‍तिम बु र्‍वाक्‍पा छे। लावो उहेम मु़चु़का रिखाम मेबु़ मेराम आथावो सिमुलामगोडाङा बु।

तीतस 3:3

कोबिलि गुइ वो नेप्‍ची मान्‍थिम नुङ र्‍वाकिमिम मेथो़पा बाइडी। लु-फेले बेला सो़सिक्‍पा, मेजो़पा नकाम नुङ नसीहोम बिइबाल्‍ली। नो़ मेनु़पा, नाचु़रनुङमा, मेद्‌वाला सो़सिक्‍पा, मा मेद्‌वाबेपा बाइडी।

२ तिमोथी 1:12

मेम्‍मिमका गो ओर्मिम ल्‍वाकु दुथाम दु़खा इम्‍तोङा लेट्‌पु, लावो ओरामडाम आमा क्रो़म मेलु़। हेङालोने सु़डला थो़र लु़ङडोम बु गो छेपु गुमी येशू। मेम्‍मा गुमीका गोलाई ग्‍वाङ्‌डिमिम खारीडा सु़म्‍दिसेर हुक्‍पा थारीसम्‍म बोङिमी-थार्ङिमी र्‍वाक्‍पा लु़ङ्‌डोम बु।

२ कोरिन्‍थी 1:12

ओराम सु़म्‍दिसेरडा कोङङा मेएँ लावो इनीमा ङादोडा वो आकीमा बासी-दोसी सेपा दु़म्‍बेत्तोकोम बु। ओराम आच्‍छाङाकाम न गुकु माम्‍चु़नीलाम ल्‍वात्तोकोम सो़। ओराम माम्‍चु़नीकु दिदामका दु़स्‍ताम, मु़चु़कु नेप्‍चीलामका ने मेएँ र्‍वाक्‍साका गुकु आकी धक्‍ची ह्‍वाक्‍साका सेपा नेप्‍चीका र्‍वामु चाम्‍कु।

लूका 4:6

मेम्‍मा गुमीलाई र्‍वाक्‍ता, “गो ओर्मिम खोत्‍ले किब्‍दी थो़मु नुङ ओर्मिम खोत्‍लेकु जो़प्‍सी गानीलाई ग्‍वानिनी, हेङालोने ओर्मिम खोत्‍ले आमा ल्‍वाडा बु, मा गो सु़लाई ग्‍वा-ग्‍वा द्‌वा मेरामलाई ग्‍वाक्‍पु।

यूहन्‍ना 17:15

मेर्मिमलाई सु़म्‍दिसेरलामका लक्‍नी र्‍वाक्‍साका मेएँ, लावो मेर्मिमलाई शैतानडाम बोनी-थार्नी र्‍वाक्‍साका गो गानीनुङ सो़म्‍दी बेउ।

१ यूहन्‍ना 5:15

गुइ गुमीनुङ बिइलो गुमीका थो़मी र्‍वाक्‍पा गुइ च माला गुइ हाम बिइ मेराम गुमीका ग्‍वाक्‍सामी र्‍वाक्‍पा ल्‍वाडा आच्‍छाङा लु़मु बासी।