१ यूहन्‍ना 5:16 - थुलुङ राई

¹⁶ थो़र लु़पा वा-ल्‍वाकका छु़ल बु़मिम कोङनिम मु़चु़का ल्‍वासु़, मा मेराम छु़लका ने त्‍वारो़म मेसेडु़ माला गुका मेराम थो़र लु़पा वा-ल्‍वाककाम लागि सो़म्‍दी बु़साट्‌नु़। मेम्‍मा माम्‍चु़नीका मेराम वा-ल्‍वाकलाई त्‍वारो़म ग्‍वामी। उहेम छु़लका त्‍वारो़म मेसेडु़ मेरामकाम लागि आरे बोमु बासी र्‍वाङुमिम। आरेप्‍माम वो छु़ल बु, उहेम छु़लका त्‍वारो़म सेडु़। मेरामकाम लागि गुका सो़म्‍दी बु़साट्‌नु़ र्‍वाक्‍साका गो मेर्‍वाङु।

१ यूहन्‍ना 5:16 Referans Kwoze

लूका 12:10

उहेम मु़चु़का मिनीचो़कु कोर्थो़लाम जे मेरामकु छु़ल हेम्‍सिमु चाप्‍सु़, लावो उहेमका माम्‍चु़नी-पेललाई डक्‍साका जे मेरामकु छु़ल हेम्‍सिमु मेचाप्‍सु़।

यूहन्‍ना 17:9

गो मेर्मिमकाम लागि सो़म्‍दी बेउ। सु़म्‍दिसेरकाम लागि गो सो़म्‍दी मेबेउ। लावो उहेम गोलाई ग्‍वाङ्‌डिनिम, मेर्मिमकाम लागि सो़म्‍दी बेउ, हेङालोने मेर्मिम इनीमाङा सो़।

२ तिमोथी 4:14

वाता डु़पा अलेक्‍जेन्‍डरका गोलाई छो़म मेजो़पा बेङ्‌डिम बु, माम्‍चु़नीका उमा खारी होम्‍साका मेरामलाई देन्‍दे ग्‍वामी।

१ यूहन्‍ना 5:17

खोत्‍ले मेजो़पा बेसी ने छु़ल सो़, लावो आरेप्‍माम छु़ल वो बु मेराम छु़लका त्‍वारो़म मेसेडु़।