१ यूहन्‍ना 5:13 - थुलुङ राई

¹³ गानी हेल्‍लो वो मेसिपा त्‍वारो़म ल्‍वान्‍निम बु र्‍वाक्‍पा चक्‍नी र्‍वाक्‍साका माम्‍चु़नीकु तारापाचो़कु नङडा थो़र बेपा गानीलाई ओराम ल्‍वा र्‍याक्‍तोङा बेउ।

१ यूहन्‍ना 5:13 Referans Kwoze

यूहन्‍ना 20:31

येशूङा माम्‍चु़नीकु तारापाचो़ ख्रीष्‍ट, मा थो़र बेसाका उनीमा नङडा गानी त्‍वारो़म ल्‍वामु चाम्‍निनु़ र्‍वाक्‍साका ओर्मिम ल्‍वा र्‍यास्‍ताम।

यूहन्‍ना 1:12

लावो गुमीलाई हुनाखाना बेपा, मा गुमीडला थो़र लु़पामिम खोत्‍लेलाई गुमीका माम्‍चु़नीकु चो़मिम दु़म्‍पा साखाम ग्‍वाम्‍डिमी।

१ यूहन्‍ना 3:23

गुमीका गुइलाई बेबेसाड्‌डामिम ल्‍वा ओरामङा सो़: उनीमा तारापाचो़ येशू ख्रीष्‍टडा गुइ थो़र लु़मु बासी, मा गुमीका बेबेसाड्‌डामिम होङङा कोलेका कोलेलाई रिखाम बोमु बासी।

यूहन्‍ना 3:18

उहेम मु़चु़का गुमीडला थो़र बु़, मेराम मु़चु़ मुमा बेन्‍ला मेसो़सी। लावो उहेम मु़चु़का थो़र मेबु़, मेराम मु़चु़ ने ङादोङा मुमा बेन्‍ला सो़सिड्‌डाम बु, हेङालोने मेरामका माम्‍चु़नीकु कोलेङा तारापाचो़कु नङडा थो़र मेबु़वाम बु।

१ यूहन्‍ना 2:21

आच्‍छाङाकाम ल्‍वा गानी थेसिमेथेनी र्‍वाक्‍साका गानीलाई ओराम ल्‍वा र्‍याक्‍पुमिम मेएँ, लावो आच्‍छाङाकाम थेसिथेनिमिमका र्‍याक्‍पुमिम। आच्‍छाङालामका ल्‍वा लिमा मेरो र्‍वाक्‍पा गानी चनी।

गलाती 4:6

गानी माम्‍चु़नीकु जाउमो तारापाचो़ दु़म्‍निमका गुमीका उनी त्‍वाकु तारापाचो़कु पेल इकीमा नगोडा थु़र्मिडी, मेराम पेलका माम्‍चु़नीलाई “ए अब्‍बा, ए पाप” र्‍वाक्‍साका र्‍वामी।

१ यूहन्‍ना 5:10

उहेम मु़चु़का माम्‍चु़नीकु तारापाचो़डला थो़र बु़ मेरामका ओराम आच्‍छाङा र्‍वाक्‍पा च। उहेमका थो़र मेबु़ मेरामका माम्‍चु़नीलाई लिमाचो़ दु़म्‍बेडु़, हेङालोने माम्‍चु़नीका उनीमा तारापाचो़कु दुथाम सो़म्‍डिम ल्‍वा मेराम मु़चु़का थो़र मेबु़।

१ यूहन्‍ना 2:1

आमा याक्‍के चो़च्‍चो़नी, गानी छु़ल मेबेनी र्‍वाक्‍साका गो ओराम सेलाखाजेम र्‍याक्‍तोङा बेउ। लावो कोङनिमका छु़ल बु़ माला इकीमालाम पापनुङ जेप्‍साक्‍पा कोले येशू ख्रीष्‍ट बुमी। गुमीका माम्‍चु़नीलाई गेर्सिबेन्‍मी।

१ यूहन्‍ना 1:4

गानी छो़म भ्रसी द्‌वाक्‍नी र्‍वाक्‍साका गानीलाई गुकु ओराम र्‍याकुम बुकु।

१ पत्रुस 5:12

थो़रलु़इमिम लु़ङडोम ल्‍वाक सिलासलामका ओराम कति दु़पा सेलाखाजेम गानीलाई र्‍याक्‍तोङा लेट्‌पु। इनीमा सो हन्‍बेन्‍मु नुङ ओराम माम्‍चु़नीकु आच्‍छाङाम दिदाम सो़ र्‍वाक्‍पा गानीनुङ सो़मु र्‍याक्‍तोङा बेउ। ओरामडा गानी दु़म्‍निम बानी।

२ कोरिन्‍थी 5:1

गुइ बुइमिम ओराम क्‍वाकु मिरो़म पुयु़लु लोवो पाह्रीला हेल्‍लो वो पुयु़ मेलुक्‍पा बाखोप माम्‍चु़नीका इकीमा लागि बनेबेम्‍डिम बु। गुइ ओराम च, मेराम ने मु़चु़कु ल्‍वाका बनेबेम्‍मा मेएँ।

थु़र्मा 4:12

येशू ख्रीष्‍टका कोङङा सेल्‍मु चाप्‍सामी, वाङमिम सु़का वो सेल्‍मु मेचाप्‍सा, हेङालोने सुबुडाम मु़चु़मिमगोडा गुइ सेल्‍सिमुलाई उहेम वो नङ ग्‍वाक्‍मा मिबु।”

यूहन्‍ना 2:23

सेल्‍सिक्‍पानेमकु चाडकाम थारीका गुमी यरूशलेमडा बाम्‍डी। मेकोतिलो गुमीका बेम्‍डिम हेल्‍लो वो मेल्‍वाम्‍मा खारीमिम ल्‍वाम्‍डिमका हापा मु़चु़मिमका गुमीडला थो़र लु़म्‍डी।

१ यूहन्‍ना 2:26

गानीलाई ताङताहेरथो़ लमु माल्‍पा मेर्मिम मु़चु़कु दुथाम गो गानीलाई ओराम र्‍याक्‍तोङा बेउ।

थु़र्मा 3:16

उनी नङडा बु़डु़म थो़रका नुङ उनी नङका ङा गानी ल्‍वान्‍निम नुङ चनिम ओराम मु़चु़लाई सो ग्‍वाक्‍तु़म बु। येशूडा बु़डु़म थो़रका ओराम मु़चु़लाई गानी खोत्‍लेकु ङादोडा जो़होमका सबेड्‌डु़म बु।

यूहन्‍ना 21:24

मेराम सीसिपाङा सो़ ओर्मिम ल्‍वाकु दुथाम सो़पा मा र्‍याक्‍पा। गुका र्‍वामिम ल्‍वा आच्‍छाङा र्‍वाक्‍पा गुइ च।

यूहन्‍ना 5:24

“आच्‍छाङा गो गानीलाई र्‍वाङु, उहेमका आमा सिजेम थो़सु़, मा गोलाई थु़र्पा पापडला थो़र बु़, मेरामनुङ मेसिपा त्‍वारो़म दु़म। मेम्‍मा मेराम मुमा बेन्‍ला मेसो़सी। गु सिमुलामका त्‍वारो़मडा हुमुदु़म्‍स्‍तु़म बु।

१ यूहन्‍ना 2:25

येशू ख्रीष्‍टका गुइलाई हेल्‍लो वो मेसिपा त्‍वारो़म ग्‍वानिनी र्‍वाम्‍डिम बु।

१ यूहन्‍ना 4:9

माम्‍चु़नीका गुइगोडा आरेसाका उनीमा रिखाम रेम्बेम्‍डी: येशूलाम गुइ नु़मु चाप्‍सिनु़ र्‍वाक्‍साका कोले कोङङा बाट्‌पा उनीमा तारापाचो़ गुमीका सु़म्‍दिसेरडा थु़र्मिडी।

१ यूहन्‍ना 5:11

गुमीका सो़म्‍डिम ल्‍वा ओरामङा: माम्‍चु़नीका गुइलाई हेल्‍लो वो मेसिपा त्‍वारो़म ग्‍वाक्‍साड्‌डामी मा ओराम त्‍वारो़म उनीमा तारापाचो़डा बु।

१ यूहन्‍ना 5:20

माम्‍चु़नीकु तारापाचो़ योम्‍डिम बुमी, मा आच्‍छाङाकाम माम्‍चु़नीलाई गुइ छेडिनु़ र्‍वाक्‍साका गुमीका गुइलाई न ग्‍वाक्‍साड्‌डामिम बु र्‍वाक्‍पा गुइ चडिम बु। गुइ माम्‍चु़नीडा बुइ हेङालोने उनीमा तारापाचो़ येशू ख्रीष्‍टडा गुइ बुइमिम बु। गुमी कोङङा आच्‍छाङाकाम माम्‍चु़नी मा हेल्‍लो वो मेसिपा त्‍वारो़म गुमीङा।