१ यूहन्‍ना 4:3 - थुलुङ राई

³ लावो येशू मु़चु़ होङङा ओराम सु़म्‍दिसेरडा योम्‍डिम मेएँ र्‍वाक्‍पा पेल उहेम मु़चु़काडा बु, मेराम पेल माम्‍चु़नीलाममिम मेएँ। “मेराम रो” र्‍वाक्‍पा गानी थो़न्‍निम ख्रीष्‍टकु कोर्थो़लाम बक्‍पाकु ओराम पेलङा सो़। सु़म्‍दिसेरडा ओम्‍लो वो ओराम रोक्‍ल्‍याड्‌डाम बु।

१ यूहन्‍ना 4:3 Referans Kwoze

१ यूहन्‍ना 2:22

लिमाचो़ सु़? लिमाचो़ मेरामङा, उहेमका येशूङा ख्रीष्‍ट र्‍वाक्‍साका मेछेपु र्‍वा। आरेप्‍माम मु़चु़ ख्रीष्‍टकु कोर्थो़लाम बक्‍पा सो़, गुका माम्‍चु़नी पाप नुङ उनी तारापाचो़ येशू ख्रीष्‍टलाई मेछेपु र्‍वा।

२ यूहन्‍ना 1:7

लिमा ल्‍वा सीपा मु़चु़मिम सु़म्‍दिसेरडा रोम्‍डिम बु। मेर्मिमका येशू ख्रीष्‍ट मु़चु़ दु़म्‍साका योम्‍डिम मेएँ र्‍वामी। आरेप्‍माम मु़चु़ लिमाचो़ नुङ ख्रीष्‍टकु कोर्थो़लाम बक्‍पा मु़चु़ सो़।

१ यूहन्‍ना 2:18

आमा चो़च्‍चो़मिम होप्‍माम मु़चु़नी, हुक्‍पा थारी ओरामङा सो़। ख्रीष्‍टकु कोर्थो़लाम बक्‍पा मु़चु़ रोक्‍तोङा लेडु़ र्‍वाक्‍पा गानी थो़न्‍निम होङङा ओम्‍लो वो ख्रीष्‍टकु कोर्थो़लाम बक्‍पा हापा मु़चु़मिम रोम्‍डिम बु। मेम्‍मिमका ओराम थारी हुक्‍पा थारी र्‍वाक्‍पा गुइ च।

मत्ती 24:5

हेङालोने हापा मु़चु़मिम आमा नङडा रोमी, मा ‘ख्रीष्‍ट गोङा’ र्‍वामी। मेर्मिमका हापा मु़चु़मिमलाई ताङताहेरथो़ लक्‍पा बनेबोमी।