19 गुइ रिखाम बेबी, हेङालोने ङादो माम्चु़नीका गुइलाई रिखाम बेसाड्डामी।
रिखाम ओरामङा सो़: माम्चु़नीलाई गुइ रिखाम बिडिम मेएँ, लावो गुमीका गुइलाई रिखाम बेसाड्डामी, मा इकीमा छु़लमिम हेम्सामु सासेन्सिप्डा उनीमा तारापाचो़ थु़र्मिडी।
गानी गोलाई छेट्ङिडिनिम मेएँ, गो गानीलाई छेट्निनी, मा गानी लक्निमा मा सिन्बेट्नी, मा इनीमा दु़म्नु़म बुनु़ र्वाक्साका गो गानीलाई थुट्निनी। मेम्मा आमा नङडा गानी हाम बिनी मेराम पापका गानीलाई ग्वानिमी।
“हेङालोने माम्चु़नीका सु़म्दिसेरडाम मु़चु़मिमलाई छो़म रिखाम बेम्डी, मा गुमीका कोलेङा उनी तारापाचो़ ग्वाम्डी। मेम्साका सु़का गुमीडला थो़र बु़, गु पुयु़ मेल, लावो मेसिपा त्वारो़म ल्वासु़।
मेम्मिमका गो गानालाई र्वाङु, ओराम मेसेमकाम हापा छु़लमिम हेम्सिड्डाम बु, मा ओराम मेसेमका गोलाई हापा रिखाम बोङी। लावो उहेमकु छु़ल कि-कि कोङङा हेम्सी, मेरामका कि-कि कोङङा रिखाम बु़।”
लावो माम्चु़नी-पेलका ने गुइलाई आरेप्माम दु़म्बेसामी– रिखाम बेपा, न-थो़म भ्रसिक्पा, न-गो भ्रसिक्पा, इम्सिमु चापा, न-थो़मनुङमा, खोत्लेकाम लागि जो़पा मिम्पा, थो़र लु़इमिम,
कोङनिम मु़चु़का “माम्चु़नीलाई गो रिखाम बेउ” र्वा लावो थो़र लु़पा वा-ल्वाकलाई मेद्वाकु़मी माला मेराम मु़चु़ लिमाचो़। हेङालोने मिक्सीका ल्वासिमिम मु़चु़मिमलाई रिखाम मेबी माला मिक्सीका मेल्वासिमिम माम्चु़नीलाई हेसाका रिखाम बि मा?