१ यूहन्‍ना 4:15 - थुलुङ राई

¹⁵ कोङ मु़चु़का येशू माम्‍चु़नीकु तारापाचो़ र्‍वाक्‍साका थो़र बु़ माला माम्‍चु़नी मेराम मु़चु़नुङ दु़म्‍मी मा मेराम मु़चु़ माम्‍चु़नीडा दु़म।

१ यूहन्‍ना 4:15 Referans Kwoze

१ यूहन्‍ना 5:5

सु़म्‍दिसेरडला घ्‍ल्‍वापा मु़चु़ सु़? मेरामङा मु़चु़ उहेमका येशू माम्‍चु़नीकु तारापाचो़ र्‍वाक्‍साका थो़र लु़।

रोमी 10:9

गानी इनीमा त्‍वाकु सिकाङा येशू ङा ङाचो़ र्‍वाक्‍साका सो़नी मा माम्‍चु़नीका गुमीलाई सिमुलाम फम्‍खेट्‌मिडिम र्‍वाक्‍साका इनीमा नगोलामका थो़रलु़नी माला गानी सेल्‍सिनी।

मत्ती 10:32

“मु़चु़मिमकु ङादोडा उहेमका गोलाई रङी, पाह्रीला आमा पापकु ङादोडा मेरामलाई वो गो आमा सीसिपा र्‍वाङु।

१ यूहन्‍ना 4:2

आरेसाका माम्‍चु़नी-पेललाई गानी छेमु चाम्‍नी: मु़चु़ होङङा येशू ख्रीष्‍ट ओराम सु़म्‍दिसेरडा योम्‍डी र्‍वाक्‍साका उहेम मु़चु़का र्‍वा मेराम मु़चु़काडा बाट्‌पा माम्‍चु़नी-पेल सो़।

१ यूहन्‍ना 3:24

माम्‍चु़नीका र्‍वामिमिम थो़पा मु़चु़मिम गुमीडा दु़म्‍मी मा गुमी मेर्मिम मु़चु़काडा दु़म्‍मी। गुमीका ग्‍वाक्‍साड्‌डामिम माम्‍चु़नी-पेललामका गुइ च, माम्‍चु़नी गुइनुङ बुमी।

फिलिप्‍पी 2:11

मा माम्‍चु़नी पापकु नङ डोक्‍पु बोमु येशू ख्रीष्‍टङा ङाचो़ र्‍वाक्‍साका खोत्‍लेका र्‍वामी।

१ यूहन्‍ना 4:12

सु़का वो हेल्‍लो वो माम्‍चु़नी ल्‍वाम्‍डिम मिबु, लावो गुइ रिखाम बेबिइडी माला माम्‍चु़नी गुइगोडा बुमी, मा गुमीका गुइगोडा बोमु न बोमिमिम होङङा उनीमा रिखाम दु़म।

१ यूहन्‍ना 5:1

उहेम मु़चु़का येशूङा ख्रीष्‍ट र्‍वाक्‍पा थो़र बु़, मेराम मु़चु़ माम्‍चु़नीकु चो़च्‍चो़ सो़। मेम्‍मा उहेम मु़चु़का पापलाई रिखाम बु़ उनीमा चो़मिमलाई वो मेरामका रिखाम बु़।

लूका 12:8

“गो गानीलाई र्‍वाङु, गो आमा सीसिपा र्‍वाक्‍साका गानी मु़चु़मिमलाई र्‍वानी माला माम्‍चु़नीकु पाह्रीचो़मिमकु ङादोडा मिनीचो़का वो गानीलाई उ सीसिपामिम र्‍वा।

२ यूहन्‍ना 1:7

लिमा ल्‍वा सीपा मु़चु़मिम सु़म्‍दिसेरडा रोम्‍डिम बु। मेर्मिमका येशू ख्रीष्‍ट मु़चु़ दु़म्‍साका योम्‍डिम मेएँ र्‍वामी। आरेप्‍माम मु़चु़ लिमाचो़ नुङ ख्रीष्‍टकु कोर्थो़लाम बक्‍पा मु़चु़ सो़।

यूहन्‍ना 6:56

उहेमका आमा मिरो़म पु़, मा आमा सिसि डुङु़, मेराम मु़चु़ गोनुङ दु़म, मा गो गुनुङ दु़म्‍ङु।

१ यूहन्‍ना 2:23

सु़का येशूलाई माम्‍चु़नीकु तारापाचो़ मेर्‍वा गु माम्‍चु़नीनुङ मेलाम्‍दी। लावो सु़का येशूलाई माम्‍चु़नीकु तारापाचो़ र्‍वा गु माम्‍चु़नीनुङ लाम्‍दी।

१ यूहन्‍ना 2:24

ङादो गानी हाम सीन्‍सिट्‌निम मेरामडा गानी थो़र लु़इमिम दु़म्‍मुम बुमु बासी। गानी मेम बेन्‍नी माला इनीमा हेमकेम माम्‍चु़नी पाप नुङ उनीमा तारापाचो़नुङ दु़महोम बु।

१ यूहन्‍ना 3:23

गुमीका गुइलाई बेबेसाड्‌डामिम ल्‍वा ओरामङा सो़: उनीमा तारापाचो़ येशू ख्रीष्‍टडा गुइ थो़र लु़मु बासी, मा गुमीका बेबेसाड्‌डामिम होङङा कोलेका कोलेलाई रिखाम बोमु बासी।

थु़र्मा 8:37

[फिलिपका मेरामनुङ र्‍वाक्‍ता, “इनी न-गोलामका ङा थो़रलु़नी माला गानी कु-रु़दु़म रमु चाम्‍नी।” मेरामका र्‍वाक्‍ता, “आच्‍छाङा येशू ख्रीष्‍ट ङा माम्‍चु़नीकु चो़ र्‍वाक्‍साका गो थो़र बेउ।”]