10 रिखाम ओरामङा सो़: माम्चु़नीलाई गुइ रिखाम बिडिम मेएँ, लावो गुमीका गुइलाई रिखाम बेसाड्डामी, मा इकीमा छु़लमिम हेम्सामु सासेन्सिप्डा उनीमा तारापाचो़ थु़र्मिडी।
इकीमा छु़लकाम लागि गुमी सासेन्सिम्डी, इकीमा छु़लकाम लागि कोङङा मेएँ खोत्ले सु़म्दिसेरकु छु़लकाम लागि गुमी सासेन्सिम्डी।
गुइ रिखाम बेबी, हेङालोने ङादो माम्चु़नीका गुइलाई रिखाम बेसाड्डामी।
गानी गोलाई छेट्ङिडिनिम मेएँ, गो गानीलाई छेट्निनी, मा गानी लक्निमा मा सिन्बेट्नी, मा इनीमा दु़म्नु़म बुनु़ र्वाक्साका गो गानीलाई थुट्निनी। मेम्मा आमा नङडा गानी हाम बिनी मेराम पापका गानीलाई ग्वानिमी।
“हेङालोने माम्चु़नीका सु़म्दिसेरडाम मु़चु़मिमलाई छो़म रिखाम बेम्डी, मा गुमीका कोलेङा उनी तारापाचो़ ग्वाम्डी। मेम्साका सु़का गुमीडला थो़र बु़, गु पुयु़ मेल, लावो मेसिपा त्वारो़म ल्वासु़।
रेप्नी, पाह्रीलाम इकीमा पापका गुइलाई हाङको छो़म रिखाम बेसामी, गुइलाई माम्चु़नीकु चो़मिम र्वामी, मा आच्छाङा गुइ उनीमा चो़च्चो़मिमङा सो़। सु़म्दिसेरडाम मु़चु़मिमका माम्चु़नी मेछेमिवा, मेम्मिमका गुइलाई मेछेसामी।
इकीमा छु़लमिमकाम लागि ख्रीष्ट सिम्डी। कोखेप गुमी सिम्डिम बाइडा, आथा ने सिमु मेबासी। गुमीका हेल्लो वो छु़ल मेबेमिवा लावो गानीलाई माम्चु़नीकाडा रेन्मु छु़लचो़मिमकाम लागि गुमी सिम्डी। मिरो़मडा सिसाका गुमीका दु़खा ल्वाम्डी, लावो पेलडा गुमी नु़साका बम्गेम्डी।
गुमीका इकी छु़लमिम उनीमा मिरो़मडा क्रूसडला कुर्मिडी। उनीमा पारमिमका गानी सन्निम बु। मेम्साका छु़ल मेबिइनु़ मा माम्चु़नीकु न-गो होम्साका नु़इनु़।
त्वारो़म ग्वाक्पा पाह्रीलामका योक्पा सो़बेम गोङा सो़। कोङनिमका ओराम सो़बेम पु़ माला मेराम हेल्लो लोवो नु़होम बु। ओराम सो़बेम ने आमा मिरो़म सो़, सु़म्दिसेरडाम मु़चु़मिमका त्वारो़म ल्वामु लागि मेराम ग्वाक्पुमी।”
“गानीलाई कोले लाले ल्वा बेबेनिनी: रिखाम बेबेनी। गो गानीलाई रिखाम बेन्निनिम होम्साकाङा गानी वो रिखाम बेबोमु बासी।
मेम्मिमका खोत्ले ल्वाडा गुमी उनी त्वाकु मु़चु़मिम होप्मामङा दु़म्मु बास्ता। मेम्मा मु़चु़मिमका बेम्डिम छु़लकु दुथाम पाचो बिमु लागि माम्चु़नीकु ङादोडा गुमी न-थो़मनुङमा नुङ थो़रलु़इमिम डोक्पु डु़म्लाचो़ दु़म्मिडी।
गुमीका सो़म्डिम ल्वा ओरामङा: माम्चु़नीका गुइलाई हेल्लो वो मेसिपा त्वारो़म ग्वाक्साड्डामी मा ओराम त्वारो़म उनीमा तारापाचो़डा बु।