१ यूहन्‍ना 3:3 - थुलुङ राई

³ मेम्‍मा आरे दु़म्‍मु लथाक्‍पा मु़चु़ खोत्‍लेका येशू ख्रीष्‍ट छु़ल मान्‍थिम बुमिमिम होङङा त्‍वापलाई छु़ल मान्‍थिम दु़म्‍बेन्‍मी।

१ यूहन्‍ना 3:3 Referans Kwoze

२ कोरिन्‍थी 7:1

द्‌वादीबुङ ङोप्‍सो़नी, याचे जेम्‍मा आरेप्‍माम ल्‍वामिम गुइनुङ बुमिमका मिरो़मडाम नुङ न-गोडाम मेसेपा ल्‍वामिमडाम गुइ इकी त्‍वापलाई सेपा दु़म्‍बेडी। मेम्‍मा माम्‍चु़नीकु ङिम जु़ल्‍साका छो़म सेपा दु़म्‍तो लक्‍सी।

१ यूहन्‍ना 2:6

उहेमका गुमीडा बुङु र्‍वा गु येशू बाम्‍डिम-दोम्‍डिम होम्‍साका बुमु-दोमु बासी।

२ पत्रुस 3:14

मेम्‍मिमका द्‌वादीबुङ ङोप्‍सो़नी, गानी ओर्मिम ल्‍वाकु दुथाम लथाक्‍पा मु़चु़ दु़म्‍निमका उनी मिक्‍सीलामडा गानी चाप्‍तो मेचाप्‍तो छु़ल मान्‍थिम नुङ मेख्‍लो़ट्‌पा दु़म्‍साका गुमीडा न-भ्रसिक्‍साका बानी।

मत्ती 5:48

मेम्मिमका पाह्रीला बाट्पा इनी पाप होङङा गानी वो खोत्‍ले खारी जो़पा बेनी।”

हिब्रू 12:14

हेसाका दु़म खोत्‍ले मु़चु़मिमनुङ दु़साका बुमु नुङ छु़लडाम वाङ बुमु छो़म माल्‍नी। छु़लडाम वाङ मेबाट्‌पा सु़का वो माम्‍चु़नी ल्‍वामु मेचाप्‍सु़।

हिब्रू 7:26

मेम्‍मिमका गुइ चाहेबिइमिम डोक्‍पु डु़म्‍लाचो़ ने येशू ङा सो़। गुमी सेपा, हाम वो मेख्‍लो़ट्‌पा, छु़ल मान्‍थिम बुमी, मा गुमी छु़लचो़मिमडाम वाङ दु़म्‍साका खोत्‍लेडाम गेले पाह्रीला कोसिक्‍पा बुमी।

कलस्‍सी 1:5

इनीमा लागि पाह्रीला जु़ल्‍थाप्‍मा ल्‍वा ल्‍वापा न बोनिमिमलामका मेराम थो़र नुङ रिखाम लु़मिम सो़। मेम्‍मा मेराम ल्वामुकु दुथाम आच्‍छाङाकु सिजेम, जो़पा-सेलालामका गानी थो़मु दु़म्‍निम बु,

थु़र्मा 15:9

गुमीका वाङसामामिम नुङ गुइलाई मेफ्‍वाक्‍सामिवा, लावो मेर्मिमका थो़र लु़म्‍डिमका गुमीका खोत्‍लेकु न-गो सेपा दु़म्‍बेट्‌मिडी।

तीतस 3:7

मेम्‍साका उनीमा दिदामका उनीमा न-गो होप्‍माम दु़म्‍साका हेल्‍लो वो मेसिपा त्‍वारो़म ल्‍वामु न बेपा उनीमा चो़मिम दु़म्‍सिनु़।

२ पत्रुस 1:4

मेलामका छो़म डोक्‍पु नुङ हापा थिकाम उनी याचेजेसीमिम गुइलाई ग्‍वाक्‍साड्‌डामिम बु। मेम्‍मा मेरामलामका गानी माम्‍चु़नी हेप्‍माम बुमी मेप्‍मामङा दु़म्‍नी मा मेजो़पा नका बेबेद्‌वाक्‍पा सु़म्‍दिसेरडाम मेजो़पा बेसीलामका प्लु़सिमु चाम्‍नी।

लूका 6:36

इकीमा माम्‍चु़नी छो़म न-थो़मनुङमा बुमी, मा गानी वो मेप्‍माम न-थो़मनुङमा ङा दु़म्‍नी।

१ यूहन्‍ना 4:17

निया दु़म्मिम नेम गुइ मेङिसाका बुइनु़ र्‍वाक्‍साका गुइगोडा रिखाम माम्‍चु़नीकु न होङङा दु़म। हेङालोने ओराम सु़म्‍दिसेरडा गुइ वो ख्रीष्‍ट होप्‍मामङा बुइ।

हिब्रू 6:18

माम्‍चु़नीका गुइनुङ जेम्‍डिम याचे नुङ कसम पेम्‍डिम निफिङा गुमीका आच्‍छाङा रेन्‍थिमी। हेङालोने गुमीका लिमा मेथेन्‍मी। मेम्‍मिमका उनीमा थेर्मा-थेर्सीडा लक्‍पा मु़चु़मिमका बिइडिम हाम-हुम ल्‍वापा न हेल्‍लो लोवो झेन्‍थमु इकीमा सो हन।

२ थेसलोनिकी 2:16

गुइलाई रिखाम बेपा ङाचो़ येशू ख्रीष्‍ट नुङ माम्‍चु़नी इकी पापकु दिदामका हेल्‍लो वो मेहुक्‍पा सो हन्‍बेसाड्‌डामिम बु, मा जो़पा ल्‍वा लथाक्‍पा दु़म्‍बेसाड्‌डामिम बु।

रोमी 15:12

आथावो माम्‍चु़नीलाम जेपा यशैयाका र्‍वा, “यिशैकु दोचो़लाम कोले रोमी, गुमीका वाङसामामिमडला साखाम थो़मी, गुमीलाम वाङसामामिमका सेल्‍सिमु न बोमी।”

यूहन्‍ना 17:19

“इनीमा आच्‍छाङाकाम ल्वाका मेर्मिम सेपा दु़म्‍मीनु़ र्‍वाक्‍साका गो आ त्‍वापलाई वो सेपा सासेसी दु़म्‍बेट्‍पु।

याकूब 4:8

माम्‍चु़नीकु ङादोडा लक्‍नी, मेम्‍मा गुमी वो इनीमा ङादोडा रोमी मा गानीनुङ कोयोङा बुमी। माम्‍चु़नीकु सिजेम होम्‍साका मेदोपा छु़लचो़नी, इनी ल्‍वा सेपा बेनी। माम्‍चु़नी नुङ सु़म्‍दिसेर निफिथो़ङा न जु़ल्‍पा मु़चु़नी, इनीमा न-गो सेपा बेनी।

१ पत्रुस 1:3

माम्‍चु़नी नुङ इकी ङाचो़ येशू ख्रीष्‍टकु पापकाम नङ कोसिनु़। छो़म उनी न-थो़मका येशू ख्रीष्‍टकु सिमुलाममिम बग्‍गेसीलामका मेसिपा नकाम लागि गुइ लाले दु़म्‍साका गस्‍तिम बुइ।

१ पत्रुस 1:15

लावो गानीलाई येट्‌पा माम्‍चु़नी सेपा बुमिमिम होप्‍माङा गानी वो खोत्‍ले इनी खारी बेसीडा मेजो़पा ल्‍वाडाम वाङ दु़म्‍नी।