१ यूहन्‍ना 3:24 - थुलुङ राई

²⁴ माम्‍चु़नीका र्‍वामिमिम थो़पा मु़चु़मिम गुमीडा दु़म्‍मी मा गुमी मेर्मिम मु़चु़काडा दु़म्‍मी। गुमीका ग्‍वाक्‍साड्‌डामिम माम्‍चु़नी-पेललामका गुइ च, माम्‍चु़नी गुइनुङ बुमी।

१ यूहन्‍ना 3:24 Referans Kwoze

१ कोरिन्थी 3:16

गानी इनी त्‍वाप माम्‍चु़नीकु सो़रनेम सो़, मा माम्‍चु़नीकु पेल गानीगोडा बुमी र्‍वाक्‍पा हाम गानी मेचनी?

२ तिमोथी 1:14

गुइनुङ बाट्‌पा माम्‍चु़नी-पेललाम ख्‍लो़ला सो़क्‍सिका गानालाई जु़ल्‍मु ग्‍वाक्‍मा आच्‍छाङाकाम सीसि जो़होमका बोथाडा-थार्थाडा।

१ यूहन्‍ना 2:6

उहेमका गुमीडा बुङु र्‍वा गु येशू बाम्‍डिम-दोम्‍डिम होम्‍साका बुमु-दोमु बासी।

१ कोरिन्थी 6:19

इनी मिरो़म माम्‍चु़नी पेलकु सो़रनेम सो़, मेराम पेल गानीगोडा बुमी, मेराम माम्‍चु़नीलाम ल्‍वान्‍निम र्‍वाक्‍पा हाम गानी मेचनी? गानी इनी त्‍वाप ने इनी त्‍वाकामङा मेएँ।

१ यूहन्‍ना 4:7

द्‌वादीबुङ ङोप्‍सो़नी, गुइ कोलेका कोलेलाई रिखाम बेबी, हेङालोने रिखाम माम्‍चु़नीलाम रो। सु़का रिखाम बु़ गु माम्‍चु़नीकु चो़ मा गुका माम्‍चु़नीलाई छेडु़।

यूहन्‍ना 17:21

मेम्‍साका मेर्मिम खोत्‍ले कोङसो़ दु़म्‍मिनु़, पाआ, हेसाका गानी गोगोडा बुनी, मा गो गानीडा बुङु। मेर्मिम इकीमाडा दु़म्‍मिनु़, मेम्‍साका गानी गोलाई थु़र्ङिडिनिम र्‍वाक्‍पा सु़म्‍दिसेरका थो़र बु़नु़।

१ यूहन्‍ना 3:22

मेम्‍मा गुइ हाम बिइ मेराम माम्‍चु़नीका ग्‍वाक्‍सामी हेङालोने गुमीका र्‍वामिमिम होङङा गुइ बि, मा गुमीलाई गेर्सी बेट्‌पा खारी बि।

२ कोरिन्‍थी 6:16

माम्‍चु़नीकु सो़रनेम गोडा ङाटामिम हेसाका दु़म मा? हेल्‍लो वो मेसिपा माम्‍चु़नी बुमी, मा उनीमा सो़रनेम ने गुइ ङा सो़। गुमीका आरेसाका र्‍वाम्‍डिम बु: “गो मेर्मिमकाडा बुङु, मेर्मिम गोडा लाम्‍दिङु, मा गो मेर्मिमकु माम्‍चु़नी दु़म्‍ङु, मेम्‍मा मेर्मिम आमा मु़चु़ दु़म्‍मी।”

यूहन्‍ना 10:38

लावो मेराम खारी गो बेउ माला गोलाई थो़र मेबोङिनी लोवो हेल्‍लो वो मेल्‍वाम्‍मा खारीडा थो़रबेनी। मेम्‍मा पाप आमागोडा बुमी, मा गो पापगोडा बुङु र्‍वाक्‍साका गानी चनी, मा थेसिथेनी।”

यूहन्‍ना 14:17

माम्‍चु़नीकु दुथाम सो़पा पेल गुमी सो़। उनीमा ल्‍वाडा सु़म्‍दिसेरडाम मु़चु़मिम बुमु मेचाम्‍मी, हेङालोने मेर्मिमका गुमीलाई मेल्‍वामी, मा मेछेमी वो। लावो गानी गुमीलाई छेनी, हेङालोने गुमी गानीगोडा दु़म्‍मी, मा गानीनुङ दु़म्‍मी।

१ थेसलोनिकी 4:8

मेम्‍मिमका सु़का ओर्मिम सीसि मेद्‌वाकु़, मेरामका मु़चु़लाई मेएँ, माम्‍चु़नी-पेल ग्‍वाक्‍पा माम्‍चु़नीलाई मेद्‌वाकु़।

१ यूहन्‍ना 2:3

गुमीका बेबेसाड्‌डामिम होङङा बिइ माला ख्रीष्‍टलाई गुइ छेडिमी रेछा र्‍वाक्‍पा च।

१ यूहन्‍ना 2:5

लावो कोङनिमका माम्‍चु़नीकु सिजेम होम्‍साका बु़ माला मेरामकाडा माम्‍चु़नीकु रिखाम होङङा दु़म। गुइ गुमीडा बुइमिम ओरामलामका छेडी:

१ यूहन्‍ना 2:24

ङादो गानी हाम सीन्‍सिट्‌निम मेरामडा गानी थो़र लु़इमिम दु़म्‍मुम बुमु बासी। गानी मेम बेन्‍नी माला इनीमा हेमकेम माम्‍चु़नी पाप नुङ उनीमा तारापाचो़नुङ दु़महोम बु।