१ यूहन्‍ना 3:23 - थुलुङ राई

²³ गुमीका गुइलाई बेबेसाड्‌डामिम ल्‍वा ओरामङा सो़: उनीमा तारापाचो़ येशू ख्रीष्‍टडा गुइ थो़र लु़मु बासी, मा गुमीका बेबेसाड्‌डामिम होङङा कोलेका कोलेलाई रिखाम बोमु बासी।

१ यूहन्‍ना 3:23 Referans Kwoze

यूहन्‍ना 13:34

“गानीलाई कोले लाले ल्‍वा बेबेनिनी: रिखाम बेबेनी। गो गानीलाई रिखाम बेन्‍निनिम होम्‍साकाङा गानी वो रिखाम बेबोमु बासी।

१ पत्रुस 1:22

आच्‍छाङाकाम ल्‍वा होङङा बेसाका गानी इनी त्‍वापलाई छेको-छेको दु़म्‍बेट्‌निम बु। मेम्‍मिमका थो़र लु़पा इनीमा वा-ल्‍वाकलाई आच्‍छाङाका रिखाम बेनी, मा इनी त्‍वाप-त्‍वापडा न-गोलामकाङा छो़म रिखाम बेबेनी।

यूहन्‍ना 15:12

“गो र्‍वाङुमिम ल्‍वा ओरामङा: गो गानीलाई रिखाम बेन्‍निनिम होम्‍साकाङा गानी वो रिखाम बेबेनी।

यूहन्‍ना 6:29

येशूका मेर्मिमलाई र्‍वाम्‍डी, “माम्‍चु़नीका न बोमिमिम गानी बोमु बासिक्‍पा खारी ओरामङा सो़: ‘उहेमलाई गुमीका थु़र्मीडिम बु मेरामडला थो़रबेनी’।”

१ पत्रुस 4:8

खोत्‍लेडाम डोक्‍पु ल्‍वा, छो़म रिखाम बेबेनी। हेङालोने हापा सेर्पा छु़लमिमलाई रिखामका ङ्‌याकु़।

१ यूहन्‍ना 3:11

गुइ ङादो आथाम थो़स्‍तिम सिजेम ओरामङा सो़: गुइ रिखाम बेबोमु बासी।

१ यूहन्‍ना 4:21

मेम्‍मा माम्‍चु़नीका ओराम बेबेसाड्‌डामिम बु: उहेम मु़चु़का माम्‍चु़नीलाई रिखाम बु़, मेराम मु़चु़का थो़रलु़पा वा-ल्‍वाकलाई रिखाम बोमु बासी।

१ थेसलोनिकी 4:9

लावो थो़रलु़पामिमलाई रिखाम बोमुकु दुथाम गानीलाई गुकु र्‍यामुम बुमु मेबासी। हेङालोने रिखाम बेबेनी र्‍वाक्‍साका माम्‍चु़नीलाम इनी त्‍वाकाङा सीन्‍सिट्‌निम बु।

एफिसी 5:2

येशू ख्रीष्‍टका गानीलाई रिखाम बेन्‍निमिमका इनी छु़ललाम वाङ बोमु लागि उनी त्‍वापङा सासेन्‍सिम्‍डी मा माम्‍चु़नीलाई गेर्सीबेट्‌पा भ्रपा मुर्नेम्‍पा धूप होप्‍माम दु़म्‍मिडी। मेम्‍साका गानी वो रिखामडा बानी-दोनी।

मर्कूस 9:7

मेकोतिमा मेसिन्‍डा खासे रोक्‍तामा मेर्मिमलाई हुप्‍डु़मी, मा खासेलामका कोङ लो़लामका र्‍वाम्‍डी, “ओराम गो छो़म द्‌वाक्‍पुमिम आमा चो़, ओरामका र्‍वामिम थो़नी।”

मत्ती 22:39

नक्‍नोम वो डोक्‍पुङा बु, ‘गाना इमा साउखोरेलाई इमा त्‍वापलाई होङङा रिखाम बे।’

थु़र्मा 16:31

मेर्चिपका र्‍वाक्‍ची, “येशू ख्रीष्‍टडा थो़र लु़नी, मा गानी नुङ इनीमा नेमडाममिम खोत्‍लेङा सेल्‍सिनी।”

यूहन्‍ना 17:3

मेसिपा त्‍वारो़म ल्‍वापा लाम्‍दी ओराम सो़: गानी कोलेङा आच्‍छाङाकाम माम्‍चु़नीलाई मेर्मिमका छेमु, मा गानी थु़र्निम येशू ख्रीष्‍टलाई वो छेमु।

यूहन्‍ना 14:1

“इनीमा न-गोडा मेभ्रसिक्‍पा मेदु़म्‍नी। माम्‍चु़नीडा थो़रलु़नी, मा गोडला वो थो़र बेनी।

१ तिमोथी 1:15

छु़लचो़मिम सेल्‍ला ख्रीष्‍ट येशू सु़म्‍दिसेरडा योम्‍डी र्‍वाक्‍पा ल्‍वा आच्‍छाङा र्‍वाक्‍साका रमु बासी सो़, मा छु़लचो़मिमगोडाम गो छो़म डोक्‍पु छु़लचो़।

यूहन्‍ना 1:12

लावो गुमीलाई हुनाखाना बेपा, मा गुमीडला थो़र लु़पामिम खोत्‍लेलाई गुमीका माम्‍चु़नीकु चो़मिम दु़म्‍पा साखाम ग्‍वाम्‍डिमी।

यूहन्‍ना 2:23

सेल्‍सिक्‍पानेमकु चाडकाम थारीका गुमी यरूशलेमडा बाम्‍डी। मेकोतिलो गुमीका बेम्‍डिम हेल्‍लो वो मेल्‍वाम्‍मा खारीमिम ल्‍वाम्‍डिमका हापा मु़चु़मिमका गुमीडला थो़र लु़म्‍डी।

यूहन्‍ना 3:18

उहेम मु़चु़का गुमीडला थो़र बु़, मेराम मु़चु़ मुमा बेन्‍ला मेसो़सी। लावो उहेम मु़चु़का थो़र मेबु़, मेराम मु़चु़ ने ङादोङा मुमा बेन्‍ला सो़सिड्‌डाम बु, हेङालोने मेरामका माम्‍चु़नीकु कोलेङा तारापाचो़कु नङडा थो़र मेबु़वाम बु।

१ यूहन्‍ना 2:7

द्‌वादीबुङ ङोप्‍सो़नी, गानी बोमु बासी र्‍वाक्‍साका र्‍याक्‍तोङा बेउमिम ओराम ल्‍वा लाम्‍दी सिपा लाले सीसि ने मेएँ, माके आथामङा गानीनुङ बाट्‌पा ल्‍वा सो़। माकेम ओराम ल्‍वा ने ङादो गानी थो़न्‍निम सिजेम सो़।

१ यूहन्‍ना 4:15

कोङ मु़चु़का येशू माम्‍चु़नीकु तारापाचो़ र्‍वाक्‍साका थो़र बु़ माला माम्‍चु़नी मेराम मु़चु़नुङ दु़म्‍मी मा मेराम मु़चु़ माम्‍चु़नीडा दु़म।

१ यूहन्‍ना 5:13

गानी हेल्‍लो वो मेसिपा त्‍वारो़म ल्‍वान्‍निम बु र्‍वाक्‍पा चक्‍नी र्‍वाक्‍साका माम्‍चु़नीकु तारापाचो़कु नङडा थो़र बेपा गानीलाई ओराम ल्‍वा र्‍याक्‍तोङा बेउ।