१ यूहन्‍ना 3:22 - थुलुङ राई

²² मेम्‍मा गुइ हाम बिइ मेराम माम्‍चु़नीका ग्‍वाक्‍सामी हेङालोने गुमीका र्‍वामिमिम होङङा गुइ बि, मा गुमीलाई गेर्सी बेट्‌पा खारी बि।

१ यूहन्‍ना 3:22 Referans Kwoze

यूहन्‍ना 15:7

गानी गोगोडा दु़म्‍निमा आमा सिजेम गानीगोडा बु माला हाम न बोनी, मेराम बिनी, मा गानी ल्‍वानी।

यूहन्‍ना 9:31

माम्‍चु़नीका छु़लचो़मिमकु ल्‍वा मेथो़मी र्‍वाक्‍साका गुइ च। माम्‍चु़नीकु न होम्‍साका उनीमा लाम्‍दीडा लाम्‍दिपा मु़चु़कु ल्‍वा गुमीका थो़मी।

मत्ती 21:22

गानी थो़रलु़नी माला सो़म्‍दीडा हाम बिनी, मेराम ल्‍वानी।”

१ यूहन्‍ना 5:14

माम्‍चु़नी फार्डा इकीमा ओराम थो़र बु, उनीमा न होङङा गुइ हाम-हुम बिइडी माला गुइ र्‍वाकिमिम ल्‍वा गुमीका थो़मी।

मर्कूस 11:24

मेम्‍मिमका गो गानीनुङ र्‍वाङु गानी सो़म्‍दीडा हाम बिनी मेराम गो ल्‍वाउतोम बु र्‍वाक्‍साका थो़र लु़नी, मा मेराम इनीमा दु़म।

यूहन्‍ना 14:13

गानी आमा नङडा हाम बिनी मेराम गो रेथिक्‍पु, मेम्‍साका पापकु यु़म गो झ्‍वाबेट्‌पु।

याकूब 1:5

लावो गानीगोडाम कोङनिमलाई नेप्‍ची चाइदु़म्‍पा बु माला न-थो़मनुङमा माम्‍चु़नीनुङ मेरामका बियु़नु़, मा मेरामलाई गुमीका ग्‍वामी। हेङालोने गानी खोत्‍लेका बिनिमिम ल्‍वाडा गुमीका मेभुर्साका छो़म ग्‍वानिमी।

यूहन्‍ना 8:29

गोलाई थु़र्पा गुमी गोनुङ बुमी। गुमीका गोलाई त्‍वापङा पार्जो़ल्‍ङिडिमिम मिबु, गुमीलाई गेर्सीबेट्‌पा खारी गो हेल्‍लो लोवो बेउ।”

कलस्‍सी 1:10

मेम्‍मा ङाचो़का न बोमिमिम होङङा गानी बुमु चाम्‍नी मा गुमीलाई गेर्सीबेट्‌पा खारी हेल्‍लो लोवो बोनी, गानी खोत्‍ले जो़पा खारी बोनी मा माम्‍चु़नीलाई हापा छेत्तो लनी।

याकूब 5:16

मेम्‍मिमका गानी कोलेका कोलेनुङ इनी छु़ल न-गोलामका सो़बेनी। कोलेका कोलेनुङ त्‍वाका बेन्‍निम छु़लकु दुथाम सो़बेनिमा सो़म्‍दी बेनी, मेम्‍मा गानी सनी। माम्‍चु़नीकु न होम्‍साका दोपा मु़चु़कु सो़म्‍दीका छो़म डोक्‍पु खारी बु़।

हिब्रू 13:21

उनीमा न होङङा बोमु खोत्‍ले जो़पा ल्‍वाका बोमु चापा दु़म्‍बेनिमिनु़। मेम्‍मा गुमीलाई गेर्सी बेट्‍पा खोत्‍ले ल्‍वा येशू ख्रीष्‍टलाम गुइगोडा बोमिनु़। येशू ख्रीष्‍टकु नङ हेल्‍लो लोवो कोसिनु़म बुनु़। आमेन।

यूहन्‍ना 6:29

येशूका मेर्मिमलाई र्‍वाम्‍डी, “माम्‍चु़नीका न बोमिमिम गानी बोमु बासिक्‍पा खारी ओरामङा सो़: ‘उहेमलाई गुमीका थु़र्मीडिम बु मेरामडला थो़रबेनी’।”

फिलिप्‍पी 4:18

गोलाई चाइदु़म्‍पाडाम वो हापा ल्‍वाउतोम बु, गो लिट्‌पा बुङु। गानी इपाफ्रोडिटसकाडा थु़र्निम ख्‍लो़सीमिम डार्तो। मेर्मिम ने माम्‍चु़नीका रमिमिम मा मेराम ने गुमीलाई गेर्सिबेट्‌पा भ्रपा नेम्‍पा ग्‍वा-ग्‍वा होप्‍माम बु।

थु़र्मा 17:30

ङादोम थारीबिलि गुइ माम्‍चु़नीलाई मेचक्‍साका मेथेसाका बिइडिम ल्‍वाडा माम्‍चु़नीका न मेसोक्‍मिवा। लावो गुमीका आथा ने खोत्‍लेथो़ बाट्‌पा खोत्‍ले मु़चु़मिमलाई उनी छु़लमिमलामका ख्‍लोसिमिनु़ र्‍वाम्‍डिम बु।

यूहन्‍ना 15:10

गानी गो र्‍वाङ्‌डोम थो़नी माला आमा रिखामडा गानी बुनी, हेसाका गो वो आमा पापका र्‍वाम्‍डिम थो़उतो, मा उनीमा रिखामडा बुङु।

मत्ती 17:5

गु जेत्तोङा बु़डु़लो झ्‍वाक्‍पा खासेका मेर्मिमलाई हुप्‍डु़मी, मा मे खासेलामका कोले लो़लामका आरे र्‍वाक्‍ता, “ओराम गो छो़म द्‌वाक्‍पुमिम आमा तारापाचो़, ओरामडाम छो़म गेर्सिद्‌वाक्‍पा बुङु। ओरामका र्‍वामिम थो़नी।”

थु़र्मा 20:21

यहूदीमिम नुङ ग्रीकमिमलाई इनीमा त्‍वाकु छु़लमिम न-गोलामका मिम्‍सिसाका माम्‍चु़नीडा ख्‍लोन्‍सिट्‌नी, मा ङाचो़ येशूडा थो़रलु़नी र्‍वाक्‍साका र्‍वाङ्‌डोम बु।

याकूब 4:3

गानी बिनी लावो मेल्‍वानी, हेङालोने त्‍वाकु न गेर्सिबेन्‍मु लागि मेजो़पा नका बिनी।

१ यूहन्‍ना 2:3

गुमीका बेबेसाड्‌डामिम होङङा बिइ माला ख्रीष्‍टलाई गुइ छेडिमी रेछा र्‍वाक्‍पा च।