१ यूहन्‍ना 3:18 - थुलुङ राई

¹⁸ द्‌वादीबुङ चो़च्‍चो़नी, जेसी पेसीलाम कोङङा रिखाम बे बि। इकीमा बेसी-पेसीका आच्‍छाङा रिखाम बेबिमिम रेम्‍बी।

१ यूहन्‍ना 3:18 Referans Kwoze

रोमी 12:9

मु़चु़कु मिक्‍सीलामडा रेम्‍बेपा रिखाम मेएँ लावो आच्‍छाङाकाम बेपा दु़म्‍नी। मेजो़पा ल्‍वा ङेट्‌निमा जो़पा ल्‍वा बेनिम बानी।

१ पत्रुस 1:22

आच्‍छाङाकाम ल्‍वा होङङा बेसाका गानी इनी त्‍वापलाई छेको-छेको दु़म्‍बेट्‌निम बु। मेम्‍मिमका थो़र लु़पा इनीमा वा-ल्‍वाकलाई आच्‍छाङाका रिखाम बेनी, मा इनी त्‍वाप-त्‍वापडा न-गोलामकाङा छो़म रिखाम बेबेनी।

गलाती 5:13

वा-ल्‍वाकनी, माम्‍चु़नीका गानीलाई डु़ल्‍चो़लाम वाङ दु़म्‍मु लागि येट्‌निमिम सो़। ओराम वाङदु़म्‍सी ने इनीमा मिरो़मडाम मेजो़पा न-गो होम्‍साका मेदोनु़, लावो रिखामका इनी त्‍वाप-त्‍वापडा ख्‍लो़या-बाया बेबेनी।

एफिसी 4:15

लावो रिखामनुङ आच्‍छाङा ल्‍वा जेसाका खोत्‍ले ल्‍वाडा गुइ ख्रीष्‍टसम्‍म बर्तो लक्‍सी। गुइ मण्‍डली उनीमा मिरो़म सो़ मा गुमी इकीमा बुइ सो़।

१ थेसलोनिकी 1:3

थो़रका बेबेट्‌निम इनीमा खारी, रिखामका बेबेट्‌निम ब्राम्‍दु़ल्‍वा नुङ इकीमा ङाचो़ येशू ख्रीष्‍टडाम हाम हुम ल्‍वापा नका बेबेट्‌निम इनीमा इम्‍सी माम्‍चु़नी पापनुङ सो़म्‍दी बोकुलो मिम्‍कुम बुकु।

१ यूहन्‍ना 2:1

आमा याक्‍के चो़च्‍चो़नी, गानी छु़ल मेबेनी र्‍वाक्‍साका गो ओराम सेलाखाजेम र्‍याक्‍तोङा बेउ। लावो कोङनिमका छु़ल बु़ माला इकीमालाम पापनुङ जेप्‍साक्‍पा कोले येशू ख्रीष्‍ट बुमी। गुमीका माम्‍चु़नीलाई गेर्सिबेन्‍मी।

२ यूहन्‍ना 1:1

माम्‍चु़नीका छेट्‌नामिम द्‌वादीबुङ रिचो़ नुङ इमा चो़मिमलाई मण्‍डली रेपा गो ङाउ यूहन्‍नाका ओराम सेलाखाजेम र्‍याक्‍तोङा बेउ। गो गानीलाई न-गोलामका रिखाम बोनिनी। गो कोङङा गानीलाई रिखाम बोनिनिमिम मेएँ लावो आच्‍छाङाकाम सीसि चक्‍पा खोत्‍लेका गानीलाई रिखाम बोनिमी।

यूहन्‍ना 17:19

“इनीमा आच्‍छाङाकाम ल्वाका मेर्मिम सेपा दु़म्‍मीनु़ र्‍वाक्‍साका गो आ त्‍वापलाई वो सेपा सासेसी दु़म्‍बेट्‍पु।

१ यूहन्‍ना 3:7

द्‌वादीबुङ चो़च्‍चो़नी, सु़का वो गानीलाई ताङताहेरथो़ मेलनिमिनु़। उहेम मु़चु़का जो़पा जेसी-दोसी बु़ मेरामका माम्‍चु़नीकु न होप्‍माम जो़पा बेपा ख्रीष्‍ट होङङा जो़पा खारी बु़।

३ यूहन्‍ना 1:1

मण्‍डली रेपा ङाउ गो यूहन्‍नाका आच्‍छाङा रिखाम बोनिमिम गायस, गानालाई गो ओराम सेलाखाजेम र्‍याक्‍तोङा बेउ।

लूका 7:5

हेङालोने इकीमा मु़चु़मिमलाई गुका रिखाम बु़, मा आकीमा घ्रो़म्‍दीनेम वो गुका ङा बनेबेसाक्‍तिकिम सो़।”