१ यूहन्‍ना 3:17 - थुलुङ राई

¹⁷ कोङनिम मु़चु़नुङ सु़म्‍दिसेरडाम खाप्‍चीमिम बु मा थो़र लु़पा वा-ल्‍वाक खेरेला दु़म्‍पा ल्‍वासु़, मा वो मे वा-ल्‍वाकडला उ थो़म मेभ्रो़ माला माम्‍चु़नीकु रिखाम हेसाका गुगोडा दु़म मा?

१ यूहन्‍ना 3:17 Referans Kwoze

हिब्रू 13:16

वाङमिमलाई जो़होम बोमु नुङ इनी त्‍वाकु चाप्‍सी ख्‍लो़मु मेप्‍ल्‍वानी। हेङालोने आरेप्‍माम ग्‍वा-ग्‍वाका माम्‍चु़नी गेर्सी द्‌वामी।

१ यूहन्‍ना 4:20

कोङनिम मु़चु़का “माम्‍चु़नीलाई गो रिखाम बेउ” र्‍वा लावो थो़र लु़पा वा-ल्‍वाकलाई मेद्‌वाकु़मी माला मेराम मु़चु़ लिमाचो़। हेङालोने मिक्‍सीका ल्‍वासिमिम मु़चु़मिमलाई रिखाम मेबी माला मिक्‍सीका मेल्‍वासिमिम माम्‍चु़नीलाई हेसाका रिखाम बि मा?

लूका 3:11

यूहन्‍नाका मेर्मिमलाई र्‍वाक्‍ता, “उहेमनुङ नले माक्‍ते बु, मेरामका मेबाट्‌पालाई ग्‍वाक्‍नु़, मा उहेमनुङ पोमुडुमु बु, मेरामका वो मेम ङा बु़नु़।”

याकूब 2:15

गानीगोडाम कोङनिम वा-ल्‍वाकलाई पोमु-फम्‍सिमुकाम खेरेला दु़म्‍मिम थारीका,

२ कोरिन्‍थी 8:9

इकीमा ङाचो़ येशू ख्रीष्‍टकु डोक्‍पु दिदाम ने गानी चनिम बु। गुमी पाह्रीलाम बाट्‍पा जो़ल्‍सिक्‍पा बाम्‍डी, लोवो उनीमा हाम वो मेबाट्‍पा दु़म्‍सीका गानी बाट्‍पा जो़ल्‍सिक्‍पा दु़म्‍नी र्‍वाक्‍साका गुमी उनी हाम वो मेबाट्‌पा दु़म्‍मिडी।

१ यूहन्‍ना 5:1

उहेम मु़चु़का येशूङा ख्रीष्‍ट र्‍वाक्‍पा थो़र बु़, मेराम मु़चु़ माम्‍चु़नीकु चो़च्‍चो़ सो़। मेम्‍मा उहेम मु़चु़का पापलाई रिखाम बु़ उनीमा चो़मिमलाई वो मेरामका रिखाम बु़।

याकूब 2:16

गानीगोडाम कोङ मु़चु़का मेराम मु़चु़लाई “जाल्‍पा बेसाका बानी, ख्‍वाचेप खोहोम पेनी, माम्‍चु़नीका जि ग्‍वानामिनु़” कोङङा बु़, लावो मेराम खेरेला दु़म्‍पालाई हाम वो मेग्‍वाकु़ माला गानी र्‍वानिमिम ल्‍वाका हाम जो़पा बु़ मा?