१ यूहन्‍ना 3:13 - थुलुङ राई

¹³ आमा वा-ल्‍वाकनी, सु़म्‍दिसेरका गानीलाई मेद्‌वानिमी माला ङाङाया मेदु़म्‍नी।

१ यूहन्‍ना 3:13 Referans Kwoze

यूहन्‍ना 17:14

गो मेर्मिमलाई इनीमा सिजेम ग्‍वाक्‍तोमी, मा सु़म्‍दिसेरडाम मु़चु़मिमका मेर्मिमलाई मेद्‌वाक्‍मिवा, हेङालोने गो सु़म्‍दिसेरकाम मेएँ, मेप्‍माङा मेर्मिम वो सु़म्‍दिसेरकाम मेएँ।

लूका 21:17

गानी आमा सीसिपामिम दु़म्‍निमका खोत्‍ले मु़चु़मिमका गानीलाई मेद्‌वानी।

याकूब 4:4

नाम्‍सु़रु़ बेपानी, सु़म्‍दिसेरनुङ ङोप्‍सो़बुङ दु़म्‍मु माम्‍चु़नीलाई नाप्‍छु़न्‍मु सो़ र्‍वाक्‍पा ल्‍वा गानी मेचनी? उहेमका सु़म्‍दिसेरनुङ ङोप्‍सो़बुङ दु़म्‍मु न बु़, मेराम माम्‍चु़नीकु स्वाक्‍चिमो मु़चु़ दु़म।

२ तिमोथी 3:12

ख्रीष्‍ट येशूडा माम्‍चु़नीकु लाम्‍दी होम्‍साका लाम्‍दिमु माल्‍पामिम खोत्‍ले मु़चु़काम छो़म उनी थो़मतेर्सी।

मर्कूस 13:13

मेकोतिमा आमा दुथाम खोत्‍लेका गानीलाई नाप्‍छु़निमी, लावो हुक्‍पा थारीसम्‍म ङा इम्‍सिसाका बाट्‌पामिम कोङङा सेल्‍सिमी।

रोमी 8:7

मिरो़मडाम नसीहोमका दोपा मु़चु़ माम्‍चु़नीकु कोर्थो़लाम बमिम दु़म। हेङालोने गुका डु़म्‍ला होम्‍साका बु़डु़म मेदु़म मा डु़म्‍ला होम्‍साका दोमु वो मेचाप्‍सु़।

यूहन्‍ना 16:33

आमाडा गानी दु़म्‍साका इनीमा न-गो भ्रसिनु़ र्‍वाक्‍साका गो गानीलाई ओराम ल्‍वा र्‍वाङडोम। ओराम सु़म्‍दिसेरडा गानीलाई दु़खा दु़म, लावो रुखु फिन्‍नी, सु़म्‍दिसेरडला गो घ्‍ल्‍वाङडोम बु।”

यूहन्‍ना 7:7

गानीलाई मेद्‌वाक्‍पा मु़चु़ सु़म्‍दिसेरडा सु़वो मेबुमी। लावो सु़म्‍दिसेरडाम मु़चु़मिमका गोलाई ने मेद्‌वाङिमी, हेङालोने मेर्मिमकु खारी बेसी मेजो़पा बु र्‍वाक्‍साका गो सो़उ।

लूका 6:22

मिनीचो़डला थो़र लु़न्‍निमका मु़चु़मिमका मेद्‌वानिमी, सामालामका ख्‍लुनिमी, मा रिन्‍सानिमी, मेम्‍मा मेजो़पा मिम्‍मिमा गानीलाई डक्‍साका जेमी माला गानी आलाकाम सो़।

मत्ती 24:9

“मेकोतिमा मु़चु़मिमका गानीलाई चु़म्‍नीमा इनीमा थो़मतेर्बेन्‍मी, मा सेन्‍बेन्‍मी। गोडला गानी थो़रलु़न्‍निमका खोत्‍ले सामामिमका गानीलाई मेद्‌वानिमी।

मत्ती 10:22

गानी आमा चङचङ लाम्‍दिपा दु़म्‍निमका खोत्‍ले मु़चु़मिमका गानीलाई मेद्‌वानी। लावो उहेम मु़चु़ दिफुसम्‍म थो़रलु़होम बु, मेराम मु़चु़ सेल्‍सी।

थु़र्मा 3:12

मेराम ल्‍वास्‍तु़मा पत्रुसका मेर्मिमनुङ र्‍वाक्‍ता, “ए इस्राएलडाम मु़चु़नी, ओराम लाम्‍दिइडाम ल्‍वान्‍निमा हेङा गानी ङाङाया दु़म्‍निमा गुचुकुथो़ रेम्‍थानिमिम? गुचुकु आचीमा यु़मका नुङ माम्‍चु़नीकु सो़रलोले जो़होमका बेच्‍चोकोमका ओराम मु़चु़ लाम्‍दिइडाम र्‍वाक्‍पा मिम्‍थानिमिम?

यूहन्‍ना 16:2

मेर्मिमका गानीलाई घ्रो़म्‍दीनेममिमलामका पाखा कोल्‍निमी। लावो आरेप्‍माम थारी रोक्‍तोङा लेडु़, कोङनिम उहेमका गानीलाई सेनी मेर्मिमका माम्‍चु़नीकु लाले-पाङके बेत्तोङा लेट्‌पु र्‍वाक्‍पा मिम्‍मी।

यूहन्‍ना 3:7

गो गानालाई लाले दु़म्‍साका गमु बासी र्‍वाङडोमका ङाङाया मेदु़म्सा।

रेम्‍बेट्‌मिडिम ल्‍वा 17:7

मेम्‍मा पाह्रीचो़का गोलाई आरे बेङ्‌डी, “गाना हेङा ङाङाया दु़म्‍नामिम? मे मेसेम नुङ गु हुपा येतले बुइमिम नुङ को धु़म रङमिमनुङमा मे हादीबाराकु दुथाम थक्‍मा ल्‍वा गो गानानुङ सो़उ।