१ यूहन्‍ना 2:7 - थुलुङ राई

⁷ द्‌वादीबुङ ङोप्‍सो़नी, गानी बोमु बासी र्‍वाक्‍साका र्‍याक्‍तोङा बेउमिम ओराम ल्‍वा लाम्‍दी सिपा लाले सीसि ने मेएँ, माके आथामङा गानीनुङ बाट्‌पा ल्‍वा सो़। माकेम ओराम ल्‍वा ने ङादो गानी थो़न्‍निम सिजेम सो़।

१ यूहन्‍ना 2:7 Referans Kwoze

१ यूहन्‍ना 3:11

गुइ ङादो आथाम थो़स्‍तिम सिजेम ओरामङा सो़: गुइ रिखाम बेबोमु बासी।

१ यूहन्‍ना 3:23

गुमीका गुइलाई बेबेसाड्‌डामिम ल्‍वा ओरामङा सो़: उनीमा तारापाचो़ येशू ख्रीष्‍टडा गुइ थो़र लु़मु बासी, मा गुमीका बेबेसाड्‌डामिम होङङा कोलेका कोलेलाई रिखाम बोमु बासी।

१ यूहन्‍ना 2:24

ङादो गानी हाम सीन्‍सिट्‌निम मेरामडा गानी थो़र लु़इमिम दु़म्‍मुम बुमु बासी। गानी मेम बेन्‍नी माला इनीमा हेमकेम माम्‍चु़नी पाप नुङ उनीमा तारापाचो़नुङ दु़महोम बु।

मत्ती 5:43

“‘इनी साउखोरेलाई रिखाम बेनी मा इनी स्‍वाक्‍चिमोलाई रिखाम मेबेनी’ र्‍वाक्‍पा गानी थो़न्‍निम बु।

थु़र्मा 17:19

मेर्मिमका पावललाई अरियोपागस र्‍वाक्‍मा शहरडाम डोक्‍पु घ्रो़म्‍दीडा लम्‍डी, मा हिलाहिसी बेम्‍डी, “ओ लाले सीसिकु दुथाम गुकुनुङ सो़नीका।

यूहन्‍ना 13:34

“गानीलाई कोले लाले ल्‍वा बेबेनिनी: रिखाम बेबेनी। गो गानीलाई रिखाम बेन्‍निनिम होम्‍साकाङा गानी वो रिखाम बेबोमु बासी।

हिब्रू 6:9

द्‌वादीबुङ वा-ल्‍वाकनी, गुकु आरेसाका र्‍वाकु लोवो गानीडला आरेप्‍माम दु़म र्‍वाक्‍साका थो़र मेबोकु। लावो गानी सेल्‍सिनी मा हापा जो़पा ल्‍वामिम ल्‍वानी र्‍वाक्‍साका थो़र बोकु।

१ यूहन्‍ना 3:2

द्‌वादीबुङ ङोप्‍सो़नी, ओम्‍लो गुइ माम्‍चु़नीकु चो़च्‍चो़मिम बुइ, मा दिफु गुइ हाम दु़म्‍सी मेराम मेच। लावो गुइ ओराम च, ख्रीष्‍ट आथावो योमिलो गुइ गुमी होप्‍मामङा दु़म्‍सी हेङालोने गुमी हेप्‍माम बुमी मेप्‍मामङा गुमीलाई ल्‍वासी।

१ यूहन्‍ना 3:21

द्‌वादीबुङ ङोप्‍सो़नी, इकीमा नका गुइलाई मुमा मेबेसा माला माम्‍चु़नीकु ङादोडा गुइ मेङिसी।

१ यूहन्‍ना 4:1

द्‌वादीबुङ ङोप्‍सो़नी, पेललामका जेङुमिम र्‍वाक्‍पा खोत्‍ले मु़चु़लाई थो़र मेलु़नी। मेर्मिमनुङ बाट्‌पा पेल माम्‍चु़नीलाममिम डे मेएँ डे र्‍वाक्‍पा रेम्‍मु मेर्मिमलाई छाम्‍निमी। हेङालोने माम्‍चु़नीलाम-जेपा लिसिक्‍पा हापा मु़चु़मिम ओराम सु़म्‍दिसेरडा लुम्‍डिम बु।

१ यूहन्‍ना 4:7

द्‌वादीबुङ ङोप्‍सो़नी, गुइ कोलेका कोलेलाई रिखाम बेबी, हेङालोने रिखाम माम्‍चु़नीलाम रो। सु़का रिखाम बु़ गु माम्‍चु़नीकु चो़ मा गुका माम्‍चु़नीलाई छेडु़।

१ यूहन्‍ना 4:11

द्‌वादीबुङ ङोप्‍सो़नी, माम्‍चु़नीका गुइलाई छो़म रिखाम बेसाड्‌डामिमका गुइ वो कोलेका कोलेलाई रिखाम बेबोमु बासी।

१ यूहन्‍ना 4:21

मेम्‍मा माम्‍चु़नीका ओराम बेबेसाड्‌डामिम बु: उहेम मु़चु़का माम्‍चु़नीलाई रिखाम बु़, मेराम मु़चु़का थो़रलु़पा वा-ल्‍वाकलाई रिखाम बोमु बासी।