१ यूहन्‍ना 2:3 - थुलुङ राई

³ गुमीका बेबेसाड्‌डामिम होङङा बिइ माला ख्रीष्‍टलाई गुइ छेडिमी रेछा र्‍वाक्‍पा च।

१ यूहन्‍ना 2:3 Referans Kwoze

यूहन्‍ना 14:15

“गानी गोलाई रिखाम बोङिनी माला गो र्‍वाङुमिम थो़नी।

यूहन्‍ना 15:10

गानी गो र्‍वाङ्‌डोम थो़नी माला आमा रिखामडा गानी बुनी, हेसाका गो वो आमा पापका र्‍वाम्‍डिम थो़उतो, मा उनीमा रिखामडा बुङु।

१ यूहन्‍ना 5:3

माम्‍चु़नीलाई रिखाम बोमु र्‍वाक्‍मा गुमीका बेबेसाड्‌डामिम होङङा बोमु मा गुमीका बेबेसाड्‌डामिम ल्‍वा बोमु मेझापा मिबु।

लूका 6:46

“गो र्‍वाङुमिम होम्‍साका मेबोनी माला, गानी हेङा गोलाई ङाचो़, ङाचो़, र्‍वानी?

यूहन्‍ना 15:14

गो गानीलाई हाम र्‍वाङ्‌डोम बु, मेराम होङ्‍ङा बोनी माला गानी आमा ङोप्‍सो़मिम।

१ यूहन्‍ना 4:13

माम्‍चु़नीडा गुइ बुइ मा गुमी गुइगोडा बुमी र्‍वाक्‍पा रेम्‍बोमु माम्‍चु़नीका माम्‍चु़नी-पेल गुइलाई ग्‍वाक्‍साड्‌डामिम बु।

हिब्रू 5:9

आरेसाका माम्‍चु़नीका र्‍वाम्‍डिम खोत्‍ले खारी बोमु दु़म्‍मिडिम चङडा येशूका थो़रलु़पामिमलाई हेल्‍लो वो मेसिपा त्‍वारो़म ग्‍वामु लागि सेल्‍मिडी।

१ यूहन्‍ना 3:19

ओ इकीमा बेसी-पेसीलामका गुइ च, गुइ आच्‍छाङाकाम ल्‍वाडा बुइ। मेम्‍मिमका माम्‍चु़नीकु ङादोडा गुइ येम्‍सिडिलो इकीमा ङिम मेलु़।

यूहन्‍ना 17:3

मेसिपा त्‍वारो़म ल्‍वापा लाम्‍दी ओराम सो़: गानी कोलेङा आच्‍छाङाकाम माम्‍चु़नीलाई मेर्मिमका छेमु, मा गानी थु़र्निम येशू ख्रीष्‍टलाई वो छेमु।

१ यूहन्‍ना 5:19

गुइ माम्‍चु़नीकु चो़च्‍चो़मिम मा ओराम खोत्‍ले सु़म्‍दिसेर शैतानकु ल्‍वाडा बु र्‍वाक्‍पा च।

१ यूहन्‍ना 3:14

येशूडा थो़रलु़पा इकीमा वा-ल्‍वाकमिमलाई गुइ रिखाम बिइडी माला सिमुलामका हेल्‍लो वो मेसिपा त्‍वारो़मडा रोक्‍तिम बु र्‍वाक्‍पा छे। लावो उहेम मु़चु़का रिखाम मेबु़ मेराम आथावो सिमुलामगोडाङा बु।

२ कोरिन्‍थी 4:6

“तुकुम्‍चिमलाम ओल झ्‍वानु़” र्‍वाक्‍पा माम्‍चु़नी ङा आकीमा नडा उनीमा ओल झ्वाबेसाका माम्‍चु़नीकु यु़म-झ्‍वाक्‍सीकाम नेप्ची गुकुलाई थेसिथेन्‍बेत्तिकी। आच्छाङा ओराम ओल येशू ख्रीष्‍टकु ङालीडा झ्‍वा।

रेम्‍बेट्‌मिडिम ल्‍वा 22:14

“त्‍वाकु ब्‍लाङमा सो़ल्‍पा मु़चु़मिम आलाकाम सो़। त्‍वारो़म ग्‍वाक्‍पा धक्‍साकु मा पोमु मुलु़ मेर्मिमका ल्‍वामी मा शहर गोनो हुमु ल्‍वामी।

१ यूहन्‍ना 2:13

ङावानी, गो गानीलाई ओराम र्‍याक्‍तोङा बेउ, हेङालोने खोत्‍ले प्रङ्‌सिमु ङादो आथामङा बाट्‌पा येशू ख्रीष्‍टलाई गानी छेनी। स्‍वालानी, गो गानीलाई ओराम र्‍याक्‍तोङा बेउ, हेङालोने शैतानडला गानी घ्‍ल्‍वान्‍निम बु। द्‌वादीबुङ चो़च्‍चो़नी, गो गानीलाई ओराम र्‍याक्‍तोङा बेउ, हेङालोने इकीमा माम्‍चु़नी पापलाई गानी छेट्‌निम बु।

१ यूहन्‍ना 3:6

ख्रीष्‍टडा बाट्‌पा सु़का वो छु़ल बु़होम मेबु। छु़ल बेपाम बाट्‌पा मु़चु़का गुमीलाई ल्‍वास्‍तु़म बु ना गुमीलाई छेड्‌डु़म बु।

१ यूहन्‍ना 4:7

द्‌वादीबुङ ङोप्‍सो़नी, गुइ कोलेका कोलेलाई रिखाम बेबी, हेङालोने रिखाम माम्‍चु़नीलाम रो। सु़का रिखाम बु़ गु माम्‍चु़नीकु चो़ मा गुका माम्‍चु़नीलाई छेडु़।

१ यूहन्‍ना 5:2

माम्‍चु़नीलाई गुइ रिखाम बि मा गुमीका बेबेसाड्‌डामिम होङङा बिडी माला माम्‍चु़नीकु चो़च्‍चो़मिमलाई गुइ रिखाम बि र्‍वाक्‍पा च।

रेम्‍बेट्‌मिडिम ल्‍वा 12:17

मेम्‍मा डोमिफु मे मेसेमडाम उ छोक्‍चोका इप्‍ल्‍याड्‌डु़। मेम्मिमका माम्‍चु़नीका र्‍वामिमिम होङङा खारी बेपामिम मा येशूका थेसिथेन्‍बेट्‌मिडिम सीसि होङङा दोपामिमकु कोर्थो़लाम क्‍वाल्‍बा बेप्‍डा मे मेसेमकु वाङमिम उ चो़मिमकाडा लस्‍ता।

रेम्‍बेट्‌मिडिम ल्‍वा 14:12

मेम्‍मिमका माम्‍चु़नीका र्‍वामिमिम होङङा बेपा मा येशूडा थो़रलु़इमिम दु़म्‍साका बाट्‌पा माम्‍चु़नीकु सेपा मु़चु़मिमका थो़मतेर्सीडा इम्‍साका बुमु बासी।