१ यूहन्‍ना 2:25 - थुलुङ राई

²⁵ येशू ख्रीष्‍टका गुइलाई हेल्‍लो वो मेसिपा त्‍वारो़म ग्‍वानिनी र्‍वाम्‍डिम बु।

१ यूहन्‍ना 2:25 Referans Kwoze

यूहन्‍ना 10:28

मेर्मिमलाई मेसिपा त्‍वारो़म ग्‍वाक्‍पुमी, मा मेर्मिम हेल्‍लो वो पुयु़ मेलुमी, मा सु़का वो मेर्मिमलाई आमा ल्‍वालामका रोसाका लमु मेचाप्‍सु़।

तीतस 3:7

मेम्‍साका उनीमा दिदामका उनीमा न-गो होप्‍माम दु़म्‍साका हेल्‍लो वो मेसिपा त्‍वारो़म ल्‍वामु न बेपा उनीमा चो़मिम दु़म्‍सिनु़।

यहूदा 1:21

इनी त्‍वापलाईङा माम्‍चु़नी रिखामगोडा जु़ल्‍नी मा मेसिपा त्‍वारो़म ल्‍वामु इकीमा ङाचो़ ख्रीष्‍टकु न-थो़म लन्‍थाट्‌नी।

१ तिमोथी 6:12

त्‍वाकु थो़र बोमु-थार्मु र्‍वाक्‍मा ओन्‍सीडा ओन्‍मु होप्‍मामङा सो़। मेम बोमु गाना चाप्‍तो-मेचाप्‍तो ओन्‍डा। हेल्‍लो वो मेसिपा त्‍वारो़म झेथडा। मेराम त्‍वारो़म गाना हापा मु़चु़मिमकु ङादोडा थो़र लु़ङु र्‍वाक्‍नालो माम्‍चु़नीका ग्‍वाक्‍नामिम बाइडा।

१ यूहन्‍ना 1:2

माम्‍चु़नीका गुमीलाई रेम्‍बेम्‍डी, मा गुकु ल्‍वात्तोको मा गुकु उनीमा दुथाम सो़कु। मेम्‍मा हेल्‍लो वो मेसिपा मेराम त्‍वारो़मकु दुथाम गानीनुङ सो़कु। गुमी पापनुङ बाम्‍डी, मा माम्‍चु़नीका गुकुनुङ रेम्‍बेम्‍डी।

तीतस 1:2

ओराम थो़र नुङ आच्‍छाङाकु सिजेम थेसिथेट्‌पा नेप्‍चीलाम मेर्मिमका त्‍वारो़म ल्‍वामु लागि लथाक्‍पा दु़म्‍मी। मेराम त्‍वारो़म हेल्‍लो वो लिमा मेथेट्‌पा माम्‍चु़नीका सु़म्‍दिमोलोङा याचे जेम्‍डिम बाइडा।

रोमी 5:21

मेराम थारीका छु़लका सिमुलाम रेड्‍डु़ मा मु़चु़मिमडला साखाम थो़डु़म होम्‍साकाङा ओम्‍लो माम्‍चु़नीकु दिदामका साखाम थो़त्तोङा बु़। ओराम दिदामका गुइलाई माम्‍चु़नीकु ङादोडा जो़पा न-गोकाम दु़म्‍बेसाका इकीमा ङाचो़ येशू ख्रीष्‍टलाम हेल्‍लो वो मेसिपा त्‍वारो़म ग्‍वाक्‍साड्‍डामिम बु।

रोमी 2:7

याक्‍के दु़म्‍साका जो़पा खारी बेपाम्‍बाट्‍पा, माम्‍चु़नीकु यु़म-झ्‍वाक्‍सी, जो़पा दु़म्‍सी नुङ हेल्‍लो वो मेसिपा त्‍वारो़म माल्‍मी। मेर्मिमलाई माम्‍चु़नीका हेल्‍लो वो मेसिपा त्‍वारो़म ग्‍वामी।

यूहन्‍ना 12:50

गुमीका बेबेसामिमिम ल्‍वाका मेसिपा त्‍वारो़म ग्‍वाक्‍सा र्‍वाक्‍पा गो चक्‍पु। मेम्‍मिमका गो हाम र्‍वाङु, मेराम पापका र्‍वाबेट्‌ङिडिमिम ल्‍वा सो़।”

यूहन्‍ना 6:68

सिमोन पत्रुसका गुमीलाई र्‍वाक्‍ता, “ए ङाचो़, गुकु सु़काडा लमु मा? गानीनुङ मेसिपा त्‍वारो़मकु सिजेम बु।

१ यूहन्‍ना 5:20

माम्‍चु़नीकु तारापाचो़ योम्‍डिम बुमी, मा आच्‍छाङाकाम माम्‍चु़नीलाई गुइ छेडिनु़ र्‍वाक्‍साका गुमीका गुइलाई न ग्‍वाक्‍साड्‌डामिम बु र्‍वाक्‍पा गुइ चडिम बु। गुइ माम्‍चु़नीडा बुइ हेङालोने उनीमा तारापाचो़ येशू ख्रीष्‍टडा गुइ बुइमिम बु। गुमी कोङङा आच्‍छाङाकाम माम्‍चु़नी मा हेल्‍लो वो मेसिपा त्‍वारो़म गुमीङा।

१ तिमोथी 6:19

आरे बेसाका मेर्मिमका पाह्रीला खाप्‍ची जु़ल्‍जो़ल्‍मिनु़। मेराम ने रोक्‍पा थारीका मेर्मिमकाम लागि जो़पा जग गट्‌मा होप्‍मामङा सो़, मा मेर्मिमका आच्‍छाङाकाम त्‍वारो़म ल्‍वामी।

यूहन्‍ना 6:54

सु़का आमा मिरो़म पु़, मा आमा सिसि डुङु़, मेरामनुङ मेसिपा त्‍वारो़म दु़म, मा हुक्‍पा थारीनेम गो मेरामलाई नु़बेट्‌पु।

यूहन्‍ना 6:47

आच्‍छाङा गो गानीलाई र्‍वाङु, उहेमका गोडला थो़र बु़, गुनुङ मेसिपा त्‍वारो़म दु़म।

यूहन्‍ना 6:27

फिपामा ब्‍लाम-ब्‍लाम दु़म्‍पा पोमुडुमुकाम लागि ब्राम्‍दु़ल्‍वा मेबेनी, लावो हेल्‍लो वो मेफिपा, मा त्‍वारो़म ग्‍वाक्‍पा पोमुडुमुकाम लागि ब्राम्‍दु़ल्‍वा बेनी, उहेम त्‍वारो़म मिनीचो़का गानीलाई ग्‍वानी। हेङालोने माम्‍चु़नी पापका उनी साखामकु छाप गुडला ओप्‍मिडिम बु।”

यूहन्‍ना 5:39

माम्‍चु़नीकु सिजेम गानी डानी, हेङालोने मेरामका मेसिपा त्‍वारो़म ग्‍वाक्‍सा र्‍वाक्‍पा गानी लु़नी। मेरामका आमा दुथामङा सो़यु़।

लूका 18:30

मेरामका ओम्‍लो मे डिड्‌डु़मडाम वो हापा ल्‍वासु़, मा दिफु रोक्‍पा थारीका हेल्‍लो वो मेसिपा त्‍वारो़म ल्‍वासु़।”

१ तिमोथी 1:16

लावो छु़लचो़मिमगोडाम छो़म डोक्‍पु छु़लचो़ दु़म्‍साका वो गोलामका येशू ख्रीष्‍टका खोत्‍ले इम्‍सिक्‍साका रेम्‍बोमु चाम्‍मिनु़, मा गुमीडला थो़र लु़साका हेल्‍लो वो मेसिपा त्‍वारो़म ल्‍वापामिमकाम लागि गो कोले रेम्‍बेपा मु़चु़ दु़म्‍मु चापुनु़ र्‍वाक्‍साका न-थो़म ल्‍वाउतो।

गलाती 6:8

उहेम मु़चु़का छु़ल बेपा उमा त्‍वाकु बादु़खाम होम्‍साका मेजो़पा खारी बु़, गु मेराम बादु़खामका ङा पुयु़ ल। लावो उहेमका माम्‍चु़नी-पेललाममिम जो़पा खारी बु़, गुका माम्‍चु़नी-पेललाम ङा हेल्‍लो वो मेसिपा त्‍वारो़म ल्‍वासु़।

रोमी 6:23

हेङालोने छु़लकु खारी बेपा मु़चु़का ने सिमुलाम रेडु़, लावो माम्‍चु़नीका मेडेङा ग्‍वाक्‍साड्‍डामिम राप्‍लावा ने इकीमा ङाचो़ येशू ख्रीष्‍टडाम हेल्‍लो मेसिपा त्‍वारो़म सो़।

यूहन्‍ना 3:15

मा सु़-सु़का गुमीडला थो़र बोमी, मेर्मिमका मेसिपा त्‍वारो़म ल्‍वामी।

यूहन्‍ना 6:40

हेङालोने आमा पापकु न ओराम बु, उहेम-उहेमका तारापाचो़लाई रेम्‍मी, मा गुडला थो़रलु़मी मेर्मिमका मेसिपा त्‍वारो़म ल्‍वामिनु़। मेम्‍मा हुक्‍पा थारीनेम गो मेर्मिमलाई नु़बेट्‌पुमी।”