१ यूहन्‍ना 2:23 - थुलुङ राई

²³ सु़का येशूलाई माम्‍चु़नीकु तारापाचो़ मेर्‍वा गु माम्‍चु़नीनुङ मेलाम्‍दी। लावो सु़का येशूलाई माम्‍चु़नीकु तारापाचो़ र्‍वा गु माम्‍चु़नीनुङ लाम्‍दी।

१ यूहन्‍ना 2:23 Referans Kwoze

१ यूहन्‍ना 4:15

कोङ मु़चु़का येशू माम्‍चु़नीकु तारापाचो़ र्‍वाक्‍साका थो़र बु़ माला माम्‍चु़नी मेराम मु़चु़नुङ दु़म्‍मी मा मेराम मु़चु़ माम्‍चु़नीडा दु़म।

यूहन्‍ना 8:19

मेम्‍मा मेर्मिमका गुमीलाई हिलाबेम्‍डी, “इमा पाप बान्‍ते बुमी?” येशूका मेर्मिमलाई र्‍वाम्‍डी, “गानी गोलाई छेङिनी ना आमा पापलाई छेनी। गानी गोलाई छेङ्‌निवा माला आमा पापलाई वो छेनिवा।”

यूहन्‍ना 10:30

गो नुङ पाप कोलेङा।”

यूहन्‍ना 5:23

मेम्‍साका पापलाई डोक्‍पु मिम्‍मिमिम होङङा तारापाचो़लाई वो डोक्‍पु मिम्‍मिनु़। तारापाचो़लाई डोक्‍पु मेमिम्‍पाका गुलाई थु़र्पा पापलाई वो डोक्‍पु मेमिम्‍मी।

१ यूहन्‍ना 5:1

उहेम मु़चु़का येशूङा ख्रीष्‍ट र्‍वाक्‍पा थो़र बु़, मेराम मु़चु़ माम्‍चु़नीकु चो़च्‍चो़ सो़। मेम्‍मा उहेम मु़चु़का पापलाई रिखाम बु़ उनीमा चो़मिमलाई वो मेरामका रिखाम बु़।

लूका 10:22

“आमा माम्‍चु़नीका खोत्‍ले गोलाई आमा ल्‍वाडा ग्‍वाङ्‌डिमिम बु। माम्‍चु़नीकु तारापाचो़ सु़ र्‍वाक्‍साका माम्‍चु़नीडाम वाङमिम सु़का वो मेछेङिमी। माम्‍चु़नी सु़ र्‍वाक्‍साका माम्‍चु़नीकु तारापाचो़डाम सु़का मेछेडु़। माम्‍चु़नीकु तारापाचो़का गुमीलाई उहेमकाडा रेम्‍बोमु लागि छेडु़ मेराम मु़चु़डाम वाङमिम सु़का वो गुमीलाई मेछेडु़।”

मत्ती 11:27

“आमा पापका खोत्‍ले ल्‍वा आमा ल्‍वाड्‌डा ग्‍वाङ्‌डिमिम बु। पापका कोङङा तारापाचो़लाई छेमी। तारापाचो़का कोङङा पापलाई छेडु़, मा तारापाचो़का सु़-सु़नुङ पापलाई छेबेपा न बु़, मेर्मिमका वो पापलाई छेमी।

१ यूहन्‍ना 2:22

लिमाचो़ सु़? लिमाचो़ मेरामङा, उहेमका येशूङा ख्रीष्‍ट र्‍वाक्‍साका मेछेपु र्‍वा। आरेप्‍माम मु़चु़ ख्रीष्‍टकु कोर्थो़लाम बक्‍पा सो़, गुका माम्‍चु़नी पाप नुङ उनी तारापाचो़ येशू ख्रीष्‍टलाई मेछेपु र्‍वा।

यूहन्‍ना 16:3

मेर्मिमका आरेप्‍माम खारी बोमी, हेङालोने मेर्मिमका पापलाई वो छेट्‌मिडिम मिबु, मा गोलाई वो छेट्‌ङिडिमिम मिबु।

यूहन्‍ना 17:3

मेसिपा त्‍वारो़म ल्‍वापा लाम्‍दी ओराम सो़: गानी कोलेङा आच्‍छाङाकाम माम्‍चु़नीलाई मेर्मिमका छेमु, मा गानी थु़र्निम येशू ख्रीष्‍टलाई वो छेमु।

१ यूहन्‍ना 4:2

आरेसाका माम्‍चु़नी-पेललाई गानी छेमु चाम्‍नी: मु़चु़ होङङा येशू ख्रीष्‍ट ओराम सु़म्‍दिसेरडा योम्‍डी र्‍वाक्‍साका उहेम मु़चु़का र्‍वा मेराम मु़चु़काडा बाट्‌पा माम्‍चु़नी-पेल सो़।

१ यूहन्‍ना 5:20

माम्‍चु़नीकु तारापाचो़ योम्‍डिम बुमी, मा आच्‍छाङाकाम माम्‍चु़नीलाई गुइ छेडिनु़ र्‍वाक्‍साका गुमीका गुइलाई न ग्‍वाक्‍साड्‌डामिम बु र्‍वाक्‍पा गुइ चडिम बु। गुइ माम्‍चु़नीडा बुइ हेङालोने उनीमा तारापाचो़ येशू ख्रीष्‍टडा गुइ बुइमिम बु। गुमी कोङङा आच्‍छाङाकाम माम्‍चु़नी मा हेल्‍लो वो मेसिपा त्‍वारो़म गुमीङा।