१ यूहन्‍ना 2:20 - थुलुङ राई

²⁰ लावो ख्रीष्‍टका गानीडला माम्‍चु़नी-पेल अम्‍डिम बु मा गानी खोत्‍लेका आच्‍छाङाकाम ल्‍वा चनी।

१ यूहन्‍ना 2:20 Referans Kwoze

यूहन्‍ना 14:26

लावो जेप्‍साक्‍पाका खोत्‍ले सीनी, मा गो र्‍वाङ्‌डोम खोत्‍ले मिम्‍बेनिमी। जेप्‍साक्‍पा ओराम ने माम्‍चु़नी-पेल सो़, उहेमलाई पापका आमा नङडा थु़र्मी।

१ यूहन्‍ना 2:27

ख्रीष्‍टका ग्‍वाक्‍निमिम माम्‍चु़नी-पेल गानीगोडा दु़म्‍मिहोम बुमी, मा गानीलाई सु़का वो सीमु मेबासी। गुमीका ग्‍वाक्‍निमिम माम्‍चु़नी-पेलका आच्‍छाङाकाम खोत्‍ले ल्‍वाडा सीनिमी, लिमा ल्‍वाडा मेएँ। माम्‍चु़नी-पेलका सीनिमिमिम होम्‍साका ख्रीष्‍टडा गानी दु़म्‍निहोम बानी।

थु़र्मा 10:38

माम्‍चु़नीका नासरतडाम येशूलाई उनीमा पेल नुङ यु़मका थुट्‌मिडी। गुमी जो़पा खारी बेत्तो नुङ मुनाङका हुपामिमलामका मुनाङ ख्‍लुक्‍तो लाम्‍दिम्‍डी, हेङालोने माम्‍चु़नी गुमीनुङ बाम्‍डी।

यूहन्‍ना 16:13

गुमी आच्‍छाङाम पेल योमिमा गुमीका गानीलाई आच्‍छाङाकाम खोत्‍ले ल्‍वाथो़ क्रिनिमी। गुमीका उनी त्‍वाकु नका मेजेमी। गुमीका हाम थो़मी मेराम कोङङा जेमी, मा दिफु दु़म्‍पा ल्‍वाकु दुथाम गानीनुङ सो़मी।

हिब्रू 1:9

गानी मु़चु़मिमका जो़पा खारी बोमु द्‌वानी मा मेजो़पा खारी बोमु मेद्‌वानी। मेम्‍मिमका माम्‍चु़नी, इनी माम्‍चु़नीका गानीलाई इनी ङोप्‍सो़मिमडाम हापा डोक्‍पु मिम्‍साका गेर्सिबेट्‌नी।”

१ यूहन्‍ना 4:13

माम्‍चु़नीडा गुइ बुइ मा गुमी गुइगोडा बुमी र्‍वाक्‍पा रेम्‍बोमु माम्‍चु़नीका माम्‍चु़नी-पेल गुइलाई ग्‍वाक्‍साड्‌डामिम बु।

थु़र्मा 3:14

लावो गानी ने माम्‍चु़नीकु नङका साट्‌मा नुङ माम्‍चु़नीकु न-गोनुङमा येशूलाई डिन्‍मु मेबिन्‍सिट्‌निवा, मा मु़चु़ सेट्‌पालाई डिन्‍बेट्‌नी,

लूका 4:18

“‘मिप्रङमाकु पेलका गोलाई लु़ट्‌ङिडिमिम बु, मेम्‍साका उनी हाम वो मेबाट्‌पामिमलाई गो जो़पा-सेला थो़बेट्‌पुमी, मा शैतानका बथाडु़मिम मु़चु़मिम मेलामका वाङ दु़म्‍मी। मेम्‍मा मिक्‍सीका मेल्‍वापामिमकाम उनी मिक्‍सी ह्‌वासी, मा दु़खाडा बाट्‌पामिम मेलामका वाङ दु़म्‍मी,

मर्कूस 1:24

मेरामका येत्तोङा येशूनुङ र्‍वाक्‍ता, “ए नासरतडाम येशू, गुकुनुङ गानी हाम माल्‍निमिम? हाम गानी गुकु पुयु़लुबेड्‍डा रोक्‍निम? गानी माम्‍चु़नीकु सेपाचो़ र्‍वाक्‍साका गो जो़होमका छेनिनी।”

रेम्‍बेट्‌मिडिम ल्‍वा 4:8

मे ब्‍लले सामनुङमामिम खोत्‍लेकाम रुले-रुले लाप्‍तेर बाइडा मा मे लाप्‍तेरकु डलाम गोलाम खोत्‍लेथो़ मिक्‍सी-मिक्‍सी बाइडा। नेम्‍फु सिन्‍था मेङेसिक्‍साका मेर्मिमका आरे र्‍वामिम बुमी: “सेपा, सेपा, सेपा, खोत्‍लेडलाम यु़मनुङमा मिप्रङमा माम्‍चु़नी, गानी ङादो वो बान्‍नी, ओम्‍लो वो बुनी मा रोमु खाम्‍नी।”

रेम्‍बेट्‌मिडिम ल्‍वा 3:7

“फिलाडेल्‍फिया मण्‍डलीडाम पाह्रीचो़लाई ओराम ल्‍वा र्‍याका: सेपा नुङ आच्‍छाङाकाम, उहेमका दाऊदकु चाबी जेन्‍थामी, गुमीका आरे र्‍वामी, गुमीका हाम होल्‍मी मेराम सु़का वो ख्‍लु़न्‍मु मेचाप्‍सु़ मा गुमीका हाम ख्‍लु़न्‍मी मेराम सु़का वो होल्‍मु मेचाप्‍सु़।

हिब्रू 8:11

‘मिप्रङमालाई छेनी’ र्‍वाक्‍साका सु़का वो उमा साउखोरे लोवो उमा वा-ल्‍वाकमिमलाई सीमु मेबासी। हेङालोने याक्‍के-डोक्‍पु मेर्मिम खोत्‍ले मु़चु़मिमका गोलाई छेङिमी।

१ कोरिन्थी 2:15

माम्‍चु़नी-पेलनुङमा मु़चु़का जो़पा नुङ मेजो़पा र्‍वाक्‍साका खोत्‍ले ल्‍वा छाम्डु़, लावो वाङमिम सु़का वो गुलाई ने छाम्मु मेचाप्सु़।

लूका 4:34

“ए नासरतडाम येशू, गुकुलाई गानी हाम बोमु माल्‍निमिम? हाम गानी गुकुलाई पुयु़ लुबेड्‌डा रोक्‍निम? गानी माम्‍चु़नीकु नङका साट्‌मा मु़चु़ बुनी र्‍वाक्‍पा गो छेनिनी।”

मत्ती 13:11

गुमीका मेर्मिमलाई र्‍वाम्‍डी, “माम्‍चु़नीकु किब्‍दी हाम र्‍वाक्‍साका आच्‍छाङा छेपा सामा गानीलाई ने ग्‍वाक्‍मा बु, लावो वाङमिमलाई ने ग्‍वाक्‍मा मिबु।

यहूदा 1:5

गानी ओर्मिम खोत्‍ले ल्‍वा चक्‍निमङा बु लोवो गो गानीलाई मिम्‍बेनिनी। येशूका उनी मु़चु़मिमलाई मिश्र नेब्‍दीलामका फ्‍वाक्‍मिडिमा फिट्‌मिडी, लावो थो़रमेलु़पामिमलाई पुयु़लुबेट्‌मिडी।