१ यूहन्‍ना 2:15 - थुलुङ राई

¹⁵ सु़म्‍दिसेरलाई लोवो सु़म्‍दिसेरडा बाट्‌पामिमलाई लोवो रिखाम मेबेनी। कोङनिमका सु़म्‍दिसेरलाई रिखाम बु़ माला माम्‍चु़नी पापलाई गुका रिखाम मेबु़।

१ यूहन्‍ना 2:15 Referans Kwoze

याकूब 4:4

नाम्‍सु़रु़ बेपानी, सु़म्‍दिसेरनुङ ङोप्‍सो़बुङ दु़म्‍मु माम्‍चु़नीलाई नाप्‍छु़न्‍मु सो़ र्‍वाक्‍पा ल्‍वा गानी मेचनी? उहेमका सु़म्‍दिसेरनुङ ङोप्‍सो़बुङ दु़म्‍मु न बु़, मेराम माम्‍चु़नीकु स्वाक्‍चिमो मु़चु़ दु़म।

रोमी 12:2

सु़म्‍दिसेरडाम मु़चु़मिम होप्‍माम दु़म्‍मु मेमाल्‍नी, लावो इनी त्‍वाकु नगोलाम ख्‍लोसिट्‌निमा जो़पा दु़म्‍तो लक्‍नी। मेप्‍माम दु़म्‍मु चाप्‍नी माला, माम्‍चु़नीकु जो़पा नुङ गेर्सी द्‍वाक्‍पा ल्‍वा, मा माम्‍चु़नीकु न हेप्‍माम बु, मेराम होप्‍माम दु़म्‍मु बासिक्‍पा ल्‍वा हाम बु र्‍वाक्‍साका गानी इनी न-गोडा छाम्‍मु चापा दु़म्‍नी।

मत्ती 6:24

“सु़का वो नले नेमहपचिपकु चापे-डुपे बोमु मेचाप्‍सु़। मेरामका कोलेलाई रिखाम बु़, मा कोङमीलाई मेद्‌वाकु़। मेराम डु़ल्‍चो़ कोले नेमहपकु ल्‍वाडा दु़म, मा कोङमीलाई हाम ना हामकाम मिम्‍डु़। मेम्साका गानी वो माम्‍चु़नी नुङ खउलुङलाई कोयो डोक्‍पु मिम्‍साका निफिलाई सेव सान्मु मेचाम्‍नी।

लूका 16:13

“कोले डु़ल्‍चो़का नले नेमहपकु चापे-डुपे बोमु मेचाप्‍सु़। मे डु़ल्‍चो़का कोले नेमहपलाई रिखाम बु़, मा कोङमीलाई मेद्‌वाकु़। कोलेका र्‍वामिम थो़पा दु़म्‍साका कोङमीलाई हाम ना हामकाम मिम्‍डु़। गानी माम्‍चु़नीकु खारी नुङ खउलुङ डु़पा खारी निफिङा बोमु मेचाम्‍नी।”

यूहन्‍ना 15:19

गानी सु़म्‍दिसेरकु मु़चु़ दु़म्‍निवाम माला मेर्मिमका गानीलाई त्‍वाकु मु़चु़ मिम्‍निवामा रिखाम बेनिवा। लावो गानी ने सु़म्‍दिसेरकु मु़चु़ मेएँ। गानीलाई सु़म्‍दिसेरलामका गो छेट्‌निनी मेम्‍मिमका गानीलाई सु़म्‍दिसेरडाम मु़चु़मिमका मेद्‌वानिमी।

१ यूहन्‍ना 3:17

कोङनिम मु़चु़नुङ सु़म्‍दिसेरडाम खाप्‍चीमिम बु मा थो़र लु़पा वा-ल्‍वाक खेरेला दु़म्‍पा ल्‍वासु़, मा वो मे वा-ल्‍वाकडला उ थो़म मेभ्रो़ माला माम्‍चु़नीकु रिखाम हेसाका गुगोडा दु़म मा?

१ तिमोथी 6:10

हेङालोने खउलुङ द्‌वामसिमुङा खोत्‍ले मेजो़पा ल्‍वामिमकु सक्‍फार सो़। खउलुङकु रारी बेसाका कोङ-कोङ मु़चु़मिम थो़र लु़मु डिसाका मेजो़पा लाम्‍दीथो़ लम्‍डिम बु, मा दु़खा ल्‍वामिमका मेर्मिमकु थो़मबोक छो़म ख्‍वाक्‍थाडु़मिम बु।

गलाती 1:10

हाम गो मु़चु़मिमलाई गेर्सी बेन्‍मु माल्‍तोङा लेट्‌पु र्‍वाक्‍पा गानी मिम्‍निमिम? गो ने मु़चु़मिमलाई मेएँ, माम्‍चु़नीलाई गेर्सी बेन्‍मु माल्‍तोङा लेट्‌पु। मु़चु़मिमलाई गेर्सी बेन्‍मु मालु माला ने गो येशू ख्रीष्‍टकु डु़ल्‍चो़ङा मेएँ।

१ यूहन्‍ना 4:5

ओर्मिम मु़चु़ सु़म्‍दिसेरकाम सो़। मेम्‍मिमका ओर्मिम मु़चु़का सु़म्‍दिसेरडामङा ल्‍वा बोमी। मेम्‍मा सु़म्‍दिसेरडाम मु़चु़का मेर्मिमकु ल्‍वा थो़मी।

एफिसी 2:2

मेराम थारीका गानी सु़म्‍दिसेरडाम छु़लचो़मिम होम्‍साका दोन्‍थाल्‍नी। गानी मुनाङ पेलमिमकु हपका र्‍वाक्‍ताम थो़न्‍थाल्‍नी। मेरामका ओम्‍लो माम्‍चु़नीका र्‍वामिमिम मेथो़पा मु़चु़मिमगोडा साखाम थो़त्तो बु़।

१ यूहन्‍ना 5:10

उहेम मु़चु़का माम्‍चु़नीकु तारापाचो़डला थो़र बु़ मेरामका ओराम आच्‍छाङा र्‍वाक्‍पा च। उहेमका थो़र मेबु़ मेरामका माम्‍चु़नीलाई लिमाचो़ दु़म्‍बेडु़, हेङालोने माम्‍चु़नीका उनीमा तारापाचो़कु दुथाम सो़म्‍डिम ल्‍वा मेराम मु़चु़का थो़र मेबु़।

मत्ती 4:8

आथावो शैतानका येशूलाई कोले येप्‍पा पोप्‍चङडला लडु़, मा सु़म्‍दिसेरडाम खोत्‍ले किब्‍दी नुङ मेर्मिमकु खोत्ले जो़पा जो़प्‍सी रेम्‍बेड्‌डु़,

याकूब 1:27

माम्‍चु़नीकु ङादोडा जो़पा नुङ सेपा उनीमा सो़रलोले बेसी ने ओराम सो़: रेचो़कुपा नुङ अर्दोमेमिमलाई उनी दु़खा थारीका रेमु, मा सु़म्‍दिसेरडाम मेजो़पा ल्‍वामिमडाम त्‍वाप वाङ बुमु।