१ यूहन्‍ना 2:14 - थुलुङ राई

¹⁴ ङावानी, गो गानीलाई ओराम र्‍याक्‍तोङा बेउ, हेङालोने खोत्‍ले प्रङ्‌सिमु ङादो आथामङा बाट्पा येशू ख्रीष्‍टलाई गानी छेनी। स्‍वालानी, गो गानीलाई ओराम र्‍याक्‍तोङा बेउ, हेङालोने गानी इनी न-गोडा सोनुङमा बुनी, मा माम्‍चु़नीकु सिजेम इनीमा नडा बु। मेम्‍मा शैतानडला गानी घ्‍ल्‍वान्‍निम बु।

१ यूहन्‍ना 2:14 Referans Kwoze

१ यूहन्‍ना 2:13

ङावानी, गो गानीलाई ओराम र्‍याक्‍तोङा बेउ, हेङालोने खोत्‍ले प्रङ्‌सिमु ङादो आथामङा बाट्‌पा येशू ख्रीष्‍टलाई गानी छेनी। स्‍वालानी, गो गानीलाई ओराम र्‍याक्‍तोङा बेउ, हेङालोने शैतानडला गानी घ्‍ल्‍वान्‍निम बु। द्‌वादीबुङ चो़च्‍चो़नी, गो गानीलाई ओराम र्‍याक्‍तोङा बेउ, हेङालोने इकीमा माम्‍चु़नी पापलाई गानी छेट्‌निम बु।

कलस्‍सी 3:16

ख्रीष्‍टकु सिजेम हाङकोलो लोवो इनीमा न-गोडा जु़ल्साका नु़निम बानी। सीबोनिलो नुङ मुलु़ ग्‍वाबोनिलो नेप्‍चीनुङमाका बेनी। माम्‍चु़नीकु सिजेमगोडाम काम्‍सो, उनीमा नङ कोमु काम्‍सो नुङ उनीमा दुथाममिम वाङमिम काम्‍सोमिम बेत्तो माम्‍चु़नीलाई न-गोलामका आलासो़ ग्‍वाक्‍नी।

यूहन्‍ना 15:7

गानी गोगोडा दु़म्‍निमा आमा सिजेम गानीगोडा बु माला हाम न बोनी, मेराम बिनी, मा गानी ल्‍वानी।

एफिसी 6:10

हुम-दडा, गानी ङाचो़कु डोक्‍पु यु़मका यु़मनुङमा दु़म्‍नी।

यूहन्‍ना 8:31

येशूका गुमीडा थो़र लु़पा यहूदीमिमलाई र्‍वाम्‍डी, “आमा सिजेम होम्‍साका गानी दोन्‍नी माला गानी आमा आच्‍छाङा सीसिपामिम सो़।

यूहन्‍ना 5:38

मेम्‍मा उनी सिजेम इनीमा न-गोडा मिबु, हेङालोने गुमीका इनीमाडा थु़र्ङिडिमिम गोडला गानी थो़र मेलु़नी।

रेम्‍बेट्‌मिडिम ल्‍वा 2:7

उहेमकाम नोफ्‍ला बु, माम्‍चु़नी-पेलका मण्‍डलीलाई हाम र्‍वामी, मेरामका थो़सु़नु़। उहेम मु़चु़ मेजो़पा डला घ्‍ल्‍वा, मेरामलाई पाह्रीलाम माम्‍चु़नी बाखोपला बर्पा नु़बेट्‌पा धक्‍साकु मा पोमु साखाम ग्‍वाक्‍पु।

३ यूहन्‍ना 1:3

कोले-नले थो़र लु़पा वा-ल्‍वाकमिम रोम्‍डिमा आच्‍छाङाकाम ल्‍वाडा थो़रलु़इमिम इमा बासीकु दुथाम नुङ आच्‍छाङाकाम ल्‍वाडा हेसाका बुनाम बुनामिम मेराम सो़म्‍डी। मेम्‍मा ओराम ल्‍वाका गोलाई छो़म गेर्सी बेट्‌ङिडिम बु।

२ यूहन्‍ना 1:2

आच्‍छाङाकाम ल्‍वा गुइनुङ दु़म मा हेल्‍लो लोवो गुइनुङ दु़महोम बु मेम्‍मिमका गानीलाई गुकु रिखाम बोकु।

हिब्रू 8:10

मिप्रङमाका आथावो र्‍वामी, रोक्‍पा थारीका इस्राएलडाम मु़चु़मिमनुङ गो ओराम सो़रख्रेपु, मेर्मिमकु नगोडा आमा डु़म्‍ला जु़लु मा उनीमा नगोनो र्‍याक्‍साक्‍पुमी, गो मेर्मिमकु माम्‍चु़नी दु़म्‍ङु मा मेर्मिम आमा मु़चु़ दु़म्‍मी।

कलस्‍सी 1:11

माम्चु़नीका गानी आनो मेनो मेदु़म्साका इम्सिक्‍साका बाट्‌पा दु़म्मु लागि उनीमा डोक्‍पु यु़मका गानीलाई सोनुङमा दु़म्‍बेनिमिनु़।

२ तिमोथी 2:1

आमा तारापाचो़ होप्‍माम तिमोथी, ख्रीष्‍ट येशूका ग्‍वाक्‍साड्‌डामिम दिदामका गाना यु़मनुङमा दु़प्‍सा।

फिलिप्‍पी 4:13

गो ख्रीष्‍टका ग्‍वाङडिमिम यु़मका ओराम खोत्ले ल्वा बोमु चापु।

रेम्‍बेट्‌मिडिम ल्‍वा 2:3

गानी गोडला थो़र बेन्‍निमका हाम वो मेर्‍वाक्‍साकाङा दु़खामिम इम्‍तोङा लेनी। मेम्‍मा थो़र बोमु डिट्‌निम मिबु।

१ यूहन्‍ना 1:10

गुइ छु़ल बिडिम मिबु र्‍वाकी माला माम्‍चु़नीलाई लिमाचो़ र्‍वाकिमिम दु़म, मा इकीमा न-गोडा उनीमा सिजेम मेदु़म।

यूहन्‍ना 8:37

गानी अब्राहामकु चो़-चु़सु़ र्‍वाक्‍साका गो चक्‍पु। लावो गानी गोलाई सेन्‍मु माल्‍तोङा लेन्‍ङिनी, हेङालोने इनीमा न-गोडा आमा सिजेमकु बाखोप मिबु।

१ यूहन्‍ना 1:1

सु़म्‍दिमोलो आथामङा बाट्‌पा कोले, गुमीलाई गुकु ल्‍वात्तोकोम थो़त्तोकोम बु। गुकु आकी मिक्‍सीकाङा गुमीलाई ल्‍वात्तोकोम बु, मा आकी ल्‍वाकाङा गुमीलाई लु़प्‍तोकोम बु। गुमी येशू ख्रीष्‍ट, त्‍वारो़म ग्‍वाक्‍पा सिजेम।