१ यूहन्‍ना 2:1 - थुलुङ राई

¹ आमा याक्‍के चो़च्‍चो़नी, गानी छु़ल मेबेनी र्‍वाक्‍साका गो ओराम सेलाखाजेम र्‍याक्‍तोङा बेउ। लावो कोङनिमका छु़ल बु़ माला इकीमालाम पापनुङ जेप्‍साक्‍पा कोले येशू ख्रीष्‍ट बुमी। गुमीका माम्‍चु़नीलाई गेर्सिबेन्‍मी।

१ यूहन्‍ना 2:1 Referans Kwoze

१ तिमोथी 2:5

माम्‍चु़नी कोले कोङङा सो़, मा माम्‍चु़नीनुङ मु़चु़कु न-थो़म घ्रो़म्‍बेन्‍मु ने ख्रीष्‍टलामका कोङङा दु़म। आरे बोमु लागि येशू ख्रीष्‍ट ने मु़चु़ दु़म्‍साका योम्‍डी।

रोमी 8:34

मेम्‍मिमका मेर्मिमलाई देन्‍दे ग्‍वामु चापा सु़ वो मेदु़म्‍मी हेङालोने ख्रीष्‍ट ङा मेर्मिमकु खोमडा देन्‍दे ल्‍वासाका सिम्‍डिम बु। गुमी सिम्‍डिम कोङङा मेएँ, मेरामडाम डोक्‍पु खारी ने गुमी सिमुलाम बम्‍गेम्‍डी। ओम्‍लो गुमी माम्‍चु़नीकु जो़पलाम बुमी मा इकीमा लागि माम्‍चु़नीनुङ सो़म्‍दी बेप्‍साक्‍पा मु़चु़ दु़म्‍मिडिम बु।

यूहन्‍ना 14:6

येशूका र्‍वाम्‍डी, “लाम्‍दी, आच्‍छाङा नुङ त्‍वारो़म गोङा सो़। गोडाम वाङमिम सु़लामका वो पापकाडा रोमु मेचाम्‍मी।

२ कोरिन्‍थी 5:21

माम्‍चु़नीका ख्रीष्‍टडा गुइलाई उनी त्‍वाकु ङादोडा जो़पा न-गोकाम दु़म्‍बेन्‍मु लागि हेल्‍लो वो छु़ल मेबेपा ख्रीष्‍टलाई इकीमा छु़ल कुर्बेट्‌मिडी।

१ यूहन्‍ना 4:4

आमा चो़च्‍चो़नी, गानी ने माम्‍चु़नीकाम सो़। माम्‍चु़नीलाम-जेपा लिसिक्‍पा ओर्मिम मु़चु़डला गानी घ्‍ल्‍वान्‍निम बु, हेङालोने सु़म्‍दिसेरडा बाट्‌पा पेलडाम ने गानीगोडा बुमिमिम पेल छो़म डोक्‍पु बुमी।

१ यूहन्‍ना 3:18

द्‌वादीबुङ चो़च्‍चो़नी, जेसी पेसीलाम कोङङा रिखाम बे बि। इकीमा बेसी-पेसीका आच्‍छाङा रिखाम बेबिमिम रेम्‍बी।

१ यूहन्‍ना 3:7

द्‌वादीबुङ चो़च्‍चो़नी, सु़का वो गानीलाई ताङताहेरथो़ मेलनिमिनु़। उहेम मु़चु़का जो़पा जेसी-दोसी बु़ मेरामका माम्‍चु़नीकु न होप्‍माम जो़पा बेपा ख्रीष्‍ट होङङा जो़पा खारी बु़।

यूहन्‍ना 8:11

मेराम मेसेमका र्‍वाक्‍ता, “सु़का वो मेग्‍वाङ्‌मिवा ङाचो़।” येशूका र्‍वाम्‍डी, “गो वो गानालाई देन्‍दे मेग्‍वानी। लक्‍सा, आथाडा आनो छु़ल मेबे।”

हिब्रू 9:24

येशू ख्रीष्‍ट मु़चु़का बनेबेम्‍मा सेपा खोमगोनो मेहुमिवा, उहेम आच्‍छाङाकाम सेपा खोम होप्‍माम कोङङा सो़। लावो गुमी ने पाह्रीलाम आच्‍छाङाकाम सेपा खोमडा लम्‍डी। गुमी ओम्‍लो इकीमा लागि माम्‍चु़नीकु ङादोडा बुमी।

१ यूहन्‍ना 3:5

लावो इकीमा छु़लमिम हेम्‍सामु येशू ख्रीष्‍ट रेम्‍बेम्‍सिम्‍डी। गुमीडा हाम वो छु़ल मिबु।

एफिसी 2:18

येशू ख्रीष्‍ट क्रूसडा सिम्‍डिमका यहूदी नुङ मेयेहूदी गुइ खोत्‍ले कोलेङा माम्‍चु़नी पेललामका माम्‍चु़नीकु ङादोडा रोमु चाप्‍स्‍तिम बु।

यूहन्‍ना 6:27

फिपामा ब्‍लाम-ब्‍लाम दु़म्‍पा पोमुडुमुकाम लागि ब्राम्‍दु़ल्‍वा मेबेनी, लावो हेल्‍लो वो मेफिपा, मा त्‍वारो़म ग्‍वाक्‍पा पोमुडुमुकाम लागि ब्राम्‍दु़ल्‍वा बेनी, उहेम त्‍वारो़म मिनीचो़का गानीलाई ग्‍वानी। हेङालोने माम्‍चु़नी पापका उनी साखामकु छाप गुडला ओप्‍मिडिम बु।”

१ पत्रुस 3:18

इकीमा छु़लमिमकाम लागि ख्रीष्‍ट सिम्‍डी। कोखेप गुमी सिम्‍डिम बाइडा, आथा ने सिमु मेबासी। गुमीका हेल्‍लो वो छु़ल मेबेमिवा लावो गानीलाई माम्‍चु़नीकाडा रेन्‍मु छु़लचो़मिमकाम लागि गुमी सिम्‍डी। मिरो़मडा सिसाका गुमीका दु़खा ल्‍वाम्‍डी, लावो पेलडा गुमी नु़साका बम्‍गेम्‍डी।

एफिसी 4:26

इनी छोक्‍चो ब लोवो छु़ल मेबेनी। नेम्‍सुङ गाम्‍मु ङादोङा इनी छोक्‍चो सिनु़,

गलाती 4:19

आमा द्‌वादीबुङ चो़च्‍चो़ नी, गानी येशू ख्रीष्‍ट होम्‍मामङा मेदु़म्‍निमिमसम्‍म चो़च्‍चो़ गमु थारीका मेसेमलाई हिम्‍बा खेडु़मिम होप्‍माम दु़खा आथावो गो इम्‍पुमिम बु।

यूहन्‍ना 10:15

आमा पापका गोलाई छेङिमी, मा पापलाई गो छेपुमिम होङ्‍ङा भेन्‍दामिमकाम लागि आ त्‍वापलाई सासेट्‌पु।

यूहन्‍ना 5:36

“लावो यूहन्‍नाका सो़यु़डु़मडाम वो डोक्‍पु ल्‍वामिम गोनुङ बु। खारी बोम्‍सोमु आमा पापका गोलाई ग्‍वाङ्‌डिमिम बु। मेराम गो बेत्तोङा लेट्‌पु। पापका गोलाई थु़र्ङिडिमिम र्‍वाक्‍पा मेरामकाङा सो़यु़।

लूका 10:22

“आमा माम्‍चु़नीका खोत्‍ले गोलाई आमा ल्‍वाडा ग्‍वाङ्‌डिमिम बु। माम्‍चु़नीकु तारापाचो़ सु़ र्‍वाक्‍साका माम्‍चु़नीडाम वाङमिम सु़का वो मेछेङिमी। माम्‍चु़नी सु़ र्‍वाक्‍साका माम्‍चु़नीकु तारापाचो़डाम सु़का मेछेडु़। माम्‍चु़नीकु तारापाचो़का गुमीलाई उहेमकाडा रेम्‍बोमु लागि छेडु़ मेराम मु़चु़डाम वाङमिम सु़का वो गुमीलाई मेछेडु़।”

१ पत्रुस 2:22

“गुमीका हेल्‍लो वो छु़ल मेबेमिवा, मा सु़लाई वो लु-फेले मेबेमिवा।”

१ कोरिन्थी 15:34

न छ्‌याक्‍नी मा छु़ल बोमु डिट्‌नी। गो इनी क्रो़मलु़बेन्‍मु लागि र्‍वाङु, गानीगोडा याङका माम्‍चु़नी छेट्‌मिडिमङा मिबु।

यूहन्‍ना 5:14

चङडा येशूका मेरामलाई सो़रनेमगोडा डार्मिडिमा र्‍वाम्‍डी, “रेप्‍डा, गाना सन्‍नाम बु। आथाडा आनो गाना छु़ल मेबे, मा गानाडला मेजो़पा मेरोनु़।”

याकूब 1:27

माम्‍चु़नीकु ङादोडा जो़पा नुङ सेपा उनीमा सो़रलोले बेसी ने ओराम सो़: रेचो़कुपा नुङ अर्दोमेमिमलाई उनी दु़खा थारीका रेमु, मा सु़म्‍दिसेरडाम मेजो़पा ल्‍वामिमडाम त्‍वाप वाङ बुमु।

१ यूहन्‍ना 5:21

द्‌वादीबुङ चो़च्‍चो़नी, त्वा-त्वापलाई ङाटामिमलामका वाङ बेनी।

याकूब 3:9

ओराम लेमकाङा ङाचो़ नुङ माम्‍चु़नीकु नङ कोक्‍सी, मा ओराम लेमकाङा माम्‍चु़नीका उनी त्‍वाप होप्‍मामङा प्रङ्‌मिडिम मु़चु़मिमलाई वाइतो बेडिमी।

रोमी 6:15

हाम गुइ डु़म्‍लाकु साखाम गोडा मेबुइ, लावो दिदामकु साखामगोडा बुइ र्‍वाक्‍साका गुइ छु़ल बोमु? आरेप्‍माम ने हेल्‍लो वो मेएँ।

यूहन्‍ना 13:33

“ए चो़च्‍चो़नी, गो गानीनुङ घरिकोङ कोङङा दु़म्‍ङु। गानी गोलाई माल्‍ङिनी, मा यहूदीमिमलाई र्‍वाङ्‌डोम होङ्‍ङा गानीलाई वो र्‍वाङु, गो बान्‍ते लक्‍तोङा लेट्‌पु, मेसिन्‍डा गानी रोमु मेचाम्‍नी।

१ तिमोथी 3:14

गो इमाडा दालाङा रोङु र्‍वाक्‍पा आमा न बु, लावो गो गानालाई सेलाखाजेम र्‍याक्‍तोङा लेट्‌पु,

यूहन्‍ना 21:5

येशूका मेर्मिमलाई र्‍वाम्‍डी, “ङोप्‍सो़नी, गानीनुङ कोले वो ङो मिबु?” मेर्मिमका र्‍वाम्‍डी, “मिबु।”

यूहन्‍ना 14:16

मेम्‍मा गो पापनुङ र्‍वाङुमा गानीलाई इनीमा लागि कोङ जेप्‍साक्‍पा थु़र्मी। मेम्‍मा गुमी गानीनुङ हेल्‍लो लोवो दु़म्‍मी।

थु़र्मा 7:52

इनीमा ङाउ-खुउमिमका दु़खा मेग्‍वाक्‍मिवाम माम्‍चु़नीलाम-जेपा सु़ बुमी मा? माम्‍चु़नीकु नङका साट्‌मा मेराम उनी डु़ल्‍चो़ रोक्‍तोङा बोमी र्‍वाक्‍साका सेला थो़बेट्‌पा माम्‍चु़नीलाम-जेपामिमलाई वो मेर्मिमका सेट्‌मिडी। गानी ने माम्‍चु़नीकु डु़ल्‍चो़कु कोर्थो़लाम बक्‍निमा सेट्‌नी।

रोमी 5:10

गुइ माम्‍चु़नीकु स्‍वाक्‍चिमो मु़चु़ बाइडिलो ने उनीमा तारापाचो़ ख्रीष्‍ट सासेट्‌मिडिमा गुमीनुङ न-थो़म घ्रो़म्‍बेट्‌मिडिम बाइडा माला, आथा ने गुइ गुमीनुङ न-थो़म घ्रो़म्‍बेडिमका गुमीका ख्रीष्‍टकु त्‍वारो़मलाम आथावो गुइलाई सेल्‍सामी।

१ यूहन्‍ना 5:17

खोत्‍ले मेजो़पा बेसी ने छु़ल सो़, लावो आरेप्‍माम छु़ल वो बु मेराम छु़लका त्‍वारो़म मेसेडु़।

३ यूहन्‍ना 1:4

आमा चो़च्‍चो़मिम आच्‍छाङाकाम ल्‍वाडा बुमिम बुमी र्‍वाक्‍पा ल्‍वा थो़मुडाम डोक्‍पु गेर्सीसी आमा लागि हाम दु़म मा?