१ यूहन्‍ना 1:8 - थुलुङ राई

⁸ गुइ छु़ल मान्‍थिम बुइ र्‍वाकी माला ने गुइ इकी त्‍वाकाङा त्‍वापलाई ताङताहेरथो़ ल, मा आच्‍छाङाकाम ल्‍वा गुइनुङ मेदु़म।

१ यूहन्‍ना 1:8 Referans Kwoze

रोमी 3:23

खोत्‍ले मु़चु़मिमका छु़ल बेम्‍डिमका माम्‍चु़नीकु यु़म-झ्‍वाक्‍सीलामका होनोवा दु़म्‍मिडिम बु।

याकूब 3:2

गुइ खोत्‍लेका हापा ल्‍वामिम ख्‍लो़डी। उहेमका गु जेमिम ल्‍वाडा मेख्‍लो़डु़ मेराम मु़चु़ जो़पा दु़म। मेप्‍माम मु़चु़का वाङमिम ल्‍वामिमडा वो मेख्‍लो़साका उ त्‍वापलाई जो़होमका जु़ल्‍मु चाप्‍सु़।

१ यूहन्‍ना 2:4

उहेम मु़चु़का “गो गुमीलाई छेपु” र्‍वा लावो गुमीका हाम बेबेट्‌मिडिम मेराम मेबु़ माला गु ने लिमाचो़ सो़। गुनुङ आच्‍छाङाकाम ल्‍वा मेदु़म।

१ यूहन्‍ना 1:10

गुइ छु़ल बिडिम मिबु र्‍वाकी माला माम्‍चु़नीलाई लिमाचो़ र्‍वाकिमिम दु़म, मा इकीमा न-गोडा उनीमा सिजेम मेदु़म।

गलाती 6:3

कोङनिम मु़चु़का उ त्‍वाप डोक्‍पु मेएँ लोवो उ त्‍वापलाई डोक्‍पु मिम्‍डु़ माला गुका उ त्‍वाका त्‍वापलाई ङा लु-फेले बु़मिम दु़म।

याकूब 1:26

कोङ मु़चु़का उ त्‍वाप माम्‍चु़नीकु सो़रलोले जो़होमका बेपा मिम्‍सी, लावो उमा लेम जो़होमका मेजु़लु़ माला उमा त्‍वाकु नड्‌डा मेजो़पा मिम्‍सी मा ख्‍लो़डु़। मेरामका माम्‍चु़नीकु सो़रलोले जो़होमका बु़मिम ने हाम ना हामकाम दु़म।

१ तिमोथी 6:5

आरेप्‍माम मु़चु़मिमका हेल्‍लो लोवो रिबुसी कमिम बुमी। मेर्मिमकु न मेजो़पा बु मा आच्‍छाङाकाम ल्‍वा दाम्‍सोमु दु़म्‍मिडिम बु। मेर्मिमका माम्‍चु़नीकु सो़रलोले बोमु ने खउलुङ डु़पा लाम्‍दी र्‍वाक्‍पा मिम्‍मी।

१ कोरिन्थी 3:18

सु़का वो उ त्‍वापलाई ताङताहेरथो़ मेलनु़। गानीगोडाम कोङनिमका उ त्‍वापलाई ओराम सु़म्‍दिसेरडाम नेप्‍चीनुङमा मिम्‍सी माला गु नेप्‍ची मान्‍थिम दु़म्‍नु़, मेम्‍साका कोङङा आच्‍छाङाकाम नेप्‍चीनुङमा दु़म।

२ यूहन्‍ना 1:2

आच्‍छाङाकाम ल्‍वा गुइनुङ दु़म मा हेल्‍लो लोवो गुइनुङ दु़महोम बु मेम्‍मिमका गानीलाई गुकु रिखाम बोकु।

१ यूहन्‍ना 1:6

इकीमा हेमकेम माम्‍चु़नीनुङ बु र्‍वाकी मा तुकुम्‍चिमडाङा लाम्दिइ माला गुइ लिमा थेडी, मा आच्‍छाङाकाम ल्‍वा होम्‍साका मेबुइ-मेदोसी।

याकूब 1:22

ओरामका र्‍वामिम होम्‍साका बेनी। सिजेम थो़पा कोङङा दु़म्‍साका नड्‍डा मेजो़पा मिम्‍निमा मेख्‍लो़ट्‌नी।

२ तिमोथी 3:13

लावो मेजो़पा मु़चु़मिम नुङ लुचो़ बेपामिम लु-फेले बेसाका नुङ लु-फेले बेला सो़सिक्‍साका छो़म मेजो़पा दु़म्‍तो लमी।

३ यूहन्‍ना 1:3

कोले-नले थो़र लु़पा वा-ल्‍वाकमिम रोम्‍डिमा आच्‍छाङाकाम ल्‍वाडा थो़रलु़इमिम इमा बासीकु दुथाम नुङ आच्‍छाङाकाम ल्‍वाडा हेसाका बुनाम बुनामिम मेराम सो़म्‍डी। मेम्‍मा ओराम ल्‍वाका गोलाई छो़म गेर्सी बेट्‌ङिडिम बु।

२ पत्रुस 2:13

मेर्मिमका मेजो़पा बेम्‍डिमका मेजो़पा बेला सो़म्‍सिमी। मेर्मिमका नेम्‍फुङा मेजो़पा खारी बेसाका गेर्सिमु द्‌वामी। मेर्मिम ने घ्राम्‍लु़पा नुङ मेजो़पामिम सो़, गानीनुङ ग्रुला पेप्‍डा गन्‍मिलो छो़म पोमी-डुमिमा गेर्सिप्‍मी।

यूहन्‍ना 8:44

इनीमा पाप शैतान। गानी उमा चो़मिम। इनीमा पापकु न होङङा बोमु गानी न बोनी। मेराम ने सु़म्‍दिमोलो आथामङा मु़चु़ सेट्‌पा बाइडा। मेरामका आच्‍छाङाकाम ल्‍वा हेल्‍लो लोवो मेद्‌वाकु़वा, हेङालोने गुनुङ आच्‍छाङाकाम ल्‍वा वो मिबु। मेरामका लिमा थेडु़लो उ बेसी-दोसी होम्‍साकाङा जे, हेङालोने मेराम लिमाचो़, मा मु़चु़मिमलाई लिमा थेन्‍बेट्‌पा।

रोमी 3:10

ओराम ल्‍वा माम्‍चु़नीकु सिजेमडा वो र्‍याक्‍मा बु, “माम्‍चु़नीकु ङादोडा सु़ वो जो़पा मेबुमी, कोले वो मेबुमी।

१ यूहन्‍ना 4:20

कोङनिम मु़चु़का “माम्‍चु़नीलाई गो रिखाम बेउ” र्‍वा लावो थो़र लु़पा वा-ल्‍वाकलाई मेद्‌वाकु़मी माला मेराम मु़चु़ लिमाचो़। हेङालोने मिक्‍सीका ल्‍वासिमिम मु़चु़मिमलाई रिखाम मेबी माला मिक्‍सीका मेल्‍वासिमिम माम्‍चु़नीलाई हेसाका रिखाम बि मा?