१ कोरिन्थी 9:6 - थुलुङ राई

⁶ डे हाम गो नुङ बारनाबासका कोङङा आची ख्‍वाचेप डु़ल्‍मु लागि खारी बोमु बासी मा?

१ कोरिन्थी 9:6 Referans Kwoze

१ थेसलोनिकी 2:9

वा-ल्‍वाकनी, गुकु मेचाप्‍तो खारी नुङ ब्राम्‍दु़ल्‍वा बेत्तोकोम ने गानी चनिमिमङा बु। माम्‍चु़नीकु जो़पा-सेला गानीलाई थो़बेत्तोकोलो पोमु-डुमुडा भुक्‍ता मेग्‍वामुमि र्‍वाक्‍साका नेम्‍फु सिन्‍था खारी बेत्तोको।

थु़र्मा 18:3

हेङालोने पावल वो मेर्चिप होप्‍माम ङा पाल बनेबेपा मु़चु़ बाइडा, गु मेर्चिपनुङ बासाका कोयोङा खारी बु़डु़।

थु़र्मा 4:36

साइप्रस नेब्‍दीडाम लेवी दोचो़डाम कोङ योसेफ नङकाम मु़चु़ बाइडा। मेरामलाई थु़र्मामिमका बारनाबास र्‍वाक्‍साका डान्‍थाल्‍मिडी (बारनाबास र्‍वाक्‍मा सो हन्‍बेट्‌पा तारापाचो़ सो़)।

थु़र्मा 14:12

मेर्मिमका बारनाबासलाई जिउस नो़प र्‍वाम्‍डी, मा पावललाई ने हर्मेस नो़प र्‍वाम्‍डी। हेङालोने पावल ङा जेपामिमडाम डोक्‍पु मु़चु़ बाइडा।

थु़र्मा 11:22

ओराम ल्‍वा यरूशलेमडाम मण्‍डलीका थो़म्‍डी, मा मेर्मिमका बारनाबासलाई एन्‍टिओखिया शहरडा थु़र्मिडी।

थु़र्मा 13:50

लावो यहूदीमिमका माम्‍चु़नीकु सो़रलोले बेपा डोक्‍पु नङ धोपा मेसेममिम नुङ शहरडाम डोक्‍पु ङाउमिमलाई कोम्‍डिमा पावल नुङ बारनाबासकु कोर्थो़लाम फम्‍डी। मेम्‍मा पावल नुङ बारनाबासलाई मेर्मिमका मेराम शहरलामका कोल्‍सोम्‍डिची।

१ कोरिन्थी 11:16

कोङनिमका ओराम ल्‍वाकु दुथाम रिबुसी किन्‍मु न बोमी माला गुइनुङ ओरामडाम वाङमिम बेसीलाम मिबु, मा माम्‍चु़नीकु मण्‍डलीमिमडा वो मिबु।

२ कोरिन्‍थी 11:8

गो इनीमा चापे-डुपे बोमु लागि वाङमी मण्‍डलीलामका खउलुङ रउतो। मेराम ने गानीलाई ख्‍लो़मु वाङमिम मण्‍डलीकु खउलुङ गो रोत्तोमिम होप्माम दु़स्‍ता।