१ कोरिन्थी 9:5 - थुलुङ राई

⁵ हाम वाङमिम थु़र्मामिम नुङ ङाचो़ येशूकु ल्‍वाकमिम नुङ केफासका होङङा येशूडा थो़रलु़पा त्‍वाकु नाइमे त्‍वापनुङ लाम्‍दिबेन्‍मु गुकु मेल्‍वाकु मा?

१ कोरिन्थी 9:5 Referans Kwoze

यूहन्‍ना 1:42

मेकोतिमा अन्‍द्रियासका सिमोनलाई येशू क्रो़म्‍बेड्‌डा रेड्‌डु़। येशूका सिमोनलाई किकिर्या रेप्‍मिडिमा र्‍वाम्‍डी, “यूहन्‍नाकु तारापाचो़, इमा नङ सिमोन, लावो इमा नङ केफास (केफास र्‍वाक्‍मा पत्रुस) दु़म।”

मत्ती 8:14

मेकोतिमा येशू पत्रुसकु नेमडा रोम्‍डी, मा पत्रुसकु नाइमेकु माम डार्चु़मोका नो़पामा झार्ल्‍याक्‍पा ल्‍वाम्‍डी।

हिब्रू 13:4

खोत्‍लेका लालीकुन्‍दा डोक्‍पु मिम्‍मु बासी मा वोचु़ नुङ मोचु़ उची त्‍वाप-त्‍वापडा थो़रलु़इमिम दु़म्‍मु बासी। नाम्‍सु़रु़ बेपा नुङ वाङमिम मेसेमनुङ अम्‍मु न बेपा मु़चु़काम माम्‍चु़नीका निया बोमी।

गलाती 1:19

मेसिन्‍डा गो ङाचो़कु ल्‍वाक याकूबडाम वाङमिम थु़र्मामिम सु़लाई वो मेडारुमिवा।

१ कोरिन्थी 7:39

वोचु़कु साम बुमिमसम्‍म मोचु़का वाङमिमनुङ लालीकुन्‍दा बोमु मेल्‍वासु़। लावो उ वोचु़ सिमिम चङडा उ न होप्‍माम मु़चु़नुङ लालीकुन्‍दा बोमु चाप्‍सु़। लावो मेराम मु़चु़ ने ङाचो़ येशूडा थो़रलु़पा दु़म्‍मु बासी।

१ कोरिन्थी 7:7

खोत्‍ले मु़चु़मिम गो होङङा त्‍वापङा बुमिनु़ र्‍वाक्‍पा न बेउ। लावो खोत्‍ले मु़चु़का माम्‍चु़नीलाम त्‍वा-त्‍वाहोम राप्‍लावा ल्‍वाम्‍डिम बु, कोलेका को खालकाम कोङमीका वाङखालकाम।

थु़र्मा 1:14

येशूकु माम मरियम, येशूकु ल्‍वाकमिम नुङ वाङमी मेसेममिम खोत्‍ले कोले नकाम दु़म्‍साका हेल्‍लो लोवो सो़म्‍दी बेम्‍थाल्‍मिडी।

तीतस 1:6

एल्‍डर मुमा बेन्‍ला मेसो़सिक्‍पा, कोलेङा नाइमे बाट्‌पा दु़म्‍मु बासी। मेरामकु चो़मिम थो़रलु़पा, उनी हाम बेबेद्‌वा मेराम मेबेपा, मा र्‍वाकिमिम थो़पा दु़म्‍मु बासी।

१ तिमोथी 5:2

ङामी मेसेममिमलाई त्‍वाकु माम होङ्‍ङा नुङ स्‍वालामेमिमलाई जो़पा नका त्‍वाकु मेसेम ल्‍वाक होङ्‍ङा बेमी।

१ तिमोथी 3:2

मेम्‍मिमका बिशप दु़म्‍मु माल्‍पा ने सु़का वो मुमा बेन्‍मु मेचापा, कोलेङा नाइमे बाट्‌पा, इम्‍सिक्‍पा, मा त्‍वापलाई जो़होमका जु़ल्‍पा, खोत्‍लेका जो़पा मिम्‍मिमिम, बोच्‍चो़कु चापे-डुपे बेपा मा जो़होमका सीमु चापा दु़म्‍मिनु़।

१ कोरिन्थी 7:15

लावो थो़रमेलु़पाका फ्वासिमु न बु़ माला फ्‍वासी लोवो फ्‍वासिनु़। मेराम थारीका थो़रलु़पा मे रिचो़ लोवो वोस्‍चो़ लोवो बादे-बादे मेदु़म। हेङालोने माम्‍चु़नीका गुइलाई न-गो भ्रसिक्‍तो बुमु येसाड्‌डामिम सो़।

१ कोरिन्थी 1:12

गो र्‍वामु मालुमिम ल्‍वा ओरामङा: गानीगोडाम कोङनिमका, “गो पावलकाम”, याङका “गो ओपोल्‍लोसकाम”, याङका “गो केफासकाम”, मा याङका “गो ख्रीष्‍टकाम” र्‍वानी ए।

रोमी 16:1

गो आकीमा रिचो़ ल्‍वाक फिबीनुङ छेबेनिनी, उहेमका किंक्रिया मण्‍डलीडा ख्‍लो़यु़मी।

यूहन्‍ना 2:12

मेकोतिमा गुमी उनी माम, ल्‍वाकमिम मा उनी सीसिपामिमनुङ कफर्नहुम शहरयु़ लम्‍डी। मेम्‍मा कोलेम नलेम मेसिन्‍डा बाम्‍डी।

लूका 6:15

मत्ती, थोमा, अल्‍फयसकु तारापाचो़ याकूब नुङ सिमोन, मेरामलाई रोमीमिमकु कोर्थो़लाम बक्‍पा दलगोडाम र्‍वाम्‍थाल्‍मिडी।

मर्कूस 6:3

ओराम ने मे मरियमकु चो़ याकूब, योसेफ, यहूदा, नुङ सिमोनमिमकु वा, मे सङ बनेबेपाङा मेएँ मा? ओरामकु रिचो़मिम गुइनुङ ङा बुमिम मेएँ?” र्‍वाम्‍डिमा गुमीलाई नाप्‍छु़ट्‌मिडी।

मर्कूस 1:30

मेम्‍लो सिमोनकु नाइमेकु माम डार्चु़मोका नो़पामा अम्‍ल्‍याट्‌पा बाइडा। मेकोतिमा मु़चु़मिमका मेराम ल्‍वा येशूनुङ सो़म्‍ल्‍याम्‍डी।

मत्ती 13:55

हाम गु ने सङ बनेबेपाकु तारापाचो़ मेएँ मा? हाम उ मामकु नङ मरियम, मा उ ल्‍वाकमिम याकूब, योसेफ, सिमोन नुङ यहूदा मेएँ मा?

१ तिमोथी 4:3

मेर्मिमका लालीकुन्‍दा मेबेनी र्‍वामी। मेकोतिमा थो़र लु़पामिम नुङ आच्‍छाङाकाम ल्‍वा चक्‍पामिमका आला-तोमानुङ पोमु बासिक्‍पा माम्‍चु़नीका प्रङ्‌मिडिम याङ-याङ पोमु-डुमुडाम वाङ बानी र्‍वामी।

१ कोरिन्थी 7:8

लालीकुन्‍दा मेबेपामिम नुङ अर्दोमेमिमलाई गो र्‍वाङु, मेर्मिम गो होङङा लालीकुन्‍दा मेबेसाका बुमी माला मेर्मिमलाई जो़पा दु़म।

लूका 8:20

कोङनिम मु़चु़का गुमीलाई र्‍वाम्‍डी, “इनीमा माम नुङ ल्‍वाकमिम गानीलाई क्रो़म्‍मु र्‍वाक्‍साका पाखानो येम्‍तासिक्‍पा बुमी।”