१ कोरिन्थी 9:22 - थुलुङ राई

²² याक्‍के थो़रनुङमा मु़चु़मिमका ख्रीष्‍टडा थो़र लु़मिनु़ र्‍वाक्‍साका याक्‍के थो़रनुङमा होप्माम दु़म्‍ङोडो। मेम्‍साका गो खोत्ले मु़चु़का हेसाका लोवो ख्रीष्‍टडा त्‍वारो़म ल्‍वामिनु़ र्‍वाक्‍साका मेर्मिम मु़चु़ होप्‍माम ङा दु़म्‍ङोडो।

१ कोरिन्थी 9:22 Referans Kwoze

१ कोरिन्थी 10:33

हेसाका लोवो गो बेउमिम खारीडा खोत्‍ले मु़चु़लाई गेर्सिबेन्‍मुलाई छो़म ब्राम्‍दु़ल्‍वा बेउ, आ त्‍वाप जो़पा दु़म्‍ङुनु़ र्‍वाक्‍पा न गो मेबेउ, लावो वाङमिम खोत्ले मु़चु़मिमकाम लागि वो जो़पा दु़म्‍नु़, मा मेर्मिम खोत्ले सेल्सिमिनु़ र्‍वाक्‍पा आमा न बु।

१ कोरिन्थी 9:19

गो सु़काम वो डु़ल्‍चो़ मेएँ, लोवो ख्रीष्‍टडा हापा मु़चु़मिमलाई थो़र लु़बेन्‍मु लागि खोत्‍लेकु डु़ल्‍चो़ दु़म्‍ङोडोम बु।

रोमी 15:1

गुइ थो़रडा सोनुङमा दु़म्‍पाका त्‍वाप कोङङा गेर्सी द्‍वाक्‍पा न बेसी मेनु़, लावो याक्‍के थो़रनुङमा थो़रलु़पामिमनुङ इम्‍सिसाका बुमु बासी। वाङमिमकाम न होङङा बोमु बासी।

रोमी 11:14

आरेप्‍माम जो़पा-सेला दो़पा खारीडा आमा त्‍वाकु यहूदी सामागोडाममिमका नाचु़र बोमिनु़ मा मेर्मिमगोडाम कोङनिमलाई माम्‍चु़नीडा ख्‍लोमु चापुनु़।

गलाती 6:1

वा-ल्‍वाकनी, गानीगोडाम कोङनिम मु़चु़ माम्‍चु़नीकु लाम्‍दीडा मेलाम्‍दियावाम डार्नी माला गानी माम्‍चु़नी-पेललाम नु़पा दु़म्‍पामिमका याक्‍के दु़म्‍साका मेरामलाई उनीमा लाम्‍दीथो़ ख्‍लोक्‍नी। इनी त्‍वाप चङचङया बानी वो, मेएँ माला ने गानी वो इनी न छाम्‍ला सो़सिसाका मेजो़पा खारी बोनी।

१ कोरिन्थी 8:13

मेम्‍मिमका गो हाम पेउ मेरामका थो़रलु़पा आमा वा-ल्‍वाकलाई छु़ल वामबेडु़ माला आथाडा आनो गो हेल्‍लो वो सो़ मेपेउ, मेम्‍साका वा-ल्‍वाकलाई छु़ल वाममेबेट्‌पु।

१ कोरिन्थी 7:16

थो़रलु़पा नाइमेनी, हाम गानी मेचनी, गानी थो़रडा बुनिमिमका इनीमा वोचु़मिम वो थो़रडा रोमु चाम्मी डे? मेम्‍साकाङा थो़रलु़पा वोचु़नी हाम गानी मेचनी, गानी थो़रडा बुनिमिमका इनीमा नाइमेमिम वो थो़रडा रोमु चाम्मी डे?

२ कोरिन्‍थी 11:29

कोङनिम मेचापा दु़म माला गो वो मेचापा दु़म्‍ङु। कोङनिम मु़चु़का कोङनिमलाई छु़ल बेबेड्‌डु़ माला गो छोक्‍चोका मु होप्‍मामङा दु़म्‍ङु।

रोमी 14:1

याक्‍के थो़रनुङमा मु़चु़लाई हुनाखाना बेनी, लावो गुका जेमिम ल्‍वाडा मुमा बेसाका रिबुसी मेकिट्‍नी।

रोमी 14:2

कोङनिम थो़रलु़पाका खोलेम थोक पेसी नु़ र्‍वाक्‍साका थो़र बु़, लावो याक्‍के थो़रनुङमा थो़रलु़पाका ने घ्रेनेम-योचु़म कोङङा पु़।

रोमी 15:2

इकीमा त्‍वाकु साउखोरेलाई जो़पा दु़म्‍नु़ मा मेर्मिमकु थो़रलु़सीडा सोनुङमा दु़म्‍मिनु़ र्‍वाक्‍साका गुइ खोत्‍लेका मेर्मिमलाई गेर्सिबेन्‍मुमि बासी।

१ कोरिन्थी 9:23

जो़पा-सेलाकु जि-वामिमकाम दो़दो़वा ल्‍वाउनु़ र्‍वाक्‍साका गो ओर्मिम खोत्‍ले बेउ।