Biblia Todo Logo
Bib sou entènèt

- Piblisite -




१ कोरिन्थी 9:21 - थुलुङ राई

21 यहूदी डु़म्‍ला होम्‍साका मेदोपा वाङसामामिमनुङ खारी बेउतोलो मेर्मिमका ख्रीष्‍टडा थो़र लु़मिनु़ र्‍वाक्‍साका गो यहूदी डु़म्‍ला होम्‍साका मेदोपामिम होप्‍मामङा दु़म्‍ङोडो। गो र्‍वामु माल्तोम ल्‍वा ने माम्‍चु़नीकु डु़म्‍लाडाम गो वाङ मेबुङु, लावो ख्रीष्‍टकु डु़म्‍ला होम्‍साका दोङु।

Gade chapit la Kopi




१ कोरिन्थी 9:21
22 Referans Kwoze  

माम्‍चु़नीकु डु़म्‍ला मेथेसाका उहेमका छु़ल बेम्‍डिम बु, मेर्मिम मेराम डु़म्‍ला मान्‍थिङा पुयु़लुमी मा डु़म्‍लागोडा बासाका छु़ल बेम्‍डी माला मेर्मिमका वो मेराम डु़म्‍लालामकाङा देन्‍दे ल्‍वामी।


गानीनुङ गो कोले कोङङा ल्‍वा हिलाबेपा न बु, माम्‍चु़नी-पेल गानी डु़म्‍ला होम्‍साका खारी बेसाका ल्‍वान्‍निम डे, जो़पा-सेलाडा थो़र लु़साका ल्‍वान्‍निम डे?


वाङ सामामिमनुङ यहूदीमिमकु डु़म्‍ला मिबु। लावो मेर्मिमका डु़म्‍लाडाम होम्‍साकाङा खारी बोमी माला आरेसाका बोमिमिम ल्‍वाङा त्‍वाकु डु़म्‍ला होप्‍माम र्‍वाक्‍पा रेम्‍बोमी।


त्‍वाकु मिरो़मडाम बादीखाम होम्‍साका मेएँ लावो माम्‍चु़नी-पेल होम्‍साका दोपामिमकाम लागि डु़म्‍लाका र्‍वाक्‍ताम ल्‍वा रोक्‍थिड्‍डाम बु।


येशू ख्रीष्‍ट इकीमा ङाचो़लामका ङा माम्‍चु़नीलाई आला दु़म्‍नु़। मेम्‍मिमका गो आमा त्‍वाकु नका ने माम्‍चु़नीकु डु़म्‍लाकाम लाले पाङके बेउ, लावो आमा छु़ललाममिम बासी दोसी होम्‍साका आथावो गो दोङुम बुङु।


आमा न-गो ने माम्‍चु़नीलाममिम डु़म्‍लाडा गेर्सी द्‍वा।


लावो थो़रलु़पा वाङसामामिमलाई गुकु आरेप्‍माम सेलाखाजेम र्‍याक्‍तोकोमा थु़र्तोकोम बु गानी ङाटालाई सासेट्‌मा पोमु-डुमु, लक्‍चा रिम्‍साका सेट्‌मा सो़ नुङ सिसि मेपेनी, मा नाम्‍सु़रु़ मेबेनी।”


पावल, सिलास नुङ तिमोथी शहर-शहरडा लम्‍डिलो मेर्मिमका मेसिन्‍डाम थो़रलु़पामिमलाई यरूशलेमडाम थु़र्मामिम नुङ एल्‍डरमिमका मुलु़ बेम्‍डिम ल्‍वामिम होम्‍साका दोनी बेम्‍डी।


मिप्रङमाका आथावो र्‍वामी, रोक्‍पा थारीका इस्राएलडाम मु़चु़मिमनुङ गो ओराम सो़रख्रेपु, मेर्मिमकु नगोडा आमा डु़म्‍ला जु़लु मा उनीमा नगोनो र्‍याक्‍साक्‍पुमी, गो मेर्मिमकु माम्‍चु़नी दु़म्‍ङु मा मेर्मिम आमा मु़चु़ दु़म्‍मी।


ओराम ल्‍वाडाम वाङमिम हाम वो मेझापा-खारी गानीलाई बेबेसी मेनु़ र्‍वाक्‍पा ल्‍वा माम्‍चु़नी-पेल नुङ गुकु जो़पा लु़त्तोकोम बु।


कोलेका कोङमीकु दु़खाडा ख्‍लो़बेबेनी। आरे बेन्‍नी माला येशू ख्रीष्‍टकु डु़म्‍ला होम्‍साका दोनिमिम दु़म।


Swiv nou:

Piblisite


Piblisite