१ कोरिन्थी 9:19 - थुलुङ राई

¹⁹ गो सु़काम वो डु़ल्‍चो़ मेएँ, लोवो ख्रीष्‍टडा हापा मु़चु़मिमलाई थो़र लु़बेन्‍मु लागि खोत्‍लेकु डु़ल्‍चो़ दु़म्‍ङोडोम बु।

१ कोरिन्थी 9:19 Referans Kwoze

गलाती 5:13

वा-ल्‍वाकनी, माम्‍चु़नीका गानीलाई डु़ल्‍चो़लाम वाङ दु़म्‍मु लागि येट्‌निमिम सो़। ओराम वाङदु़म्‍सी ने इनीमा मिरो़मडाम मेजो़पा न-गो होम्‍साका मेदोनु़, लावो रिखामका इनी त्‍वाप-त्‍वापडा ख्‍लो़या-बाया बेबेनी।

मत्ती 18:15

“थो़रलु़पा इमा वा-ल्‍वाकका इमा कोर्थो़लाम छु़ल बु़डु़ माला लक्‍सामा गाची कोङङा बुचिलो गुका ख्‍लो़ड्‌डु़म ल्‍वा गुनुङ सो़या। गाना र्‍वाक्‍नाम ल्‍वा मेरामका थो़स्‍तु़ माला मेरामलाई थो़रलु़पा वा-ल्‍वाक दु़म्‍बेन्‍मु चाम्‍ना।

१ कोरिन्थी 10:33

हेसाका लोवो गो बेउमिम खारीडा खोत्‍ले मु़चु़लाई गेर्सिबेन्‍मुलाई छो़म ब्राम्‍दु़ल्‍वा बेउ, आ त्‍वाप जो़पा दु़म्‍ङुनु़ र्‍वाक्‍पा न गो मेबेउ, लावो वाङमिम खोत्ले मु़चु़मिमकाम लागि वो जो़पा दु़म्‍नु़, मा मेर्मिम खोत्ले सेल्सिमिनु़ र्‍वाक्‍पा आमा न बु।

१ तिमोथी 4:16

त्‍वाकु दुथाम नुङ त्‍वाकु सीसिकु दुथाम चङचङया बाया। ओर्मिम ल्‍वा बोनाम बुना माला गाना इ त्‍वाप नुङ इमा ल्‍वा थो़पामिम खोत्‍लेङा सेल्‍सिनी।

२ तिमोथी 2:10

माम्‍चु़नीका छेट्‌मिडिम मु़चु़मिमका वो ख्रीष्‍ट येशूडा सेल्‍सिमु ल्‍वामी। मेम्‍मा मेराम सेल्‍सिसीनुङ हेल्‍लो वो मेदाम्‍पा यु़म-झ्‍वाक्‍सी ल्‍वामी मेम्‍मिमका मेर्मिमकाम लागि गो खोत्‍ले इम्‍पा आमा न बु।

२ कोरिन्‍थी 4:5

गुकु थो़बेन्कुमिम ल्‍वा आकीमा दुथाममिम मेएँ, लावो येशू ख्रीष्‍ट ने ङाचो़ र्‍वाक्‍पा ल्‍वा नुङ ख्रीष्‍टकाम लागि गुकु इनीमा डु़ल्‍चो़ दु़म्‍तोकोम बु र्‍वाक्‍साका थो़बेन्‍कु।

रोमी 15:2

इकीमा त्‍वाकु साउखोरेलाई जो़पा दु़म्‍नु़ मा मेर्मिमकु थो़रलु़सीडा सोनुङमा दु़म्‍मिनु़ र्‍वाक्‍साका गुइ खोत्‍लेका मेर्मिमलाई गेर्सिबेन्‍मुमि बासी।

१ पत्रुस 3:1

गानी नाइमेमिम वो मेम्‍साकाङा इनी त्‍वाकु वोचु़कु साखामगोडा बानी, मा मेर्मिमका माम्‍चु़नीकु सिजेमडा थो़र मेबोमी माला वो हाम वो मेसो़साका उनी नाइमेमिमकु बासी-पेसीलामका,

१ कोरिन्थी 9:1

हाम गो वो वाङमिम होम्साका त्‍वाकु नसीहोमका दोमु मेचापु मा? हाम गो थु़र्मा मेएँ मा? हाम गो इकी ङाचो़ येशू ल्‍वाउतोमिम मिबु मा? हाम ङाचो़कु खारी बेसाका गो ल्‍वान्‍निनिम गानी ङा मेएँ मा?

रोमी 1:14

हेङालोने ग्रीक लोवो ग्रीक मेएँ लोवो, नेप्‍चीनुङमा लोवो नेप्‍ची मान्‍थिम लोवो, खोत्‍लेलाई जो़पा-सेला थो़बेन्‍मुङा बासिक्‍पा बु।

गलाती 5:1

आथाडा आनो गुइ डु़ल्‍चो़ मेदु़म्‍सिनु़ र्‍वाक्‍साका येशू ख्रीष्‍टका गुइलाई वाङ बेसाड्‌डामिम सो़। मेम्‍मिमका गानी वाङ दु़म्‍पा मु़चु़मिम सोनुङमा दु़म्‍साका बानी मा आथावो डु़म्‍लाकु जुवागोडा हुमु मेमाल्‍नी।

१ कोरिन्थी 7:16

थो़रलु़पा नाइमेनी, हाम गानी मेचनी, गानी थो़रडा बुनिमिमका इनीमा वोचु़मिम वो थो़रडा रोमु चाम्मी डे? मेम्‍साकाङा थो़रलु़पा वोचु़नी हाम गानी मेचनी, गानी थो़रडा बुनिमिमका इनीमा नाइमेमिम वो थो़रडा रोमु चाम्मी डे?

रोमी 11:14

आरेप्‍माम जो़पा-सेला दो़पा खारीडा आमा त्‍वाकु यहूदी सामागोडाममिमका नाचु़र बोमिनु़ मा मेर्मिमगोडाम कोङनिमलाई माम्‍चु़नीडा ख्‍लोमु चापुनु़।

१ कोरिन्थी 10:29

गो इनीमा नेप्‍चीकाम लागि मेएँ लावो मेम र्‍वाक्‍पा कोङनिम मु़चु़काम लागि र्‍वाङडोम सो़। गानीगोडाम कोङनिमका आरे र्‍वानी डे हेङा वाङमिम मु़चु़कु नेप्‍चीगोडाम ल्‍वाका आमा दाप होर्सिक्‍पा ल्‍वाडा भोम्‍मी?

२ कोरिन्‍थी 4:15

गुकु दु़खा ल्‍वात्तोकोम ओर्मिम खोत्‍ले ल्‍वाका ने गानीलाई जो़पा दु़म्‍नु़ र्‍वाक्‍साका दु़स्‍ताम सो़। मेम दु़स्‍तामका हापा मु़चु़मिमका माम्‍चु़नीकु दिदाम ल्‍वामी मा मेर्मिम खोत्‍लेका माम्‍चु़नीकु नङ डोक्‍पु बोमु लागि गुमीलाई आलासो़ ग्‍वामी।

२ कोरिन्‍थी 12:14

ओम्‍लो गो इनीमाडा रोमु खाप्‍तोम बु। गो इनीमाडा रोङुमिम ने ओरामनुङ सु-खेप दु़म। लावो गो गानीनुङ हाम-हुम बिसाका दु़खा मेग्‍वानिनी। गो बिउमिम ल्‍वा ने इनीमा खाप्‍ची मेएँ, गानी इनी त्‍वाप ङा सो़। माम-पापकाम लागि चो़मिमका मेएँ, लावो चो़मिमकाम लागि डे माम-पापका खउलुङ फुसाका जु़ल्‍मु बासी।