१ कोरिन्थी 9:18 - थुलुङ राई

¹⁸ मेम माला गो हाम ल्‍वाउ? सु़नुङ वो खउलुङ मेरसाका जो़पा-सेला थो़बेन्‍मु ङा जि ल्‍वापा ल्‍वा सो़। मेम्‍मिमका जो़पा-सेला थो़बेट्‌पुमिलो गो ल्‍वामु बासिक्‍पा हेल्‍लो वो मेबिउ।

१ कोरिन्थी 9:18 Referans Kwoze

१ थेसलोनिकी 2:6

मु़चु़मिमलाम गुकु कोला मेसो़सिट्‌कुवा मा गानीलाम वो मेएँ, वाङमिमलाम वो मेएँ।

१ कोरिन्थी 8:9

लावो चङचङया बानी वो, गानी वाङ दु़म्‍निमका याक्‍के थो़रनुङमा इनी ङोप्‍सो़मिमलाई छु़ल मेबेबेडु़मिनु़।

२ कोरिन्‍थी 4:5

गुकु थो़बेन्कुमिम ल्‍वा आकीमा दुथाममिम मेएँ, लावो येशू ख्रीष्‍ट ने ङाचो़ र्‍वाक्‍पा ल्‍वा नुङ ख्रीष्‍टकाम लागि गुकु इनीमा डु़ल्‍चो़ दु़म्‍तोकोम बु र्‍वाक्‍साका थो़बेन्‍कु।

१ कोरिन्थी 10:33

हेसाका लोवो गो बेउमिम खारीडा खोत्‍ले मु़चु़लाई गेर्सिबेन्‍मुलाई छो़म ब्राम्‍दु़ल्‍वा बेउ, आ त्‍वाप जो़पा दु़म्‍ङुनु़ र्‍वाक्‍पा न गो मेबेउ, लावो वाङमिम खोत्ले मु़चु़मिमकाम लागि वो जो़पा दु़म्‍नु़, मा मेर्मिम खोत्ले सेल्सिमिनु़ र्‍वाक्‍पा आमा न बु।

१ कोरिन्थी 7:31

सु़म्‍दिसेरडाम सोजाममिम मोक्‍पामिमका मेर्मिमडा न मेसोक्‍मिवाम होप्‍माम दु़म्‍मिनु़। हेङालोने सु़म्‍दिसेरकु ओम्‍लोम ङाली दाम्‍मा ल।

रोमी 14:15

गानी पोनिमिम पोमुथोकका थो़रलु़पा वा-ल्‍वाकमिमकु न नो़ माला गानी मेर्मिमलाई रिखाम बोनिमिम मेदु़म। ख्रीष्‍ट उनी त्‍वापङा सिसाका सेल्‍मिडिम मु़चु़लाई इनीमा पेसी-डुसीकु ल्‍वाका पुयु़मेलुबेट्‍नु़।

यूहन्‍ना 4:36

मा-के हक्‍पाका उ ज्‍याला ल्‍वासु़, मा मेसिपा त्‍वारो़मकाम लागि मा-के खोप्‍डु़। मेम्‍मा मा-के ख्‍लिपा नुङ रु़पा कोयोङा गेर्सिन्‍ची।

थु़र्मा 18:3

हेङालोने पावल वो मेर्चिप होप्‍माम ङा पाल बनेबेपा मु़चु़ बाइडा, गु मेर्चिपनुङ बासाका कोयोङा खारी बु़डु़।

१ कोरिन्थी 3:8

ख्‍लिपा नुङ कु फिक्‍पा निफिकाम खारी ने कोले ङा सो़। मेर्चिपका उची खारीकाम पुरस्‍कार ल्‍वाची।

१ कोरिन्थी 9:12

वाङमिम मु़चु़का गानीलामका ख्‍लो़ला सो़म्‍सिमु ल्‍वामी माला हाम गुकु मेर्मिमडाम हापा ल्‍वामु बासिक्‍पा मेएँ मा? लावो गुकु ने मेम मेबेकुवा, येशू ख्रीष्‍टकु दुथाममिम जो़पा-सेला थो़बेन्‍मु मेभोम्‍सिनु़ र्‍वाक्‍साका गुकु खोत्‍ले इम्‍कु।

१ कोरिन्थी 9:15

लावो गो ल्‍वामु बासिक्‍पा ओर्मिम ल्‍वामिम कोले वो रउतोम मिबु, मा आमा लागि आरेप्‍मामङा बेङसाङनी र्‍वाक्‍साका गो ओर्मिम ल्‍वा र्‍याक्‍तोम मेएँ। ओर्मिम ल्‍वामिम हाम वो मेरसाका ङाचो़कु लाले पाङके बोमु आमा लागि धक्‍ची ह्‌वामु सो़, मेराम धक्‍ची ह्‌वामुलाई कोङनिमका भोम्‍मी माला ने आमा लागि सिमुङा जो़पा दु़म।

१ कोरिन्थी 9:17

गो आमा त्‍वाकु नकाङा जो़पा-सेला थो़बेट्‌पा खारी बेउवाम माला गो हाम हुम ल्‍वापा न बेउवा। लावो ओराम गो बोमुङा बासी, हेङालोने माम्‍चु़नीका ओराम खारी गो बोमु र्‍वाक्‍साका आमा ल्‍वाड्‌डा ग्‍वाङ्‌डिमिम बु।