१ कोरिन्थी 9:14 - थुलुङ राई

¹⁴ मेम्‍साकाङा उहेमका जो़पा-सेला थो़बेन्‍मी, मेलामकाङा मेर्मिम डु़ल्‍सिमिनु़ र्‍वाक्‍साका ङाचो़ येशूका वो र्‍वाम्‍डी।

१ कोरिन्थी 9:14 Referans Kwoze

मत्ती 10:10

गानी लाम्‍दिनिलो फाजी, अन्‍सिक्‍पा माक्‍ते, सो़लो़प नुङ डु़लु़म्‍चो़ मेकुर्नी। हेङालोने खारीचो़ उमा पोमु-डुमुकाम लागि घ्रेट्‌पा दु़म।

गलाती 6:6

माम्‍चु़नीकाम सिजेमकु सीसि रपामिमका उनीमा सीपा मु़चु़मिमनुङ खोत्‍ले जो़पा थोकमिम दो़मु बासी।

१ कोरिन्थी 9:4

हाम गुकु आकी खारीलामका पोमु-डुमु मेल्‍वाकु मा?

लूका 10:7

मेर्मिमका गानीलाई हाम पोमु-डुमु ग्‍वानिमी पेनिमा मेराम नेमडाङा बानी। हेङालोने खारी बेपा मु़चु़का खारी बु़मिमकु खउलुङ ल्‍वामु घ्रेट्‌पा दु़म। मेराम नेम डिसाका वाङमी नेमडा बाप्‍डा मेलक्‍नी।

लूका 10:8

“गानी उहेम शहरडा लनी, मेसिन्‍डाम मु़चु़मिमका गानीलाई हुनाखाना बोनी माला, मेर्मिमका गानीलाई ग्‍वानिमिमिम पोमु-डुमु पेनी डुनी।

थु़र्मा 18:3

हेङालोने पावल वो मेर्चिप होप्‍माम ङा पाल बनेबेपा मु़चु़ बाइडा, गु मेर्चिपनुङ बासाका कोयोङा खारी बु़डु़।

१ कोरिन्थी 4:15

ख्रीष्‍टडा गानीलाई सीपा मु़चु़मिम ङार्मुङा मेझापा बुमी, लावो इनीमा पाप ने सेर्पा मेबुमी। गानीलाई जो़पा-सेला थो़बेसाका येशू ख्रीष्‍टडा गो इनीमा पाप दु़म्‍ङोडोम बु।

१ कोरिन्थी 9:11

गानीगोडा गुकु त्‍वारो़मकु भ्रल फोत्तोकोम बु माला आकीमा मिरो़मकाम लागि हाम गानीलाम हाम हुम रमु मेनु़ मा?

१ कोरिन्थी 9:12

वाङमिम मु़चु़का गानीलामका ख्‍लो़ला सो़म्‍सिमु ल्‍वामी माला हाम गुकु मेर्मिमडाम हापा ल्‍वामु बासिक्‍पा मेएँ मा? लावो गुकु ने मेम मेबेकुवा, येशू ख्रीष्‍टकु दुथाममिम जो़पा-सेला थो़बेन्‍मु मेभोम्‍सिनु़ र्‍वाक्‍साका गुकु खोत्‍ले इम्‍कु।

१ कोरिन्थी 9:16

जो़पा-सेला थो़बेन्‍मुडा आमा धक्‍ची डोक्‍पु बेपा ल्‍वा हाम वो मिबु। ओराम गो थो़बेन्‍मुमि ङा बासी। जो़पा-सेला मेथो़बेट्‌पुमिवा माला ने गोडला वाइतो रोनु़।

२ कोरिन्‍थी 2:12

ख्रीष्‍टकु दुथाम जो़पा-सेला थो़बेड्‌डा गो त्रोआस शहरडा रोङडोलो ङाचो़का आमा लागि लाम्‍चोको होल्‍साङ्‌डिमिम बाइडा।

१ थेसलोनिकी 1:5

हेङालोने गानीलाई गुकु थो़बेत्तोकोम जो़पा-सेला ने ल्‍वा कोङङा मेएँ। लावो ओराम ने यु़मनुङमा नुङ माम्‍चु़नी-पेललामका छो़म थो़रबिइमिम बाइडा। गानीनुङ गुकु बात्तोकोलो इनीमा लागि हेसाका बात्तोको मेराम गानी चनिमिम बु।