१ कोरिन्थी 9:1 - थुलुङ राई

¹ हाम गो वो वाङमिम होम्साका त्‍वाकु नसीहोमका दोमु मेचापु मा? हाम गो थु़र्मा मेएँ मा? हाम गो इकी ङाचो़ येशू ल्‍वाउतोमिम मिबु मा? हाम ङाचो़कु खारी बेसाका गो ल्‍वान्‍निनिम गानी ङा मेएँ मा?

१ कोरिन्थी 9:1 Referans Kwoze

थु़र्मा 9:17

मेकोतिमा हननिया लस्‍तामा शाऊल बाट्‌पा नेमगोनो हुङडा। हननियाका उ ल्‍वा शाऊलडला जु़ल्‍तो र्‍वाक्‍ता, “ल्‍वाक शाऊल, गाना इमा मिक्‍सीका ल्‍वानानु़, मा माम्‍चु़नी-पेलका लु़न्‍सिनानु़ र्‍वाक्‍साका गानानुङ मे लाम्‍दीडा रेम्‍बेसिक्‍पा येशूका गोलाई थु़र्ङिडिमिम बु।”

१ तिमोथी 2:7

मेम्‍मिमका माम्‍चु़नीका ओराम उनी नकाम लागि जो़पा-सेला सो़पा नुङ थु़र्मा थुट्‌ङिडिमिम बु, मा आच्‍छाङाकाम सिजेम वाङसामामिमलाई सीपा मु़चु़ दु़म्‍ङोडोम बु। गो ओराम लिमा मेथेसाका आच्‍छाङा र्‍वाङुमिम सो़।

१ कोरिन्थी 3:6

गो भ्रल ख्‍लिउतो, अपोल्‍लोसका कु फिक्‍तु़, लावो माम्‍चु़नीकाङा बर्बेट्‌मिडी।

थु़र्मा 23:11

मेरामकु दिकाम नेम्‍थाका ङाचो़ येशू पावलकु ङादोडा रेम्‍बेम्‍सिम्‍डिमा र्‍वाम्‍डी, “मेङिसा पावल, यरूशलेमडा हेसाका आमा दुथाम सो़न्‍ना, मेम्‍साका ङा रोम शहरडा वो गाना आमा दुथाम सो़मु बासी।”

थु़र्मा 9:3

शाऊल दमस्‍कस शहरथो़ लक्‍तोङा बु़डु़, मा शहरफार्डा रोक्‍थिड्‌डालो कोचोत्ति धामुलामका बुबुयाम ओल उ होनोलाम-आथो़लाम झ्‍वाक्‍ता।

१ कोरिन्थी 9:19

गो सु़काम वो डु़ल्‍चो़ मेएँ, लोवो ख्रीष्‍टडा हापा मु़चु़मिमलाई थो़र लु़बेन्‍मु लागि खोत्‍लेकु डु़ल्‍चो़ दु़म्‍ङोडोम बु।

२ तिमोथी 1:11

ओराम जो़पा-सेलाकाम लागि जो़पा-सेला थो़बेट्‌पा, थु़र्मा नुङ सीपा कोङ मु़चु़ माम्‍चु़नीका गोलाई थुट्‌ङिडिमिम बु।

गलाती 5:1

आथाडा आनो गुइ डु़ल्‍चो़ मेदु़म्‍सिनु़ र्‍वाक्‍साका येशू ख्रीष्‍टका गुइलाई वाङ बेसाड्‌डामिम सो़। मेम्‍मिमका गानी वाङ दु़म्‍पा मु़चु़मिम सोनुङमा दु़म्‍साका बानी मा आथावो डु़म्‍लाकु जुवागोडा हुमु मेमाल्‍नी।

२ कोरिन्‍थी 6:1

माम्‍चु़नीनुङ खारी बेपा मु़चु़ दु़म्तोकोमका गुकु छो़म र्‍वाकु, गानी माम्‍चु़नीलाम दिदाम ल्‍वापामिमका मेराम दिदाम मेडेङा ब्लाम-ब्लाम दु़म्‍मु मेग्‍वाक्‍नी।

रोमी 1:1

माम्‍चु़नीकु थु़र्मा दु़म्‍मु लागि येट्‌ङिडिमिम मा उनीमा जो़पा-सेला थो़बेन्‍मु लागि वाङ दु़म्‍ङोडोम येशू ख्रीष्‍टकु डु़ल्‍चो़ गो पावलका ओराम सेलाखाजेम र्‍याक्‍तोङा बेउ।

गलाती 1:1

गो थु़र्मा पावललामका गलातियाडाम मण्‍डलीमिमलाई ओराम सेलाखाजेम र्‍याक्‍तोङा लेट्‌पु। गो थु़र्मा दु़म्‍ङोडोम ने मु़चु़मिमलामका मेएँ, मु़चु़मिमकु साखामका वो मेएँ, लावो येशू ख्रीष्‍ट नुङ गुमीलाई सिमुलाम फक्‍खेट्‌पा माम्‍चु़नी पापका गोलाई थु़र्मा दु़म्‍बेट्‌ङिडिमिम सो़।

१ थेसलोनिकी 2:6

मु़चु़मिमलाम गुकु कोला मेसो़सिट्‌कुवा मा गानीलाम वो मेएँ, वाङमिमलाम वो मेएँ।

२ कोरिन्‍थी 11:5

त्वापङा डोक्‍पु दु़म्‍पा मे थु़र्मामिम लिसिक्‍पामिमडाम गो कि-किम वो याक्‍के मेबुङु।

१ कोरिन्थी 1:1

ओराम सेलाखाजेम माम्‍चु़नीकु न होम्‍साका येशू ख्रीष्‍टका उनीमा थु़र्मा मु़चु़ दु़म्‍मु छेट्‌ङिडिमिम गो पावल मा गोनुङ लाम्‍दिपा आकीमा ल्‍वाक सोस्‍थेनेसलामका सो़।

रोमी 11:13

गानी वाङसामामिमलाई गो ओराम ल्‍वा र्‍वाक्‍तोङा बेउ। गो वाङसामामिमकु थु़र्मा दु़म्‍ङोडोमका जो़पा-सेला दो़पा खारी बोमुङा छो़म डोक्‍पु मिम्‍पु।

रोमी 1:5

इकीमा ङाचो़ येशू ख्रीष्‍टलामका माम्‍चु़नीका गोलाई दिदाम ग्‍वाक्‍साका उनीमा थु़र्मा दु़म्‍बेट्‌ङिडिमी। खोत्‍ले सामाडाम मु़चु़मिमका थो़रलु़मिनु़ मा गुमीका र्‍वामिमिम ल्‍वा थो़मिनु़ र्‍वाक्‍साका उनीमा नङडा खारी बेप्‍डा गोलाई थु़र्ङिडिमी।

थु़र्मा 14:14

लावो बारनाबास नुङ पावलका ओराम ल्‍वा थो़च्‍चिमा उची ये आ़क्‍चिमा आरे र्‍वाक्‍तो येत्तो मे सेर्पा मु़चु़मिमकाडा ओन्‍तो लक्‍साका र्‍वाक्‍ची,

थु़र्मा 14:4

लावो मेराम शहरडाम मु़चु़मिमगोडा गो फ दु़स्‍ता। मेकोतिमा याङ यहूदीमिमलाम मा याङ पावल नुङ बारनाबासलाम बाम्‍सिम्‍डी।

थु़र्मा 13:2

कोलेम मेर्मिमका उपास बासाका माम्‍चु़नीकु सो़रलोले बेत्तोङा बेम्‍डिलो, माम्‍चु़नी-पेलका मेर्मिमनुङ र्‍वाम्‍डी, “उहेम खारी बोमु गो बारनाबास नुङ शाऊल येत्तोचिम बु, मेराम खारी बोमु लागि मेर्चिपलाई फ्‍वाक्‍निची।”

थु़र्मा 9:15

ङाचो़का हननियानुङ र्‍वाम्‍डी, “मेरामकाडा लक्‍सा, हेङालोने वाङसामामिम, मा मेर्मिमकु हपमिम, मा इस्राएलीमिमगोडा आमा नङकु दुथाम सो़पा मु़चु़ गो मेरामलाई छेत्तोम बु।

थु़र्मा 9:5

शाऊलका र्‍वाक्‍ता, “गानी सु़, ङाचो़?” मेकोतिमा गुमीका र्‍वाम्‍डी, “गो येशू, गाना आमा थो़मतेर्तोङा बोना।

१ कोरिन्थी 10:29

गो इनीमा नेप्‍चीकाम लागि मेएँ लावो मेम र्‍वाक्‍पा कोङनिम मु़चु़काम लागि र्‍वाङडोम सो़। गानीगोडाम कोङनिमका आरे र्‍वानी डे हेङा वाङमिम मु़चु़कु नेप्‍चीगोडाम ल्‍वाका आमा दाप होर्सिक्‍पा ल्‍वाडा भोम्‍मी?

१ कोरिन्थी 10:30

गो माम्‍चु़नीलाई आलासो़ ग्‍वाक्‍साका पेत्तोङा बेउ माला, आलासो़ ग्‍वाक्‍साका पेम्‍मा पोमुथोककाम लागि वाङमिमका हेङा गोलाई मुमा बेन्‍ङिमी?

१ कोरिन्थी 11:16

कोङनिमका ओराम ल्‍वाकु दुथाम रिबुसी किन्‍मु न बोमी माला गुइनुङ ओरामडाम वाङमिम बेसीलाम मिबु, मा माम्‍चु़नीकु मण्‍डलीमिमडा वो मिबु।

२ कोरिन्‍थी 10:7

गानी ने इनी मिक्‍सीलामडा बाट्‌पा कोङङा रेम्‍नी। कोङनिम मु़चु़का गो ने ख्रीष्‍टकाम र्‍वाक्‍साका जो़होमका थो़रलु़डाम बु माला, गुकु वो गु होप्माम ङा ख्रीष्‍टकाम सो़ र्‍वाक्‍पा ल्वा गुका मिम्‍नु़।