१ कोरिन्थी 8:9 - थुलुङ राई

⁹ लावो चङचङया बानी वो, गानी वाङ दु़म्‍निमका याक्‍के थो़रनुङमा इनी ङोप्‍सो़मिमलाई छु़ल मेबेबेडु़मिनु़।

१ कोरिन्थी 8:9 Referans Kwoze

गलाती 5:13

वा-ल्‍वाकनी, माम्‍चु़नीका गानीलाई डु़ल्‍चो़लाम वाङ दु़म्‍मु लागि येट्‌निमिम सो़। ओराम वाङदु़म्‍सी ने इनीमा मिरो़मडाम मेजो़पा न-गो होम्‍साका मेदोनु़, लावो रिखामका इनी त्‍वाप-त्‍वापडा ख्‍लो़या-बाया बेबेनी।

१ पत्रुस 2:16

गानी फ्‍वाक्‍मा बुनी मा वो माम्‍चु़नीकु डु़ल्‍चो़ गानी बुनी। मेम्‍मिमका फ्‍वासिङ्‌डोम बु र्‍वाक्‍साका मेजो़पा खारी मेबेनी।

२ पत्रुस 2:19

मेर्मिमका उनी त्‍वापङा त्‍वापलाई पुयु़लुबेट्‌पा बादु़खाम नुङ छु़ल गोडा बुमी लावो मु़चु़मिमलाई ने मेरामलामका वाङ बेपा याचे जेमी।

१ कोरिन्थी 10:24

सु़का वो उ त्‍वाप कोङङा जो़पा दु़म्‍पा मेएँ, लावो वाङमिमकाम लागि जो़पा दु़म्‍नु़ र्‍वाक्‍पा नकाम दु़म्‍नु़।

१ कोरिन्थी 10:32

सु़लाई वो छु़लडा वाममेबेट्‌नी, यहूदी दु़म्‍नु़का, ग्रीक दु़म्‍नु़का माम्‍चु़नीकु मण्‍डली दु़म्‍नु़।

१ कोरिन्थी 9:22

याक्‍के थो़रनुङमा मु़चु़मिमका ख्रीष्‍टडा थो़र लु़मिनु़ र्‍वाक्‍साका याक्‍के थो़रनुङमा होप्माम दु़म्‍ङोडो। मेम्‍साका गो खोत्ले मु़चु़का हेसाका लोवो ख्रीष्‍टडा त्‍वारो़म ल्‍वामिनु़ र्‍वाक्‍साका मेर्मिम मु़चु़ होप्‍माम ङा दु़म्‍ङोडो।

१ कोरिन्थी 8:12

आरेसाका गानी थो़रलु़पा इनी वा-ल्‍वाककु कोर्थो़लाम छु़ल बोनिमा मेर्मिमकु याक्‍के नेप्‍ची नो़बेनिलो, ख्रीष्‍टकु कोर्थो़लाम गानी छु़ल बोनी।

१ कोरिन्थी 8:10

याक्‍के नेप्‍चीनुङ थो़रलु़पा कोङनिम मु़चु़का गानी थेट्‌पा-चक्‍पा मु़चु़का ङाटा सेव साट्‍पा सो़रनेमगोडा पेन्‍निम ल्‍वास्‍तु़ माला, ङाटालाई ग्‍वाक्‍मा पोमु हाम उ सो मेहन मा?

रेम्‍बेट्‌मिडिम ल्‍वा 2:14

मेम्‍मा वो इनीमा दुथाम गो मेद्‌वाक्‍पुमिम ल्‍वा किचो़ बु: गानीगोडा बालामकु सीसि होङङा बेपा मु़चु़मिम बुमी। मे बालामका इस्राएलीमिमलाई छु़ल बेबेन्‍मु लागि ङाटाडला सासेट्‌मा पोमु-डुमु मेर्मिमलाई पेबेन्‍मु नुङ नाम्‍सु़रु़ बेबेन्‍मु बालाकलाई सीड्‌डु़म बाइडा।

२ कोरिन्‍थी 11:21

र्‍वामु क्रो़म लु़पा लोवो गो सो़मु बास्‍ता, गुकु छो़म ङिजो़ल्‍पा दु़म्‍तोकोमका मेर्मिम होङङा बोमु मेचाप्‍कुवा। मेर्मिमका उहेम ल्‍वाडा डोक्‍पु लिसिमी आथावो गो वो नेप्‍ची मान्थिम दु़म्‍साका मेराम ल्‍वाडा ङा डोक्‍पु लिसिङु।

१ कोरिन्थी 10:29

गो इनीमा नेप्‍चीकाम लागि मेएँ लावो मेम र्‍वाक्‍पा कोङनिम मु़चु़काम लागि र्‍वाङडोम सो़। गानीगोडाम कोङनिमका आरे र्‍वानी डे हेङा वाङमिम मु़चु़कु नेप्‍चीगोडाम ल्‍वाका आमा दाप होर्सिक्‍पा ल्‍वाडा भोम्‍मी?

रोमी 15:1

गुइ थो़रडा सोनुङमा दु़म्‍पाका त्‍वाप कोङङा गेर्सी द्‍वाक्‍पा न बेसी मेनु़, लावो याक्‍के थो़रनुङमा थो़रलु़पामिमनुङ इम्‍सिसाका बुमु बासी। वाङमिमकाम न होङङा बोमु बासी।

मत्ती 18:10

“चङचङया बानी, ओ याक्‍केमिमगोडाम कोलेलाई वो हाम ना हामकाम मेमिम्‍नी। हेङालोने गो गानीलाई र्‍वाङु, मेर्मिमकु पाह्रीचो़मिम पाह्रीलाम आमा पापकु ङादोडा हेल्‍लो लोवो पाह्रीला बुमिम बुमी।

१ कोरिन्थी 10:28

लावो कोङनिम मु़चु़का गानीलाई “ओराम पोमु-डुमु ने ङाटाडला ग्‍वाक्‍मा” र्‍वाक्‍ता माला मेपेनी। मेराम मु़चु़का उमा नगोडा पेसी मेनु़ र्‍वाक्‍पा मिम्‍डु़मका उमा नेप्‍चीकाम लागि मेपेनी।

२ कोरिन्‍थी 6:3

आकीमा खारीडा सु़का वो मेजो़पा मुमा मेबेन्‍किमिनु़ र्‍वाक्‍साका गुकु सु़काम वो लाम्‍दीडा खेल तुक्‍पा मेजु़ल्‍कु।

२ कोरिन्‍थी 11:29

कोङनिम मेचापा दु़म माला गो वो मेचापा दु़म्‍ङु। कोङनिम मु़चु़का कोङनिमलाई छु़ल बेबेड्‌डु़ माला गो छोक्‍चोका मु होप्‍मामङा दु़म्‍ङु।

कलस्‍सी 2:8

मामासो़, सु़का वो गानीलाई हाम ना हामकाम नुङ वायम डक्‍पा मु़चु़कु नेप्‍चीका मेर्मिमकु सीसि होम्‍साका लाम्‍दिमु मेर्‍वामिनु़। मेराम सीसि ने ख्रीष्‍टलाममिम मेएँ, मु़चु़का बेम्‍खेम्‍डिम डु़म्‍ला नुङ सु़म्‍दिसेरकु दुथाममिम ल्‍वा सो़।