१ कोरिन्थी 8:4 - थुलुङ राई

⁴ मेम्‍मिमका ङाटालाई ग्‍वाक्‍मा पोमु-डुमुकु दुथाम र्‍वाकी माला सु़म्‍दिसेरडाम ङाटा हाम वो मेएँ, मा कोले माम्‍चु़नीडाम वाङमिम सु़ वो मेबुमी र्‍वाक्‍पा ल्वा गुइ चडिम बु।

१ कोरिन्थी 8:4 Referans Kwoze

१ तिमोथी 2:5

माम्‍चु़नी कोले कोङङा सो़, मा माम्‍चु़नीनुङ मु़चु़कु न-थो़म घ्रो़म्‍बेन्‍मु ने ख्रीष्‍टलामका कोङङा दु़म। आरे बोमु लागि येशू ख्रीष्‍ट ने मु़चु़ दु़म्‍साका योम्‍डी।

एफिसी 4:6

गुइ खोत्‍लेकाम कोलेङा माम्‍चु़नी, मा उनीमा मु़चु़मिम खोत्‍लेकु पाप गुमी। गुमीका उनीमा खोत्‍ले मु़चु़मिमडला साखाम थो़मी, मेम्‍मा गुमीका उनीमा खोत्‍ले मु़चु़मिमलामका खारी बोमी, मा उनीमा खोत्‍ले मु़चु़मिमनुङ दु़म्‍मी।

मर्कूस 12:29

येशूका र्‍वाम्‍डी, “खोत्‍लेडाम डोक्‍पु ओराम ङा सो़: ए इस्राएल थो़सा, मिप्रङमा इकीमा माम्‍चु़नी, मिप्रङमा कोले ङा बुमी।

यहूदा 1:25

गुमी कोलेङा गुइलाई सेल्‍पा इकी माम्‍चु़नीकु यु़म-झ्‍वाक्‍सी, डोक्‍पु दु़प्‍सी, यु़म नुङ साखाम इकीमा ङाचो़ येशू ख्रीष्‍टलामका खोत्‍ले पुस्‍ता ङादो नुङ हेल्‍लो लोवो दु़म्‍नु़म बुनु़! आमेन।

१ कोरिन्थी 8:10

याक्‍के नेप्‍चीनुङ थो़रलु़पा कोङनिम मु़चु़का गानी थेट्‌पा-चक्‍पा मु़चु़का ङाटा सेव साट्‍पा सो़रनेमगोडा पेन्‍निम ल्‍वास्‍तु़ माला, ङाटालाई ग्‍वाक्‍मा पोमु हाम उ सो मेहन मा?

१ कोरिन्थी 8:1

ङाटालाई ग्‍वाक्‍मा पोमु-डुमुकु दुथाम गो र्‍वाङु, गुइ खोत्‍लेका च, गुइ खोत्‍लेका नेप्‍ची ल्‍वास्‍तिम बु। नेप्‍चीका गुइ डोक्‍पु लिसिबेसा, लावो रिखामका जो़पा दु़म्‍बेसा।

थु़र्मा 19:26

लावो पावलका हाम बेत्तोङा लेडु़, मेराम गानी खोत्‍लेका ल्‍वात्तो नुङ थो़त्तो बोनी। पावलका मु़चु़कु ल्‍वाका बनेबोमिमिम ने माम्‍चु़नी मेएँ र्‍वाक्‍तो ङा बु़मिम बु। गुका ओ एफिसस नुङ एशियाडा बाट्‌पा हापा सेर्पा मु़चु़मिमलाई लेम्‍डु़मिमा फाल्‍मु खाप्‍डु़मिम बु।

थु़र्मा 14:15

“वा-ल्‍वाकनी, गानी हेङा आरेप्‍माम खारी बोनिमिम? गुचुकु वो गानी होप्‍माम मु़चु़ ङा सो़। हाम ना हामकु ल्‍वामिमलामका आच्‍छाङाकाम माम्‍चु़नीडा ख्‍लोमु जो़पा-सेला गानीनुङ सो़प्‍डा गुचुकु रोक्‍चोकोम सो़। सुबु, धामु, दिरिदिन नुङ मेगोडा बाट्‌पामिम खोत्‍ले गुमीका ङा प्रङ्‌मिडी।

१ तिमोथी 1:17

हेल्‍लो लोवो साखाम थो़पाम बाट्‌पा हप, हाम्‍सी वो मेसिपा, मा मिक्‍सीका ल्‍वामु मेझापा कोले कोङङा माम्‍चु़नीकाम हेल्‍लो लोवो उनीमा नङ कोसिनु़, मा उनीमा यु़म-झ्वानु़! आमेन।

थु़र्मा 15:20

लावो मेर्मिमलाई ओराम ल्‍वा र्‍याकिमा थु़र्सी– ङाटाकु नङ बेम्‍मामिम हाम वो मेपेनी, नाम्‍सु़रु़ मेबेनी, लक्‍चा रिम्‍साका सेट्‌मा नेब्‍दीपोमिमकु सो़ नुङ सिसि मेपेनी।

१ कोरिन्थी 8:11

मेम्‍मा याक्‍के नेप्‍चीनुङ थो़रलु़पा मु़चु़, उहेमकाम लागि ख्रीष्‍ट सिम्‍डी, मेरामलाई इनीमा नेप्‍चीका पुयु़लुक्‍तु़म बु।

गलाती 4:8

गानी माम्‍चु़नीलाई छेमु ङादो हाम ना हामकु नो़पमिमकु डु़ल्‍चो़ बान्‍नी, उहेम आच्‍छाङाकाम मेबायावा।