१ कोरिन्थी 8:2 - थुलुङ राई

² उहेम मु़चु़का “गो कोङनिम ल्‍वा थेट्‌पु” र्‍वाक्‍पा मिम्‍सी, गुका थेन्‍मु बासिक्‍पा ल्‍वा आथावो मेथेथिङा बुमिम दु़म।

१ कोरिन्थी 8:2 Referans Kwoze

१ कोरिन्थी 13:12

ओम्‍लो गुइ ऐनाडा ब्‍लाम-ब्‍लामया ल्‍वासिमिम होप्‍माम ल्‍वासी, लावो मेम्‍लो गुइ छ्‌याङलो-छ्‌याङलो ल्‍वासी। लावो ओम्‍लो गो कि-कि कोङङा थेसिथेट्‌पु, माम्‍चु़नीका गोलाई छेङिमिमिम होम्‍साका मेम्‍लो गो जो़होमका थेसिथेट्‌पु।

१ कोरिन्थी 3:18

सु़का वो उ त्‍वापलाई ताङताहेरथो़ मेलनु़। गानीगोडाम कोङनिमका उ त्‍वापलाई ओराम सु़म्‍दिसेरडाम नेप्‍चीनुङमा मिम्‍सी माला गु नेप्‍ची मान्‍थिम दु़म्‍नु़, मेम्‍साका कोङङा आच्‍छाङाकाम नेप्‍चीनुङमा दु़म।

गलाती 6:3

कोङनिम मु़चु़का उ त्‍वाप डोक्‍पु मेएँ लोवो उ त्‍वापलाई डोक्‍पु मिम्‍डु़ माला गुका उ त्‍वाका त्‍वापलाई ङा लु-फेले बु़मिम दु़म।

रोमी 11:25

वा-ल्‍वाकनी, थक्‍साका जु़ल्‍मा कोले ल्‍वा गानी चन्‍जो़ल्‍नी र्‍वाक्‍पा आमा न बु। मेराम ल्‍वा गानी चक्‍नी माला गानी इनी त्‍वाकाम लागि डोक्‍पु मेलिन्‍सिनी। मेराम थक्‍मा ल्‍वा आरेप्‍माम बु, रोमु बासिक्‍पा कोति वाङसामामिम ख्रीष्‍टडा मेरोक्‍थु़मसम्‍म इस्राएलीमिमकु न-गो लुङ होप्‍माम दु़म।