१ कोरिन्थी 7:9 - थुलुङ राई

⁹ लावो मेर्मिमका उनीमा त्‍वाकु न बन्‍मु मेचाम्‍मी माला लालीकुन्‍दा बोमिनु़। हेङालोने वाङमिमनुङ अम-अम द्‌वाक्‍तो बुमुडाम ने लालीकुन्‍दा बोमुङा जो़पा दु़म।

१ कोरिन्थी 7:9 Referans Kwoze

१ तिमोथी 5:14

मेम्‍मिमका स्‍वालामे अर्दोमेमिमलाई आथावो लालीकुन्‍दा बोमु ग्‍वाक्‍साका, चो़मिम कमु, उनी नेम जो़होमका रेम्‍मु सीडामी। मेम्‍साका इकीमा कोर्थो़लाम बक्‍पामिमका इकीमा दुथाम मेजो़पा जेमुलाम मेल्‍वामिनु़ र्‍वाक्‍पा आमा न बु।

१ कोरिन्थी 7:2

लावो हापा नाम्‍सु़रु़ दु़म्मिमका खोत्‍ले वोस्‍चो़काम उनी त्‍वाकामङा नाइमे दु़म्‍मु बासी, मा खोत्‍ले मेसेमकाम उनी त्‍वाकामङा वोचु़ दु़म्‍मु बासी।

१ तिमोथी 5:11

लावो स्‍वालामे अर्दोमेमिमकु नङ मेराम र्‍याखोपडा मेर्‍याका, हेङालोने मेर्मिमका याङ्‌लो लालीकुन्‍दा बेपा न बेसाका ख्रीष्‍टलाई डिन्‍मिमा वाङथो़ लमु वो चाम्‍मी।

१ कोरिन्थी 7:28

लावो गानी लालीकुन्‍दा बोनी माला छु़ल बोनिमिम ने मेदु़म। लालीकुन्‍दा मेबेथेङा बाट्‌पा रिचो़का लालीकुन्‍दा बु़लो छु़ल बु़डु़म मेदु़म। लावो लालीकुन्‍दा बेपामिमका ओराम मिरो़मडा छो़म दु़खामिम ल्‍वामु बासी, मा गो गानीलाई ओराम दु़खाडाम गेमु माल्‍निनी।

१ कोरिन्थी 7:39

वोचु़कु साम बुमिमसम्‍म मोचु़का वाङमिमनुङ लालीकुन्‍दा बोमु मेल्‍वासु़। लावो उ वोचु़ सिमिम चङडा उ न होप्‍माम मु़चु़नुङ लालीकुन्‍दा बोमु चाप्‍सु़। लावो मेराम मु़चु़ ने ङाचो़ येशूडा थो़रलु़पा दु़म्‍मु बासी।

१ कोरिन्थी 7:36

कोङनिम मु़चु़का उमाडा बिम्‍मा मेसेमलाई जो़होम बेउतोम मिबु र्‍वाक्‍पा मिम्‍डु़, मा मेराम मेसेमकु लालीकुन्‍दा बेपा दु लमु खाप्डु़म बु, मा वो मे वोस्‍चो़का लालीकुन्‍दा बोमु न बु़ माला लालीकुन्‍दा बु़नु़। ओरामडा हाम वो छु़ल मेदु़म। मेर्चिपकाम लालीकुन्‍दा दु़म्‍मु बासी।

थु़र्मा 19:36

ओराम ल्‍वा सु़का वो मेएँ र्‍वामु मेचाम्‍मी र्‍वाक्‍पा ल्‍वा ने गानी चनिमिम ङा बु, मेम्‍मिमका गानी मेङाल्‍नी, इम्‍निमा बानी।

१ थेसलोनिकी 4:4

इनीमा मिरो़मडा सेपा दु़म्‍साका नुङ डोक्‍पु मिम्‍साका बानी-दोनी।