१ कोरिन्थी 7:40 - थुलुङ राई

⁴⁰ लावो गुका लालीकुन्‍दा मेबेसाका बु माला छो़म गेर्सिमु ल्‍वासु़ र्‍वाक्‍पा लु़ङु। आमागोडा वो माम्‍चु़नी-पेल बुमी र्‍वाक्‍पा गो लु़ङु।

१ कोरिन्थी 7:40 Referans Kwoze

१ थेसलोनिकी 4:8

मेम्‍मिमका सु़का ओर्मिम सीसि मेद्‌वाकु़, मेरामका मु़चु़लाई मेएँ, माम्‍चु़नी-पेल ग्‍वाक्‍पा माम्‍चु़नीलाई मेद्‌वाकु़।

२ कोरिन्‍थी 12:11

गो आ त्‍वाकाङा त्‍वापलाई नेप्‍ची मान्‍थिम दु़म्‍बेत्तोम बु। गानीङा गोलाई आरेप्‍माम दु़म्‍बेट्‌ङिडिनी। गानी आमा नङ कोमु बासिक्‍पा बाइडा। हेङालोने गो हाम वो मेएँ लोवो “डोक्‍पु-डोक्‍पु थु़र्मामिम” डाम गो याक्‍के मेबुङु।

१ कोरिन्थी 7:35

गो इनीमा लागि पेर देन्‍मु माल्‍तोम मेएँ, गानीलाई जो़पा दु़म्‍नु़ र्‍वाक्‍साका ओराम ल्‍वा र्‍वाङुमिम सो़। गानी वाङमिम ल्‍वाडा मिम्‍ताम-सो़र्ताम मेबेसाका छो़म न सोक्‍नीमा ङाचो़कु सो़रलोले बेनिम बानी र्‍वाक्‍पा आमा न बु।

१ कोरिन्थी 7:8

लालीकुन्‍दा मेबेपामिम नुङ अर्दोमेमिमलाई गो र्‍वाङु, मेर्मिम गो होङङा लालीकुन्‍दा मेबेसाका बुमी माला मेर्मिमलाई जो़पा दु़म।

१ कोरिन्थी 7:6

ओराम ल्‍वा गानी बोमुङा बासी र्‍वाङडोम मेएँ, लावो बोमु चाम्‍नी र्‍वाक्‍साका लु़म्‍ला बेट्‌निनिम कोङङा र्‍वाङु।

१ कोरिन्थी 7:1

गानी र्‍याक्‍साका गोलाई हिला बेन्‍निम ल्‍वाकु दुथाम आरे र्‍वाङु, वोस्‍चो़का लालीकुन्‍दा मेबु़मिमङा जो़पा दु़म।

२ कोरिन्‍थी 8:10

ओराम ल्‍वाकु दुथाम आमा न आरेप्‍माम बु: माम्‍था आथाम गानी ग्‍वामु चो़म्‍निम ग्‍वा-ग्‍वा ग्‍वामु चो़म्‍निम खारी ओम्‍लो बोम्सोमु जो़पा दु़म। गानी मेराम खारी बेपा न बेन्‍निम कोङङा मेएँ, लावो खारी बोमुडा वो खोत्‍लेडाम ङादो बान्‍नी।

२ कोरिन्‍थी 13:3

मेकोतिलो ख्रीष्‍ट गोलामका जेमी डे मेएँ र्‍वाक्‍साका गानी रेम्‍मु माल्‍निम ल्‍वा डार्नी। गुमीका गानीगोडा खारी बोमिलो गुमी मेचापा मेबुमी, लावो छो़म यु़मनुङमा बुमी।