१ कोरिन्थी 7:34 - थुलुङ राई

³⁴ मेराम मु़चु़कु न नले दु़म। मेम्‍साकाङा लालीकुन्‍दा मेबेपा रिचो़का मिरो़म नुङ न-गो निफिडाङा हेसाका सेपा दु़म्‍मु र्‍वाक्‍साका ङाचो़ येशूकु दुथाम मिम्‍ताम-सो़र्ताम बु़। लावो लालीकुन्‍दा बेपा मेसेमका ने हेसाका उ त्‍वाकु वोचु़ गेर्सिबेन्‍मु र्‍वाक्‍साका सु़म्‍दिसेरडाम ल्‍वाडा मिम्‍ताम-सो़र्ताम बु़।

१ कोरिन्थी 7:34 Referans Kwoze

१ कोरिन्थी 6:20

गानीलाई माम्‍चु़नीका थि सोक्‍साका भ्रेन्‍निमिम सो़। मेम्‍मिमका गानी इनी मिरो़मकाङा माम्‍चु़नीलाई डोक्‍पु बेनी।

फिलिप्‍पी 1:20

गो छो़म बोमु मालुमिम नुङ आमा न ओरामङा सो़, हामता वो आमा क्रो़म लु़मु बासिक्‍पा मेदु़म्‍ङु, लावो आमा रुखु छो़म फिन्‍सिक्‍पा दु़म, मेम्‍साका सिङुनु़का बुङुनु़ मेलामका आमा मिरो़मडा हेल्‍लो लोवो दु़म्‍मिम होम्साका ओम्‍लो वो ख्रीष्‍ट डोक्‍पु दु़म्‍मी।

२ कोरिन्‍थी 11:28

ओर्मिमडाम वो वाङमिम ने खोत्‍ले मण्‍डलीमिमकु दुथाममिम मिम्‍ताम-सो़र्ताम गो हेल्‍लो लोवो इम्‍थाक्‍पुमिम बु।

रोमी 6:13

त्‍वाकु मिरो़मडाम अंगमिमलाई मेजो़पा खारी बेबेसाका छु़लकु ल्‍वाड्‍डा मेग्‍वाक्‍नी। लावो सिमुलाम बक्‍साका त्‍वारो़म ल्‍वापा मु़चु़मिम होङङा इनीमा खोत्‍ले त्‍वारो़म माम्‍चु़नीडा जु़ल्‍नी मा त्‍वाकु अंगमिमलाई जो़पा खारी बोमु लागि गुमीलाई ग्‍वाक्‍नी।

तीतस 3:8

ओराम आच्‍छाङा र्‍वाक्‍मा सो़, ओर्मिम सीसि छो़म सीडामी, मेम्‍साका माम्‍चु़नीडा थो़रलु़पा खोत्‍लेका जो़पा खारी छो़म बोमु माल्‍पा दु़म्‍मिनु़। ओर्मिम सीसि खोत्‍लेकाम लागि जो़पा नुङ ख्‍लो़पा बु।

१ थेसलोनिकी 5:23

न-गो भ्रसिबेट्‌पा माम्‍चु़नीका खोत्‍लेडा गानीलाई सेपा दु़म्‍बेन्‍मिनु़। मेम्‍मा खोत्‍ले इनीमा मिरो़म, न-गो, साम ङाचो़ येशू ख्रीष्‍ट योमिलोसम्‍म हाम वो मेख्‍लो़ट्‌पा दु़म्‍बेन्‍मिनु़।

२ कोरिन्‍थी 8:16

गो इनीमा दुथाम बेउमिम मिम्‍ताम-सो़र्तामङा माम्‍चु़नीका तीतसकु न-गोनो जु़ल्‍साम्‍डी। मेम्‍मिमका गुमीलाई आलासो़ र्‍वाङु।

१ तिमोथी 3:5

हेङालोने कोङ मु़चु़का उमा नेमडाममिमलाई जो़होमका रेमु मेचाप्‍सु़ माला मेरामका हेसाका माम्‍चु़नीकु मण्‍डली रेमु चाप्‍सु़ मा?

यूहन्‍ना 10:13

मेराम मु़चु़ स्‍वा, हेङालोने मेराम मु़चु़ ने खउलुङ ग्‍वाक्‍साका जु़ल्‍मा, मेरामका भेन्‍दामिमलाई जो़होमका मेरेप्‍डु़मी।

१ कोरिन्थी 7:33

लावो लालीकुन्‍दा बेपा मु़चु़का ने उ नाइमे हेसाका गेर्सिबेन्‍मु र्‍वाक्‍साका सु़म्‍दिसेरडाम ल्‍वाडा मिम्‍ताम-सो़र्ताम बु़।

१ कोरिन्थी 7:35

गो इनीमा लागि पेर देन्‍मु माल्‍तोम मेएँ, गानीलाई जो़पा दु़म्‍नु़ र्‍वाक्‍साका ओराम ल्‍वा र्‍वाङुमिम सो़। गानी वाङमिम ल्‍वाडा मिम्‍ताम-सो़र्ताम मेबेसाका छो़म न सोक्‍नीमा ङाचो़कु सो़रलोले बेनिम बानी र्‍वाक्‍पा आमा न बु।

१ तिमोथी 5:5

उहेम आच्‍छाङा अर्दोमे बु, मा मेरामकाम सु़ वो मेबुमी माला, मेरामका माम्‍चु़नीलाम हाम-हुम ल्‍वापा नका नेम्‍फु सिन्‍था याक्‍के दु़म्‍साका ख्‍लो़ला सो़म्‍सिमु सो़म्‍दी बु़।