१ कोरिन्थी 7:32 - थुलुङ राई

³² गानी मिम्‍ताम-सो़र्ताम मेबेसाका बानी र्‍वाक्‍पा आमा न बु। लालीकुन्‍दा मेबेपा मु़चु़का हेसाका ङाचो़ येशूलाई गेर्सीबेट्‌पा र्‍वाक्‍साका ङाचो़कु दुथामङा मिम्‍ताम-सो़र्ताम बु़।

१ कोरिन्थी 7:32 Referans Kwoze

१ तिमोथी 5:5

उहेम आच्‍छाङा अर्दोमे बु, मा मेरामकाम सु़ वो मेबुमी माला, मेरामका माम्‍चु़नीलाम हाम-हुम ल्‍वापा नका नेम्‍फु सिन्‍था याक्‍के दु़म्‍साका ख्‍लो़ला सो़म्‍सिमु सो़म्‍दी बु़।

फिलिप्‍पी 4:6

हामकाम वो मिम्‍ताम-सो़र्ताम मेबेनी, लावो खोत्‍लेडा सो़म्‍दी नुङ येप्‍सीका मा गुमीलाई आलासो़ ग्‍वाक्‍तो माम्‍चु़नीकाडा गानी बिनी।

मत्ती 13:22

चु़दुगोनो झुक्‍पा भ्रल मेरामङा सो़, उहेमका माम्‍चु़नीकु सिजेम थो़सु़, लावो हाम पेपा-फसिक्‍पा र्‍वाक्‍साका मिम्‍ताम-सो़र्ताम नुङ खाप्‍चीचो़ दु़म्‍मु मालु़मिमका माम्‍चु़नीकु सिजेमथो़ न मेसोकु़। मेम्‍मा सिजेमका र्‍वामिम होप्‍माम दु़म्‍मु मेचाप्‍सु़।

मर्कूस 4:19

लावो पोमु-डुमुकु मिम्‍ताम-सो़र्ताम, खाप्‍ची द्‌वाम, नुङ वाङमिम खोत्‍लेङा डार्पा न उनी नगोनो हुमा मेरामका सिजेम हुप्डु़, मेकोतिमा मेरामका मा फिमु मेग्‍वाकु़।

यूहन्‍ना 10:13

मेराम मु़चु़ स्‍वा, हेङालोने मेराम मु़चु़ ने खउलुङ ग्‍वाक्‍साका जु़ल्‍मा, मेरामका भेन्‍दामिमलाई जो़होमका मेरेप्‍डु़मी।

१ कोरिन्थी 7:33

लावो लालीकुन्‍दा बेपा मु़चु़का ने उ नाइमे हेसाका गेर्सिबेन्‍मु र्‍वाक्‍साका सु़म्‍दिसेरडाम ल्‍वाडा मिम्‍ताम-सो़र्ताम बु़।