१ कोरिन्थी 7:30 - थुलुङ राई

³⁰ ख्रापामिम मेख्रापा होप्‍माम, मा गेर्सिद्‌वाक्‍पामिम गेर्सिमेद्‌वाक्‍पामिम होप्‍माम दु़म्‍मिनु़मा बुमिनु़। भ्रेपामिमका उ त्‍वाप नुङ हाम वो मेबाट्‍पा होङङा लु़नु़।

१ कोरिन्थी 7:30 Referans Kwoze

यूहन्‍ना 16:22

मेम्‍साकाङा ओम्‍लो इनीमा न-गो ख्राम, लावो आथावो गो गानीलाई रेम्‍निनी, मा इनीमा न-गो भ्रसी। मेराम इनी न-गो भ्रसी सु़का वो गानीलाम मेरोनिमी।

लूका 6:25

ओम्‍लो गानी खोहोम पोमु ल्‍वापामिमलाई हाउरेमा! हेङालोने गानी दिफु क्रु़मसिपा दु़म्‍नी। ओम्‍लो रिपामिम ने हाउरेमा! दिफु गानी इनी नडा मेभ्रन्‍सिनिमा ख्राम्‍नी।

लूका 6:21

ओम्‍लो क्रु़मसिपा मु़चु़नी, गानी आलाकाम सो़, हेङालोने गानी इनी गोतिम्‍सिनी। ओम्‍लो ख्रापा मु़चु़नी, गानी आलाकाम सो़, हेङालोने गानी रिमु ल्‍वानी।

रेम्‍बेट्‌मिडिम ल्‍वा 18:7

मेराम शहरका हाङको डोक्‍पु लिसिड्‌डा मा एलेङगी बु़डु़ मेकोतिङा दु़खा ग्‍वाक्‍नी, मेभ्रसी बेट्‌नी। मेरामका उमा नडा आरे र्‍वाक्‍साका डोक्‍पु लिसी, ‘गो हपमे होङङा गन्‍तासिङु, गो अर्दोमे मेएँ, मा गो हेल्‍लो वो मेख्राम्‍ङु-मेदुङु।’

रेम्‍बेट्‌मिडिम ल्‍वा 7:17

हेङालोने मे हप गन्‍खोपकु थेतेडा बाट्‌पा भेन्‍दाचो़ मेर्मिमकु रेपा-क्रिपा दु़म्‍मी, गुमीका मेर्मिमलाई नु़बेट्‌पा कु पुन्‍खोपथो़ क्रिमी। मेम्‍मा माम्‍चु़नीका मेर्मिमकु मिक्‍सीडाम खोत्‍ले प्‍ल बम्‍साट्‌मी’।”

लूका 16:25

“लावो अब्राहामका र्‍वाक्‍ता, ‘ए योयो, गाना मिम्‍डा, गाना सुबुडा बान्‍नालो जो़पा-जो़पा फन्‍सिट्‌ना, पेन्‍ना-डुन्‍ना, मा एलेङगी बेन्‍ना। लाजरसका ने छो़म दु़खा ल्‍वास्‍तु़म बाइडा। मेम्‍मिमका ओम्‍लो गुलाई आसिन्‍डा दु़खा मिबु, मा गाना ने दु़खा इम्‍तोङा लेना।

१ कोरिन्थी 7:29

वा-ल्‍वाकनी, गो गानीलाई र्‍वामु मालुमिम ल्‍वा ओरामङा सो़, ङाचो़ दालाङा योमी। आथाडा आनो नाइमे बाट्‌पामिमका नाइमे मेबाट्‍पा होप्‍मामङा दु़म्‍साका बुमिनु़।

१ कोरिन्थी 7:31

सु़म्‍दिसेरडाम सोजाममिम मोक्‍पामिमका मेर्मिमडा न मेसोक्‍मिवाम होप्‍माम दु़म्‍मिनु़। हेङालोने सु़म्‍दिसेरकु ओम्‍लोम ङाली दाम्‍मा ल।