१ कोरिन्थी 7:25 - थुलुङ राई

²⁵ लालीकुन्‍दा मेबेथेङा बाट्‌पामिमकु दुथाम गानीलाई बेबेन्‍मु बासिक्‍पा ङाचो़ येशूका गोलाई र्‍वाम्‍डिम ल्‍वा हाम वो मिबु। ङाचो़कु न-थो़मका माम्‍चु़नीकु थो़रलु़इमिम मु़चु़ दु़म्‍ङोडोमका आमा नडाम ल्‍वा गो गानीलाई र्‍वाङु।

१ कोरिन्थी 7:25 Referans Kwoze

१ कोरिन्थी 7:6

ओराम ल्‍वा गानी बोमुङा बासी र्‍वाङडोम मेएँ, लावो बोमु चाम्‍नी र्‍वाक्‍साका लु़म्‍ला बेट्‌निनिम कोङङा र्‍वाङु।

१ कोरिन्थी 4:2

मेम्‍मा आरेसाका खुन्‍चु़म ग्‍वाक्‍मा मु़चु़ थो़र लु़इमिम दु़म्‍मु बासी।

१ कोरिन्थी 7:40

लावो गुका लालीकुन्‍दा मेबेसाका बु माला छो़म गेर्सिमु ल्‍वासु़ र्‍वाक्‍पा लु़ङु। आमागोडा वो माम्‍चु़नी-पेल बुमी र्‍वाक्‍पा गो लु़ङु।

१ कोरिन्थी 7:12

वाङमिमलाई गो र्‍वाङु, ओराम ङाचो़का र्‍वाम्‍डिम मेएँ, लावो गो र्‍वाङडोम सो़, कोङनिम वा-ल्‍वाककाम नाइमे येशूडा थो़रमेलु़पा बु, मा गुका उ वोचु़नुङ बुमु न बु़ माला गुका उ नाइमे मेङेट्‌नु़।

२ कोरिन्‍थी 11:17

मेप्माम डोक्‍पु लिसिसी ने ङाचो़लाममिम मेएँ, लावो ओम्‍लो गो नेप्‍ची मान्‍थिम मु़चु़ होप्माम दु़म्‍साका जेत्तोङा बेउ।

२ कोरिन्‍थी 2:17

वाङमिम हापा मु़चु़मिमका खाप्‍ची डु़म्‍मु लागि बेम्‍डिम होङङा माम्‍चु़नीकु सिजेम भ्रेट्‌पा मु़चु़ गुकु मेएँ, लावो गुकु ने माम्‍चु़नीका थु़र्तिकिम मु़चु़ सो़, मा माम्‍चु़नीकु ङादोडा गुकु ख्रीष्‍टकु डु़ल्‍चो़ दु़म्‍साका उनीमा सिजेम आच्‍छाङा जेकु।

१ कोरिन्थी 15:10

लावो गो हाम बुङु, मेराम माम्‍चु़नीकु दिदामका दु़म्‍ङोडोम बु, मा गोडलाम उनीमा दिदाम हाम ना हामकाम मेदु़म्‍सावा। गो ने वाङमिम खोत्‍ले थु़र्मामिमडाम वो हापा मेझापातो खारीमिम बेउतो। लावो गो बेउतोम मेएँ, गोनुङ बाट्‌पा माम्‍चु़नीकु दिदामका।

१ कोरिन्थी 7:34

मेराम मु़चु़कु न नले दु़म। मेम्‍साकाङा लालीकुन्‍दा मेबेपा रिचो़का मिरो़म नुङ न-गो निफिडाङा हेसाका सेपा दु़म्‍मु र्‍वाक्‍साका ङाचो़ येशूकु दुथाम मिम्‍ताम-सो़र्ताम बु़। लावो लालीकुन्‍दा बेपा मेसेमका ने हेसाका उ त्‍वाकु वोचु़ गेर्सिबेन्‍मु र्‍वाक्‍साका सु़म्‍दिसेरडाम ल्‍वाडा मिम्‍ताम-सो़र्ताम बु़।

१ कोरिन्थी 7:28

लावो गानी लालीकुन्‍दा बोनी माला छु़ल बोनिमिम ने मेदु़म। लालीकुन्‍दा मेबेथेङा बाट्‌पा रिचो़का लालीकुन्‍दा बु़लो छु़ल बु़डु़म मेदु़म। लावो लालीकुन्‍दा बेपामिमका ओराम मिरो़मडा छो़म दु़खामिम ल्‍वामु बासी, मा गो गानीलाई ओराम दु़खाडाम गेमु माल्‍निनी।

१ कोरिन्थी 7:10

लालीकुन्‍दा बोमु दु़म्‍पामिमलाई गो आरे बेबेनिनी (गो बेबेनिनिमिम मेएँ, लावो ङाचो़का बेबेनिनिमिम सो़): मोचु़का उ वोचु़ मेडिड्नु़।