१ कोरिन्थी 7:22 - थुलुङ राई

²² हेङालोने माम्‍चु़नीका ङाचो़ येशूडा येट्‌मिडिलो उहेम मु़चु़ डु़ल्‍चो़ बाइडा, मेराम मु़चु़ ङाचो़काम लागि उ दाप होर्सिक्‍पा दु़स्‍ताम बु। मेम्साकाङा माम्‍चु़नीका येट्‌मिडिलो उहेम मु़चु़ डु़ल्‍चो़ मेबायावा मेराम ओम्‍लो ख्रीष्‍टकु डु़ल्‍चो़ दु़स्‍ताम बु।

१ कोरिन्थी 7:22 Referans Kwoze

१ पत्रुस 2:16

गानी फ्‍वाक्‍मा बुनी मा वो माम्‍चु़नीकु डु़ल्‍चो़ गानी बुनी। मेम्‍मिमका फ्‍वासिङ्‌डोम बु र्‍वाक्‍साका मेजो़पा खारी मेबेनी।

फिलेमोन 1:16

लावो डु़ल्‍चो़ होङङा मेएँ, ओनेसिमस ने डु़ल्‍चो़डाम वो डोक्‍पु सो़। गु आमा लागि द्‌वादीबुङ ल्‍वाक, लावो इमा लागि ने मेरामडाम हापा, हेङालोने ङाचो़ येशूडा मेराम कोङ मु़चु़ नुङ थो़रलु़पा ल्‍वाक होङङा सो़।

गलाती 5:13

वा-ल्‍वाकनी, माम्‍चु़नीका गानीलाई डु़ल्‍चो़लाम वाङ दु़म्‍मु लागि येट्‌निमिम सो़। ओराम वाङदु़म्‍सी ने इनीमा मिरो़मडाम मेजो़पा न-गो होम्‍साका मेदोनु़, लावो रिखामका इनी त्‍वाप-त्‍वापडा ख्‍लो़या-बाया बेबेनी।

गलाती 5:1

आथाडा आनो गुइ डु़ल्‍चो़ मेदु़म्‍सिनु़ र्‍वाक्‍साका येशू ख्रीष्‍टका गुइलाई वाङ बेसाड्‌डामिम सो़। मेम्‍मिमका गानी वाङ दु़म्‍पा मु़चु़मिम सोनुङमा दु़म्‍साका बानी मा आथावो डु़म्‍लाकु जुवागोडा हुमु मेमाल्‍नी।

यहूदा 1:1

येशू ख्रीष्‍टकु डु़ल्‍चो़ नुङ याकूबकु ल्‍वाक यहूदालामका– माम्‍चु़नी पापलामका थसिक्‍पा नुङ रिखाम ल्‍वापा मा येशू ख्रीष्‍टकाम लागि बोट्‌मा-थार्मामिम,

२ पत्रुस 1:1

गो येशू ख्रीष्‍टकु डु़ल्‍चो़ नुङ थु़र्मा सिमोन पत्रुसका, इकीमा माम्‍चु़नी नुङ गुइलाई सेल्‍पा येशू ख्रीष्‍टकु चोमिक्‍सी मान्‍थिम नुङ जो़पा खारी बेसीलामका आकीमा होप्‍माम हापा थिकाम थो़र ल्‍वापा गानीलाई ओराम सेलाखाजेम र्‍याक्‍तोङा बेउ।

कलस्‍सी 4:12

गानी गोडामङा कोले इपाफ्रास, गु ख्रीष्‍ट येशूकु डु़ल्‍चो़का गानीलाई सेव र्‍वाक्‍ताम बु। मेम्‍मा इनीमा थो़र छो़म डोक्‍पु दु़म्‍नु़, मा गानी हाम वो मेख्‍लो़ट्‌पा दु़म्‍साका माम्‍चु़नीका न बोमिमिम होङङा खोत्‍ले बोमु चापा दु़म्‍निनु़ र्‍वाक्‍साका इनीमा लागि हेल्‍लो लोवो गुका छो़म न सोक्‍साका सो़म्‍दी बु़होम बु।

गलाती 1:10

हाम गो मु़चु़मिमलाई गेर्सी बेन्‍मु माल्‍तोङा लेट्‌पु र्‍वाक्‍पा गानी मिम्‍निमिम? गो ने मु़चु़मिमलाई मेएँ, माम्‍चु़नीलाई गेर्सी बेन्‍मु माल्‍तोङा लेट्‌पु। मु़चु़मिमलाई गेर्सी बेन्‍मु मालु माला ने गो येशू ख्रीष्‍टकु डु़ल्‍चो़ङा मेएँ।

१ कोरिन्थी 9:19

गो सु़काम वो डु़ल्‍चो़ मेएँ, लोवो ख्रीष्‍टडा हापा मु़चु़मिमलाई थो़र लु़बेन्‍मु लागि खोत्‍लेकु डु़ल्‍चो़ दु़म्‍ङोडोम बु।

रोमी 1:1

माम्‍चु़नीकु थु़र्मा दु़म्‍मु लागि येट्‌ङिडिमिम मा उनीमा जो़पा-सेला थो़बेन्‍मु लागि वाङ दु़म्‍ङोडोम येशू ख्रीष्‍टकु डु़ल्‍चो़ गो पावलका ओराम सेलाखाजेम र्‍याक्‍तोङा बेउ।

१ कोरिन्थी 7:21

माम्‍चु़नीका येट्‌निमिलो हाम गानी डु़ल्‍चो़ बान्‍नी? मिम्‍ताम-सो़र्ताम मेबेनी, लावो गानी डु़ल्‍चो़लाम वाङ दु़म्‍मु चाम्‍नि माला मेमङा बेनी।

१ कोरिन्थी 9:21

यहूदी डु़म्‍ला होम्‍साका मेदोपा वाङसामामिमनुङ खारी बेउतोलो मेर्मिमका ख्रीष्‍टडा थो़र लु़मिनु़ र्‍वाक्‍साका गो यहूदी डु़म्‍ला होम्‍साका मेदोपामिम होप्‍मामङा दु़म्‍ङोडो। गो र्‍वामु माल्तोम ल्‍वा ने माम्‍चु़नीकु डु़म्‍लाडाम गो वाङ मेबुङु, लावो ख्रीष्‍टकु डु़म्‍ला होम्‍साका दोङु।