१ कोरिन्थी 7:17 - थुलुङ राई

¹⁷ माम्‍चु़नीका येट्‌निमिलो ङादो गानी खोत्लेङा हेप्‍माम बासीडा बान्‍नी मा ङाचो़ येशूका गानीलाई हामकाम लागि थु़ट्‌निमिमिम बु, मेम्साका ङा गानी बानिम बानी। खोत्‍ले मण्‍डलीका बोमु बासिक्‍पा आमा सीसि वो ओराम ङा सो़।

१ कोरिन्थी 7:17 Referans Kwoze

१ कोरिन्थी 4:17

ओरामकाम लागि ङा गो तिमोथीलाई इनीमाडा थु़र्तोङा लेट्‌पु। गु ङाचो़ येशूकु थो़र लु़इमिम आमा द्‌वादीबुङ तारापाचो़ सो़। गो खोत्‍लेथो़ मा खोत्‍ले मण्‍डलीडा सीत्तोमिम होम्‍साकाङा ख्रीष्‍ट येशूडा आमा त्‍वारो़मडा गो हेसाका बुङुमिम बु, मेराम गुका गानीनुङ सो़यु़।

१ कोरिन्थी 7:24

वा-ल्‍वाकनी, गानी खोत्‍ले माम्‍चु़नीका येट्‌निमिलो हेप्‍माम बासीडा बान्‍नी, मेसिन्डा माम्चु़नीनुङ बानिम बानी।

२ कोरिन्‍थी 8:18

गुनुङ कोले ल्‍वाकलाई वो गुकु थु़र्तोङा लेन्‍कु, मेराम ल्‍वाक ने जो़पा-सेला थो़बेन्‍मुडा खोत्‍ले मण्‍डलीका उमा नङ कोम्‍डिम सो़।

२ कोरिन्‍थी 11:28

ओर्मिमडाम वो वाङमिम ने खोत्‍ले मण्‍डलीमिमकु दुथाममिम मिम्‍ताम-सो़र्ताम गो हेल्‍लो लोवो इम्‍थाक्‍पुमिम बु।

१ कोरिन्थी 7:18

हाम कोङ मु़चु़ माम्‍चु़नीका येन्‍मु ङादो उ खिरिरि क्रिप्‍सी दु़स्‍ताम बाइडा? मेम माला खिरिरि क्रिप्‍सी मेबेम्‍मा होप्‍माम दु़म्‍मु मेमाल्‍नु़। हाम कोङ मु़चु़ माम्‍चु़नीका येन्‍मु ङादो उ खिरिरि क्रिप्‍सी मेबेम्‍मा बाइडा? मेम माला गुका उ खिरिरि क्रिप्‍सी मेबु़नु़।

१ कोरिन्थी 7:7

खोत्‍ले मु़चु़मिम गो होङङा त्‍वापङा बुमिनु़ र्‍वाक्‍पा न बेउ। लावो खोत्‍ले मु़चु़का माम्‍चु़नीलाम त्‍वा-त्‍वाहोम राप्‍लावा ल्‍वाम्‍डिम बु, कोलेका को खालकाम कोङमीका वाङखालकाम।

१ कोरिन्थी 14:33

हेङालोने सो़रलोले बेसीडा ल्‍वा मेघ्रो़म्‍साका हाम बेबे द्‍वा मेरामङा बोमिमिम माम्‍चु़नीका न मेबोमी, लावो खोत्‍ले ल्‍वाडा न घ्रो़म्‍बेसाका तु़रु़ रेन्‍थिमिमा बोमिमिम ल्‍वाडाङा माम्‍चु़नीका न बोमी। माम्‍चु़नीकु मु़चु़मिमकु खोत्‍ले मण्‍डलीडा होङङा,

मत्ती 19:12

हेङालोने कोङनिम मु़चु़ गमिलोङा चो़ कमु मेचापा गमी, याङ मु़चु़लाई वाङमिमका चो़ कमु मेचापा बनेबोमी। मेम्‍मा याङ मु़चु़ ने माम्‍चु़नीकु किब्‍दीकाम लागि लालीकुन्‍दा मेबेपा मुलु़ बोमी। उहेमका ओराम सीसि रमु चाप्‍सु़, मेरामका रङु़नु़।”

१ कोरिन्थी 16:1

यरूशलेमडा बाट्‍पा माम्‍चु़नीकु मु़चु़मिमकाम लागि ग्‍वा-ग्‍वा फमुकु दुथाम गलातियाडाम मण्‍डलीमिमलाई गो बेबेत्तोमिम होम्‍साकाङा गानी बेनी।

१ कोरिन्थी 10:32

सु़लाई वो छु़लडा वाममेबेट्‌नी, यहूदी दु़म्‍नु़का, ग्रीक दु़म्‍नु़का माम्‍चु़नीकु मण्‍डली दु़म्‍नु़।

१ कोरिन्थी 11:16

कोङनिमका ओराम ल्‍वाकु दुथाम रिबुसी किन्‍मु न बोमी माला गुइनुङ ओरामडाम वाङमिम बेसीलाम मिबु, मा माम्‍चु़नीकु मण्‍डलीमिमडा वो मिबु।

१ कोरिन्थी 11:34

कोङनिम मु़चु़ क्रु़म सिपा बु माला गुका नेमडाङा पु़नु़, मेम्‍साका गानी कोदेप घ्रो़म्‍निलो गानीडला देन्‍दे मेरोनु़। वाङमिम ल्‍वाकु दुथाम गो रोङुमा सीनिनी।

गलाती 1:22

मेम्‍लोसम्‍म यहूदियाडाम ख्रीष्‍टकु मण्‍डलीमिमका हेल्‍लो वो गोलाई क्रो़म्‍ङिडिमिम मेबायावा।

१ थेसलोनिकी 2:14

हेङालोने वा-ल्‍वाकनी, ख्रीष्‍ट येशूडा बाट्‌पा यहूदियाडाम माम्‍चु़नीकु मण्‍डलीमिमकु बेसी गानी बेन्‍निम बु। मे थो़रलु़पामिमलाई त्‍वाकु मु़चु़ यहूदीमिमकाङा दु़खा ग्‍वाम्‍डिम होङङा गानीलाई वो इनीमा नेब्‍दीडाम मु़चु़मिमका दु़खा ग्‍वानिमिम बु।

२ थेसलोनिकी 1:4

मेम्‍मिमका खोत्‍ले इनीमा थो़मतेर्सी नुङ छो़म दु़खा ल्‍वान्‍निलो इम्‍निम नुङ थो़रलु़न्‍निमकु दुथाम आकी नो़ डोक्‍पु बेत्तो माम्‍चु़नीकु वाङमिम मण्‍डलीनुङ सो़कु।