१ कोरिन्थी 7:10 - थुलुङ राई

¹⁰ लालीकुन्‍दा बोमु दु़म्‍पामिमलाई गो आरे बेबेनिनी (गो बेबेनिनिमिम मेएँ, लावो ङाचो़का बेबेनिनिमिम सो़): मोचु़का उ वोचु़ मेडिड्नु़।

१ कोरिन्थी 7:10 Referans Kwoze

मत्ती 5:32

लावो गो र्‍वाङु, इनी नाइमेका नाम्‍सु़रु़ मेबेथु़मसम्‍म गानी गुलाई मेडिट्‌नी वो। गानी गुलाई डिट्‌नी माला कोङनिमका वाङमिमकु नाइमेलाई लालीकुन्‍दा बु़लो नाम्‍सु़रु़ बु़मिम होङङा गुलाई वो गानी नाम्‍सु़रु़ बेबेनिमिम दु़म।

लूका 16:18

“उहेम मु़चु़का उ त्‍वाकु नाइमे ङेडु़मा कोङमी मेसेमलाई लालीकुन्‍दा बु़ माला मेराम मु़चु़का नाम्‍सु़रु़ बु़। मेम्‍मा उ वोचु़का ङेडु़मिम मेसेमलाई लालीकुन्‍दा बेपा मु़चु़का वो नाम्‍सु़रु़ बु़।

१ कोरिन्थी 7:15

लावो थो़रमेलु़पाका फ्वासिमु न बु़ माला फ्‍वासी लोवो फ्‍वासिनु़। मेराम थारीका थो़रलु़पा मे रिचो़ लोवो वोस्‍चो़ लोवो बादे-बादे मेदु़म। हेङालोने माम्‍चु़नीका गुइलाई न-गो भ्रसिक्‍तो बुमु येसाड्‌डामिम सो़।

१ कोरिन्थी 7:12

वाङमिमलाई गो र्‍वाङु, ओराम ङाचो़का र्‍वाम्‍डिम मेएँ, लावो गो र्‍वाङडोम सो़, कोङनिम वा-ल्‍वाककाम नाइमे येशूडा थो़रमेलु़पा बु, मा गुका उ वोचु़नुङ बुमु न बु़ माला गुका उ नाइमे मेङेट्‌नु़।

१ कोरिन्थी 7:25

लालीकुन्‍दा मेबेथेङा बाट्‌पामिमकु दुथाम गानीलाई बेबेन्‍मु बासिक्‍पा ङाचो़ येशूका गोलाई र्‍वाम्‍डिम ल्‍वा हाम वो मिबु। ङाचो़कु न-थो़मका माम्‍चु़नीकु थो़रलु़इमिम मु़चु़ दु़म्‍ङोडोमका आमा नडाम ल्‍वा गो गानीलाई र्‍वाङु।

१ कोरिन्थी 7:6

ओराम ल्‍वा गानी बोमुङा बासी र्‍वाङडोम मेएँ, लावो बोमु चाम्‍नी र्‍वाक्‍साका लु़म्‍ला बेट्‌निनिम कोङङा र्‍वाङु।

१ कोरिन्थी 7:40

लावो गुका लालीकुन्‍दा मेबेसाका बु माला छो़म गेर्सिमु ल्‍वासु़ र्‍वाक्‍पा लु़ङु। आमागोडा वो माम्‍चु़नी-पेल बुमी र्‍वाक्‍पा गो लु़ङु।

मर्कूस 10:2

मेकोतिमा फरिसीमिम उनीमाडा रोम्‍डी, मा उनी न छाम्‍मुलाई आरेसाका हिलाहिसी बेम्‍डी, “मु़चु़का हाम त्‍वाकु नाइमेनुङ डिन्‍बोमु डु़म्‍लाका ग्‍वाक्‍सा?”

१ कोरिन्थी 7:11

गुका डिडु़ङा लोवो गु लालीकुन्‍दा मेबेसाका बुमु बासी मेएँ माला गु उ वोचु़नुङ दु़साका बुनु़। मेम्‍मा वोचु़का वो उ नाइमेलाई मेडिड्‌नु़।